ភ្នំពេញៈ ដំណាំ​ស្រូវ​ជាង ២ ម៉ឺន​ហិកតា​កំពុងរង​ផល​ប៉ះពាល់​ពីគ្រោះ​ទឹក​ជំនន់​ដែល​កំពុង​បន្ត​វាយ​ប្រហារ​នៅតាម​បណ្តា​ខេត្ត​ជាច្រើន​នៅ​កម្ពុជា។ នេះ​បើតាម​លោក មែន សុទ្ធី ប្រធាន​នាយក​ដ្ឋាន​ស្ថិតិ​ក្រសួង​កសិកម្ម​ឲ្យដឹង​កាលពី​ម្សិលមិញ ខណៈ​សហគមន៍​ធានារ៉ាប់​រង​កសិករ​កំពុង​សិក្សា​ពីការ​ចំណាយ​លើ​សំណង លោក​បានឲ្យ​ដឹងថា បម្រែ​បម្រួល​អាកាសធាតុ​បានបន្ត​គំរាម​កំហែង​ដល់​ឧស្សាហកម្ម​ស្រូវ បន្ទាប់ពី​កសិករ​បាន​ទទួល​រងគ្រោះ​ដោយ​ភាព​រាំងស្ងួត និង​បន្ត​ជម្នះ​ជាមួយ​ទឹក​ជំនន់។