Search form

Login - Register | FOLLOW US ON

Logo of Phnom Penh Post newspaper Phnom Penh Post - សណ្ឋាគារ​សុខា​ទី​ពីរ​នៅ​ខេត្តសៀមរាប​ នឹង​បង្កើត​ការងារ ១០០០ នាក់

Content image - Phnom Penh Post
អាងហែលទឹក ក្នុង​សណ្ឋាគារ​សុខា​ ​នៅ​ខេត្ត​សៀមរាប។ រូបថត គេហទំព័រ​របស់​សណ្ឋាគារ

សណ្ឋាគារ​សុខា​ទី​ពីរ​នៅ​ខេត្តសៀមរាប​ នឹង​បង្កើត​ការងារ ១០០០ នាក់

ភ្នំពេញៈ សណ្ឋាគារ​សុខា​ទី ២ ​នៅ​ខេត្ត​សៀមរាប ដែល​នឹង​បើក​ដំណើរ​ការ​សាកល្បង​នៅ​ឆ្នាំ​ ២០១៦ នឹង​ផ្តល់​ការងារ​ជាង​ ១០០០​ នាក់។ នេះ​បើ​យោង​តាម​លោក ស្វាយ វុឌ្ធី នាយក​នីតិកម្ម និង​ទំនាក់​ទំនង​សាធារណៈ​របស់​ក្រុមហ៊ុន​សុខា​គ្រុប។

លោក ស្វាយ វុឌ្ធី ថ្លែងថា សណ្ឋាគារ​សុខា​សៀមរាប ដែល​កំពុង​សាងសង់​នៅឡើយ​នោះ​នឹង​បើក​ដំណើរការ​សាកល្បង​នៅ​ខែសីហា ឆ្នាំក្រោយ​មាន​ទីតាំងនៅ​តំបន់​វប្បធម៌ និង​ភ្ញៀវទេសចរ​អង្គរ​ស្ថិតក្នុង​សង្កាត់​ស្លក្រាម​ក្រុង​សៀមរាប។ សណ្ឋាគារ​នេះ​ត្រូវបាន​សាងសង់​លើ​ផ្ទៃដី​ ២៣ ​ហិកតា ដែល​នឹងមាន​បន្ទប់​ចំនួន​ ៧០០ ។

លោក​បន្តថា សាខា​ទី​ពីរ នឹង​ផ្ដល់​ការងារ​ជាង​ ១០០០ ​នាក់។ សណ្ឋាគារ សុខា សៀមរាប និង​រមណីយដ្ឋាន​គឺជា​សណ្ឋាគារ​សុខា​ទី៥របស់​ក្រុមហ៊ុន​សុខា​គ្រុប​នៅ​កម្ពុជា។

លោក​លើក​ឡើង​ថា៖ «យើង​បាន​ចាប់​ផ្ដើម​ដំណើរ​ការ​សណ្ឋាគារ​ទី​ពីរ​នៅ​ខេត្ត​សៀមរាប​ដោយសារតែ​យើង​បាន​មើល​ឃើញ​ភ្ញៀវទេសចរ​មាន​សក្ដានុពល​ល្អ​ដែល​កំពុង​កើន​ឡើងជា​រៀងរាល់ថ្ងៃ ជាពិសេស​ភ្ញៀវទេសចរ​កម្រិត​មធ្យម»។

លោក​បន្តថា៖«វា​គឺជា​សណ្ឋាគារ​ប្រណីត​ថ្នាក់​ផ្កាយ ៤ ដែលមាន​ស្ដង់ដារ​ទាប​ជាង​សណ្ឋាគារ​សុខា​អង្គរ ដើម្បី​ទាក់ទាញ​ភ្ញៀវទេសចរ​មាន​ប្រាក់ចំណូល​មធ្យម»។

លោក​បន្ថែម​ថា សណ្ឋាគារ​សុខា​អង្គរ​គឺជា​សណ្ឋាគារ​ថ្នាក់​ផ្កាយ​ ៥​ ដែល​កំណត់​ទិសដៅ​ភ្ញៀវទេសចរ​ថ្នាក់ខ្ពស់។

លោក ឆឺ​យ ឆន អនុ​ប្រធាន​មន្ទីរ​ទេសចរណ៍ ​ខេត្ត សៀមរាប ​ថ្លែងថា មិនមាន​ទីកន្លែង​គ្រប់គ្រាន់​សម្រាប់​ភ្ញៀវទេសចរ​នោះទេ ជាពិសេស ​នៅក្នុង​ព្រឹត្តិការណ៍​ពិសេស ដូចជា​បុណ្យ​ចូល​ឆ្នាំ​ខ្មែរ ឬ​ចូលឆ្នាំ​សកល។

លោក​បន្ថែមថា៖ «នៅក្នុង​ព្រឹត្តិការណ៍​ពិសេស វា​មិន​គ្រប់គ្រាន់​សម្រាប់​ភ្ញៀវ​ទេសចរ​នោះទេ អ្នក​ខ្លះទៅ​ស្នាក់​នៅក្នុង​វត្ត»។

លោក​បន្តថា៖ «ប្រសិនបើ​សុខា បញ្ចប់​សណ្ឋាគារ​ទី​ពីរ​របស់​ខ្លួន វា​នឹង​ប្រសើរ​សម្រាប់​ការបម្រើ​ភ្ញៀវទេសចរ»។

លោក​បាន​បញ្ជាក់ថា មាន​សណ្ឋាគារ​ចំនួន ​១៨៦ ដែល​មាន​បន្ទប់ ១២ ០៥៣ ផ្ទះសំណាក់​ ២៨៤ ដែល​មាន​បន្ទប់ ៤៣១៦ និង​អា​ផាត មិន ៩ ដែល​មាន​បន្ទប់ ៣៩៩ នៅ​ខេត្តសៀមរាប៕ LA

0

Comments

Please, login or register to post a comment