Search form

Login - Register | FOLLOW US ON

Logo of Phnom Penh Post newspaper Phnom Penh Post - ធនាគារ​នៅ​អូស្ត្រាលី​ជា​ច្រើន​រង​បណ្តឹង​ពី​ការ​គិត​ថ្លៃ​ឥណទាន​ខ្ពស់

ធនាគារ​នៅ​អូស្ត្រាលី​ជា​ច្រើន​រង​បណ្តឹង​ពី​ការ​គិត​ថ្លៃ​ឥណទាន​ខ្ពស់

ក្រុងស៊ីដនីៈ​ វិធាន​ការ​ធំ​មួយ​ស្ដី​ពី​ការ​ទូទាត់​កាត​ឥណទាន​យឺត​ពេល​របស់​អតិថិជន​ទៅ​ឲ្យ​ធនាគារ​ធំៗ​ដូច​ជា​ធនាគារ​ Citibank​ និង​ធនាគារ Westpac​ ត្រូវ​បាន​ប្ដឹង​ទៅ​តុលាការ​អូស្ដា្រលី​​ពី​ថ្ងៃ​អង្គារ។

វិធាន​ការ​ដែល​អាច​ក្លាយ​ជា​រឿង​ក្ដីដ៏ធំ​របស់​អតិថិ​ជន​នៅ​ប្រទេស​អូស្ដ្រាលី​ ត្រូវ​បាន​រៀប​ចំ​​ដោយ​ក្រុម​មេធាវី​ Maurice ​Blackburn ប្រឆាំង​នឹង​ធនាគារ Westpac ​ធនាគារ Citibank ​ធនាគារ St.​ George ​ធនាគារ​ BankSA ​និង​ធនាគារ​ ANZ ​នៅ​ក្នុង​តុលាការ​កំពូល​ New South​ Wales ​ពី​ការ​គិត​ថ្លៃ​ខ្ពស់​លើ​អតិ​ថិ​ជន​ចំពោះ​ការ​បង់​ថ្លៃ​កាត​ឥណទាន​យឺត​ពេល។

ក្រុម​ហ៊ុន​បាន​ឲ្យ​ដឹង​ថា​ នីតិ​វិធី​បើក​ចំហ​មាន​ន័យ​ថា ​អតិថិជន​ទាំ​ងអស់​ដែល​ធ្លាប់​ត្រូវ​បាន​គិត​​តម្លៃ​លើ​ការ​ទូទាត់​ប្រាក់​យឺត​ពេល អាច​ទទួល​បាន​អត្ថប្រ​យោជន៍​បើ​ពាក្យ​បណ្ដឹង​នេះ​ទទួល​បាន​ជោគ​ជ័យ។

វិធាន​ការ​នេះ​ជា​អ្វី​ដែល​អ្នក​ទាមទារ​និយាយ​ថា​ គឺជា​ការ​គិត​​តម្លៃ​ខ្ពស់​ពេក​ ដែល​អាច​​មាន​តម្លៃ​រាប់​លាន​ដុល្លារ​អាមេរិក។

លោក Andrew ​Watson ​ប្រធាន​​ផ្នែក​អនុ​វត្ត​រឿង​ក្ដី​របស់​ក្រុម​មេធាវី​​ Maurice​ Blackburn ​​ថ្លែង​ថា៖ «យើង​កំពុង​និយាយ​អំពី​រឿង​ក្ដី​​ដ៏ធំ​មួយ»។

Maurice ​Blackburn ​គ្រោង​​នឹង​បន្ត​រឿង​ក្ដី​នេះ​ដើម្បី​​ប្រឈម​នឹង​ធនាគារ​ American ​Express ធនាគារ ​Commonwealth​ Bank​ ធនាគារ​ជាតិ​អូស្ដា្រ​លី ​National​ Australia ​Bank ​និង​ធនាគារ​ Bank​West​។

