Search form

Login - Register | FOLLOW US ON

Logo of Phnom Penh Post newspaper Phnom Penh Post - អ្នក​ប្រើ​ប្រាស់​កម្មវិធី WeChat កើន​ដល់​ជិត​ ១​ ពាន់​លាន​នាក់

Content image - Phnom Penh Post

អ្នក​ប្រើ​ប្រាស់​កម្មវិធី WeChat កើន​ដល់​ជិត​ ១​ ពាន់​លាន​នាក់

ក្រុង​ប៉េកាំងៈ អ្នក​ប្រើ​ប្រាស់​​ដ៏​សកម្ម​​​ប្រចាំ​ខែ​​នូវ​កម្មវិធី WeChat បច្ចុប្បន្ន​មាន​ចំនួន​ចំនួន ៩៦៣​ លាន​នាក់។​ នេះ​បើយោង​តាម​លោក Li Wan ប្រធាន​ផ្នែក​ទំនាក់​ទំនង​សាធារណៈ​របស់​ក្រុមហ៊ុន​ Tencent ដែល​ជា​ក្រុមហ៊ុន​ផលិត​កម្មវិធី​នេះ។

កម្មវិធី​ WeChat ដែល​ជា​កម្មវិធី​សូហ្វវែរ​គ្រឿង​អេឡិច​ត្រូនិក​ចល័ត​បណ្តាញ​សង្គម ដែល​ត្រូវ​បាន​ផលិត​ឡើង​ដោយ​ក្រុមហ៊ុន​ Tencent គឺ​ជា​កម្មវិធី​ផ្ញើ​សារ និង​ហៅ​ទូរស័ព្ទ ដែល​ផ្តល់​លទ្ធភាព​ឲ្យ​អ្នក​ប្រើប្រាស់​ទាក់ទង​គ្នា​ដោយ​ងាយ​ស្រួល​ជាមួយ​នឹង​ក្រុម​គ្រួសារ​និង​មិត្តភក្តិ​​ នៅ​ក្នុង​និង​ក្រៅ​ប្រទេស។

កម្មវិធី​នេះ​គឺជា​កម្មវិធី​ប្រាស្រ័យ​ទាក់ទង​សម្រាប់​ការ​ផ្ញើសារ​សំឡេង និង​រូបភាព (SMS/MMS) ការ​ហៅ​ទូរស័ព្ទ​ជា​សំឡេង និង​វីដេអូ ចលនា ការ​ចែក​រំលែក​រូប​ភាព និង​ហ្គេម​ជា​ដើម។

សព្វ​ថ្ងៃ​នេះ មាន​អ្នក​សរសេរ​កម្មវិធី​ចំនួន ២០ ម៉ឺន​នាក់ និង​អ្នក​ប្រើ​ប្រាស់​ជាង ​៦០០​ លាន​នាក់​កំពុង​ប្រើ​ប្រាស់​កម្មវិធី​នេះ​ដើម្បី​ប្រតិបត្តិការ​ហិរញ្ញវត្ថុ។

យោង​តាម​លោក Li បាន​ឲ្យ​ដឹង​ថា កម្មវិធី WeChat Pay នេះ បាន​បន្ត​បង្កើត​ឥទ្ធិពល​ជា​វិជ្ជមាន​ក្នុង​ជីវភាព​រស់នៅ​របស់​អ្នក​ប្រើ​ប្រាស់។

ក្រៅ​ពី​នេះ កម្មវិធី WeChat Pay និង​កម្មវិធី​ Smart Life ដែល​បាន​ដំណើរ​ការ​ កាល​ពី​ឆ្នាំ​ ២០១៤ បាន​ជួយ​អ្នក​ប្រើ​ប្រាស់​ ៩០ ​ភាគ​រយ នៅ​ប្រទេស​ចិន​ក្នុង​ការ​ប្រតិបត្តិការ​ការ​ទូទាត់​ប្រាក់​ សម្រាប់​សេវាកម្ម​មួយ​ចំនួន ដូចជា ការ​ចត​រថយន្ត សេវា​រថយន្ត​ក្រុង សេវា​សុខាភិបាល ការ​ទិញ​ស្បៀង​អាហារ និង​ទំនិញ​ជា​ដើម។

លោក Li បាន​បញ្ជាក់​ថា ពួក​គេ​មាន​សង្ឃឹម​ថា​ នឹង​កែលម្អ​លើ​សេវាកម្ម​របស់​ខ្លួន ដើម្បី​ទាញ​យក​អ្នក​ប្រើ​ប្រាស់​កម្មវិធី ​ WeChat ឲ្យ​បាន​ច្រើនជាង​ ១​ ពាន់​លាន​នាក់​។

ប្រធាន​ផ្នែក​ទំនាក់​ទំនង​សាធារណៈ​រូប​នេះ បាន​ឲ្យ​ដឹង​ថា៖ «​យើង​ចង់​ទាក់ទាញ​អ្នក​ប្រើ​ប្រាស់​នៅ​ក្នុង​ពិភពលោក​ទាំង​មូល​ឲ្យ​ប្រើ​ប្រាស់​សេវាកម្ម​របស់​យើង​។ ក្តី​ស្រមៃ​របស់​យើង​​គឺ​បង្កើត​កម្មវិធី WeChat ដែល​ជា​ម៉ាក​យីហោ​ពិភព​លោក​មួយ ដែល​នឹង​ផ្តល់​ផល​ប្រយោជន៍​ដល់​អ្នក​ប្រើ​ប្រាស់​ទាំង​អស់»។

ឆ្នាំ​នេះ ក្រុមហ៊ុន Tencent បាន​ប្រកាស​ថា កម្មវិធី​ WeChat បាន​វ៉ាដាច់​ក្រុមហ៊ុន​ Alibaba ដោយ​មាន​អ្នក​ប្រើ​ប្រាស់​កម្មវិធី WeChat ​សកម្ម​ដើម្បី​ទូទាត់​ប្រាក់​តាម​គ្រឿង​អេឡិច​ត្រូនិក​ចល័ត​ចំនួន ​៦០០ ​លាន​នាក់ បើ​ធៀប​នឹង​កម្មវិធី Alipay របស់​ក្រុមហ៊ុន​ Alibaba ដែល​មាន​អ្នក​ប្រើ​ប្រាស់​ចំនួន​ត្រឹម​តែ ៤៥០ ​លាន​នាក់​ប៉ុណ្ណោះ៕ BP

0

Comments

Please, login or register to post a comment