.jpg)
កម្មករកំពុងលើកស៊ីម៉ង់ត៍ចេញទូរថភ្លើងដែលដឹកពីខេត្តកំពតមកដល់ស្ថានីយ៍រថភ្លើងនៅភ្នំពេញកន្លងមក។ ហេង ជីវ័ន
ភ្នំពេញៈ បន្ទាប់ពីដំណើរការសាកល្បងបានពីរខែ រោងចក្រផលិតស៊ីម៉ងត៍ ជីប ម៉ុង អ៊ិនស៊ី ដែលចំណាយទុនវិនិយោគសរុប ២៦២ លានដុល្លារ បានប្រកាសដាក់ឲ្យដំណើរការជាផ្លូវការនាព្រឹកនេះ ដោយមានសមត្ថភាពផលិតស៊ីម៉ងត៍ ៥ ០០០ តោនក្នុងមួយថ្ងៃ ឬស្មើរនឹង ១,៧ លានតោនក្នុងមួយឆ្នាំ។
រោងចក្រនេះត្រូវបានបង្កើតឡើងជាកិច្ចសហការវិនិយោគរវាងក្រុមហ៊ុនក្នុងស្រុកគឺ ក្រុមហ៊ុនជីបម៉ុង គ្រុប ដែលកាន់កាប់ភាគហ៊ុន ៦០ ភាគរយ និងក្រុមហ៊ុនស៉្យាម ស៊ីធី ស៊ីមេន របស់ថៃដែលមានភាគហ៊ុន ៤០ ភាគរយ។
ផលិតផលស៊ីម៉ងត៍ ពីរោងចក្រថ្មីនេះនឹងរួមចំណែកឆ្លើយតបនឹងតម្រូវការស៊ីម៉ងត៍នៅកម្ពុជាដែលកំពុងកើនឡើង។ អ្នកជំនាញក្នុងទីផ្សារស៊ីម៉ងត៍បានប៉ាន់ស្មានថា តម្រូវការស៊ីម៉ងត៍នៅប្រទេសកម្ពុជានាពេលបច្ចុប្បន្នមានប្រមាណ ៦ លានតោនក្នុងមួយឆ្នាំ។