រឿង​ក្ដី​នេះធ្វើឡើង​​ផ្អែក​លើ​ជោគ​ជ័យ​តាម​​ផ្នែក​នៃ​រឿង​ក្ដី​មុន​ៗ​ស្ដី​ពី​ការ​ទូទាត់​​តម្លៃ​របស់​​ធនាគារ​​ដែល​គេ​ធ្វើ​ឡើង​ប្រឆាំ​ង​​នឹង​ធនាគារ​ ANZ​ តាំង​នាម​​ឲ្យ​អតិថិ​ជន​ចំនួន​ ៤៣ ​៥០០​ នាក់​នៅ​តុលាការ​សហព័ន្ធ​អូស្ត្រាលី​កាល​ពី​ខែ​កុម្ភៈ។

មេធាវី​របស់​អ្នក​ប្ដឹង​ទាម​ទារ​សំណង​ចោទ​ប្រកាន់​ថា​ តម្លៃ​ដែល​បាន​គិត​ដោយ​ធនាគារ​​សម្រាប់​ការ​ទូទាត់​កាត​ឥណទាន​យឺត​ពេល​គឺ​ខ្ពស់​ពេក​ ហើយ​មិន​ឆ្លុះ​បញ្ចាំង​ពី​តម្លៃ​ពិត​ចំពោះ​ធនាគារ​នេះ​ទេ។​ ការ​គិត​តម្លៃ​នេះ​ខុស​គ្នា​ដោយ​មាន​ការ​យក​ថ្លៃខ្លះ​រហូត​ដល់​ ២០​ ដុល្លារ​អូស្ដ្រាលី។ ​

តុ​លា​ការ​កាល​ពីខែ​កុម្ភៈ​បាន​សម្រេច​ថា ​​តម្លៃ​ជា​មធ្យម​ចំពោះ​ធនាគារ​អំពី​ការ​ទូទាត់​ប្រាក់​យឺត​ពេល​គឺ​មាន​តែ ​៣៥ ​សេន​ប៉ុណ្ណោះ។

តុលា​ការ​សហ​ព័ន្ធ​បាន​រក​ឃើញ​ថា​តម្លៃ​នៃ​ការ​ទូទាត់​ប្រាក់​យឺត​ពេល​របស់​ធនាគារ​ ANZ លើ​កាត​ឥណ​ទាន​​ត្រូវ​បាន​ផាក​ពិន័យ​ និង​គួរ​តែ​ត្រូវ​បាន​សង។ ​ពាក្យ​បណ្ដឹង​ស្ដីពី​ការ​ចោទ​ប្រកាន់​ផ្សេង​ទៀត​ មាន​ដូច​ជា​តម្លៃ​​មិន​គោរ​ព​តាម​សន្យា​ ត្រូវ​បាន​បដិសេធ​ដោយ​ចៅ​​ក្រម​។

ការ​ទាម​ទារ​សំណង​សរុប​សម្រាប់​រឿ​ង​ក្ដី​​​នេះ​មាន​ចំនួន​​ ៥៧​​ លាន​ដុល្លារ​អូស្ដា្រ​លី​ (​៥៣​ លាន​ដុល្លារ​អាមេរិក​)។

ការ​សម្រេច​ចិត្ត​នេះ​គឺ​ស្ថិត​​ក្រោម​បណ្ដឹង​ឧទ្ធរណ៍​ ​​ប៉ុន្តែ​​លោក​​ Watson ​​ថ្លែង​ថា​​​លោក​មាន​ទំ​នុកចិត្ត​​លើ​​កម្លាំង​របស់​រឿ​ង​ក្ដី​​ថ្មី​នេះ​។

លោក​បញ្ជាក់ថា​៖ «​យើង​គិត​ថា​ យើង​​មាន​រឿង​ក្ដី​ដ៏ខ្លាំងមួយ​ ហើយ​ថា​ល្បឿន​នៃ​វិធាន​ការ​​ច្បាប់​នេះ​ផ្ដល់​ការ​ការ​ពារ​ដ៏​ល្អ​បំ​ផុត​សម្រាប់​សិទ្ធិ​អតិ​ថិជន​ទាំង​អស់៕AFP/PB

0

Comments

Please, login or register to post a comment