.jpg)
ជ្រូកដែលគេសម្លាប់ហើយនៅទីសត្តឃាតមួយកន្លែងនៅក្នុងទីក្រុងភ្នំពេញ។ ហេង ជីវ័ន
ភ្នំពេញៈ ក្រសួងកសិកម្មរុក្ខាប្រម៉ាញ់ និងនេសាទបានប្រកាសពីការលុបបំបាត់ភាពផ្តាច់មុខនៃអាជីវកម្មសត្តឃាតដ្ឋាន និងការឃុបឃិតគ្នាលើអាជីវកម្មពិឃាតសត្វ ដើម្បីបើកឲ្យមានការវិនិយោគដោយសេរីក្នុងវិស័យនេះ។ នេះបើយោងតាមសេចក្តីជូនដំណឹងរបស់ក្រសួងដែលភ្នំពេញ ប៉ុស្តិ៍ទទួលបាននៅថ្ងៃនេះ។
យោងតាមសារាចរណែនាំស្តីពីការចាត់វិធានការពង្រឹកការគ្រប់គ្រងអាជីវកម្មសត្វ និងជលផល ក្រសួងបានសង្កេតឃើញថា បច្ចុប្បន្នមានភាពផ្តាច់មុខលើការធ្វើអាជីវកម្មសត្តឃាតដ្ឋាន ការឃុបឃិតគ្នាក្នុងអាជីវកម្មពិឃាតសត្វ អ្នកលក់ដំ និងអ្នកលក់រាយធ្វើការកំណត់ថ្លៃ និងផ្តាច់មុខលើអាជីវកម្មនាំចូល ចែកចាយ ឬការដឹកជញ្ជូនទំនិញ ដែលកក្តាទាំងនេះបានធ្វើតម្លៃម្ហូបអាហារឡើងថ្លៃ ប៉ះពាល់ដល់ជីវភាពរបស់ប្រជាជន។
សេចក្តីជូនដំណឹងរបស់ក្រសួងពាណិជ្ជកម្មបានឲ្យដឹងថា ក្រសួងនឹងចាត់វិធានការលុបបំបាត់សិទ្ធផ្តាច់មុខលើការនាំចូលផល និងផលិតផលដោយបើកឲ្យមានការប្រកួតប្រជែងពេញលេញដល់ក្រុមហ៊ុននាំចូលទាំងអស់ នៅតាមព្រំដែន និងការលុបបំបាត់ការលក់អាជ្ញាប័ណ្ណបន្តផងដែរ។
សូមរង់ចាំអានព័ត៌មានលម្អិតក្នុងកាសែតភ្នំពេញ ប៉ុស្តិ៍
