ភ្នំពេញៈ ធនាគារ​អេស៊ីលីដា ជា​គ្រឹះស្ថាន​ហិរញ្ញវត្ថុ​ឈាន​មុខ​គេ​របស់​កម្ពុជា បាន​បង្ហាញ​ពី​កំណើន​គួរ​ឲ្យ​កត់​សម្គាល់​កាលពី​ឆ្នាំ​២០១៦ ជា​មួយ​នឹង​កំណើន​ប្រាក់​ចំណេញ​សុទ្ធ​១២៧​លាន​ដុល្លារ គឺ​កើន​ឡើង​១៧​ភាគរយ​។ នេះ​បើ​យោង​តាម​តួលេខ​បាន​ពី​របាយការណ៍​ប្រាក់ចំណូល​រួម​ឆ្នាំ​២០១៦​របស់ខ្លួន​ដែល​បាន​ចេញ​ផ្សាយ​កាលពី​ម្សិលមិញ​។ ទ្រព្យសកម្ម​សរុប​បាន​កើនឡើង​ដល់​ជាង​៤,៦​ពាន់​លាន​ដុល្លារ ដែល​តំណាង​ឲ្យ​កំណើន​ជិត​ ១៧​ភាគរយ បើ​ធៀប​នឹង​ឆ្នាំ​២០១៥​។ បំណុល​សរុប​មាន​៤​ពាន់​លាន​ដុល្លារ​។ ខណៈ​អត្រា​កម្ចី​ធៀប​នឹង​ប្រាក់​បញ្ញើ​បាន​រក្សា​ជាង​១០០​ភាគរយ​សម្រាប់​ដំណើរការ​នៅ​ឆ្នាំ​ទី​២ មាន​កំណើន​ប្រាក់​បញ្ញើ​អតិថិជន​១៦​ភាគរយ​។ អត្រា​កម្ចី​មិន​ដំណើរការ​បាន​រក្សា​ក្នុង​អត្រា ០,៨៦​ភាគរយ​នៃ​ផលបត្រ​កម្ចី​៕