តូក្យូៈ ក្រុមហ៊ុន Airbus កាល​ពី​ថ្ងៃ​អង្គារ​បាន​ឲ្យ​ដឹង​ថា ខ្លួន​បាន​លុប​ចោល​កិច្ច​ព្រម​ព្រៀង​មួយ​ជាមួយ​ក្រុមហ៊ុន Skymark Airlines របស់​ជប៉ុន សម្រាប់​ការ​ទិញ​យន្ត​ហោះ​ម៉ូដែល A380 superjumbos ចំនួន ៦​គ្រឿង ដោយ​សារ​តម្លៃ​ភាគ​ហ៊ុន​ក្រុមហ៊ុន​អាកាស​ចរណ៍​មាន​តម្លៃ​ទាប​របស់ ជប៉ុន នេះ​ធ្លាក់​ចុះ​នៅ​ផ្សារ​ហ៊ុន ទីក្រុង​តូក្យូ។ ការ​ប្រកាស​របស់​ក្រុម​ហ៊ុន Airbus បាន​ធ្វើ​ឡើង​តែ​ប៉ុន្មាន​ម៉ោង​ប៉ុណ្ណោះ​បន្ទាប់​ពី​ក្រុម​ហ៊ុន Skymark បាន​ឲ្យ​ដឹង​ថា ខ្លួន​ត្រូវ​បាន​ជាប់​គាំង​នៅ​ក្នុង​ការ​ចរចា​ដ៏ «ពិបាក» ជាមួយ​ក្រុម​ហ៊ុន​ផលិត​យន្ត​ហោះ​អឺរ៉ុប​អំពី​ការ​បញ្ជា​ទិញ​ដែល​តាម​ការ​រាយការណ៍​បាន​លុប​ចោល​ដោយ​សារ​តែ​ស្ថានភាព​ហិរញ្ញវត្ថុ​មិន​ល្អ​របស់​ក្រុម​ហ៊ុន​អាកាស​ចរណ៍​មួយ​នេះ។