ភ្នំពេញៈ ខណៈ​ប្រទេស​ជា​សមាជិក​អាស៊ាន​ប្រកួត​ប្រជែង​គ្នា​ដើម្បី​ត្រៀម​ខ្លួន​ធ្វើ​សមាហរណ​កម្ម​សហគមន៍​សេដ្ឋកិច្ច​អាស៊ាន (AEC) នៅ​ចុង​ខែ​នេះ សសរ​ស្តម្ភ​មួយ​ក្នុង​ចំណោម​សសរ​ស្តម្ភ​របស់​ប្លុក​សេដ្ឋកិច្ច​ថ្មី​នេះ គឺ​លំហូរ​កម្លាំង​ពលកម្ម​ជំនាញ​ដោយ​សេរី​ឆ្លង​ព្រំដែន ដែល​អ្នក​ជំនាញ​ក្នុង​ឧស្សាហកម្ម​កម្ពុជា​ពុំ​ព្រួយ​បារម្ភ​នោះ​ទេ​ថា ​លទ្ធភាព​នៃ​លំហូរ​កម្លាំង​ពលកម្ម​ជំនាញ​ដោយ​សេរី​នេះ​ នឹង​ជំរុញ​ឲ្យ​កម្លាំង​ពលកម្ម​ជំនាញ​ចាក​ចេញ​ពី​ប្រទេស​កម្ពុជា​។