Search form

Login - Register | FOLLOW US ON

Logo of Phnom Penh Post newspaper Phnom Penh Post - រថភ្លើង​ដឹក​អ្នក​ដំណើរ​នឹង​ចាប់ផ្តើម​ឡើង​វិញ​ចុង​ខែ​នេះ

Content image - Phnom Penh Post
រថភ្លើង​ដឹក​អ្នក​ដំណើរ​កម្ពុជា ឈប់​នៅ​ចំណតក្នុង​ខេត្ត​កំពត​កាល​ថ្ងៃ​មុន​ចូលឆ្នាំ​ខ្មែរ ខែ​មេសា​នេះ។ រូបថត សរ ច័ន្ទដារ៉ា

រថភ្លើង​ដឹក​អ្នក​ដំណើរ​នឹង​ចាប់ផ្តើម​ឡើង​វិញ​ចុង​ខែ​នេះ

ភ្នំពេញៈ សេវា​អ្នក​ដំណើរ​តាម​​​ផ្លូវ​ដែក​រវាង​ទីក្រុង​ភ្នំពេញ និង​ក្រុង​ព្រះសីហនុ​នឹង​បន្ត​ដំណើរការ​ឡើង​វិញ​នៅ​ថ្ងៃ​ទី​ ៣០ ​ខែ​មេសា​ទោះបី​ជា​​ការ​កំណត់​ពេលវេលា​ធ្វើ​ដំណើរ ឬ​តម្លៃ​សំបុត្រ​មិន​ទាន់​ត្រូវ​​បាន​​បញ្ចប់​នៅ​ឡើយ​ក៏ដោយ។ លោក ទិត្យ សំអឿន ប្រធាន​គ្រប់គ្រង​ពាណិជ្ជកម្ម​របស់​ក្រុមហ៊ុន Royal Railway បាន​ឲ្យ​ដឹង​ពី​ម្សិលមិញ។

ការ​ចាប់ផ្ដើម​សេវា​ដឹក​អ្នក​ដំណើរ​ឡើង​វិញ​លើ​ខ្សែ​ផ្លូវ​ដែក​ចម្ងាយ​ ២៥៦ ​គីឡូម៉ែត្រ​ចេញ​ពី​ទីក្រុង​ភ្នំពេញ​ទៅ​ក្រុង​ព្រះសីហនុ​នេះ​កើត​មាន​ឡើង​បន្ទាប់ពី​ប្រតិបត្តិការ​ដោយ​ជោគជ័យ​នៃ​ដំណើរការ​សាកល្បង​រយៈពេល ៩ ​ថ្ងៃ​ចាប់ពី​ថ្ងៃ​ទី ៩ ​ដល់​ថ្ងៃ​ទី​ ១៧ ​ខែ​មេសា​ដែល​ជា​លើក​ដំបូង​ក្នុង​ពេល​​ ១៤ ​ឆ្នាំ​សម្រាប់​អ្នក​ដំណើរ​ក្នុង​ការ​ធ្វើ​ដំណើរ​តាម​​ខ្សែ​រថភ្លើង​ដែល​កែលម្អ​ឡើង​វិញ​នេះ។

ទន្ទឹម​នឹង​នេះ​ដែរ​លោក​នាយក​រដ្ឋមន្ដ្រី ហ៊ុន សែន ក៏​​គ្រោង​​​នឹង​ធ្វើ​ដំណើរ​ចេញ​ពី​ទីក្រុង​ភ្នំពេញ​ឆ្ពោះ​ទៅ​កាន់​​ក្រុង​ព្រះសីហនុ​តាម​​រថភ្លើង​ផង​ដែរ​នៅ​ថ្ងៃ​ទី​ ៣០ ខែ​មេសា។ នេះ​បើ​​យោង​ទៅ​តាម​​ការ​បង្ហោះ​នៅ​លើ​ទំព័រ​ហ្វេសប៊ុក​របស់​លោក ខៀវ កាញារីទ្ធ រដ្ឋមន្ដ្រី​ក្រសួង​ព័ត៌មាន​៕ LA

0

Comments

Please, login or register to post a comment