Search form

Login - Register | FOLLOW US ON

Logo of Phnom Penh Post newspaper Phnom Penh Post - DKSH បាន​ទិញ​ភាគ​ហ៊ុន​ក្រុម​ហ៊ុន Europ Continent នៅ​កម្ពុជា

DKSH បាន​ទិញ​ភាគ​ហ៊ុន​ក្រុម​ហ៊ុន Europ Continent នៅ​កម្ពុជា

ភ្នំពេញៈ DKSH ជា​ក្រុមហ៊ុន​ផ្ដល់​សេវា​ពង្រីក​ទីផ្សារ​ពិភពលោក ដែល​បាន​ចាក់​ឫស​យ៉ាង​ជ្រៅ​នៅ​ទីផ្សារ​អាស៊ី បាន​ទិញ​ភាគ​ហ៊ុន​ទាំង​មូល​របស់​ក្រុមហ៊ុន Europ Continents Cambodia ជា​ក្រុមហ៊ុន​ចែក​ចាយ ឧបករណ៍​វេជ្ជសាស្ដ្រ និង​ផលិតផល​មន្ទីរ​ពិសោធន៍​ក្នុង​ស្រុក​។ នេះ​បើតាម​សេចក្តី​ប្រកាស​ព័ត៌មាន​។

លោក Joerg Wolle ប្រធាន​នាយក​ប្រតិបត្តិ​ក្រុមហ៊ុន DKSH បាន​ឲ្យ​ដឹង​ថា ការ​ទិញ​ភាគហ៊ុន​នេះ​នឹង​ពង្រឹង​ទី​តាំង​របស់​ក្រុមហ៊ុន​នៅ​ក្នុង​ប្រទេស​កម្ពុជា​តាម​រយៈ​ការពង្រីក​ផលិតផល​ថែរក្សា​សុខភាព និង​សេវា​មួយ​ចំនួន ដែល​ផលិតផល​ទាំងនោះ​អាច​ផ្ដល់​ដល់​អតិថិជន​បាន​។

​លោក​បាន​ឲ្យ​ដឹង​នៅក្នុង​សេចក្ដី​ប្រកាស​ព័ត៌មាន​មួយ​ថា​៖«​នៅពេល​យើង​ពង្រីក​កម្មវិធី​សេវា​វេជ្ជសាស្ដ្រ​និង​ផលិតផល​មន្ទីរពិសោធន៍​របស់​យើង យើង​អាច​ផ្ដល់​ដល់​អតិថិជន​របស់​យើង​នូវ​ផលិតផល និង​សេវា​ថែរក្សា​សុខភាព កាន់តែ​ទូលំទូលាយ​ដោយ​ងាយស្រួល​»​។​

​ក្រុមហ៊ុន DKSH មាន​មូលដ្ឋាន​នៅ​ទីក្រុង Zurich ប្រទេស​ស្វ៊ី​ស​ប្រតិបត្តិការ​នៅក្នុង​ប្រទេស​ចំនួន ៣៦ មាន​បុគ្គលិក​ឯកទេស​ជាង​ ២៨ ០០០​នាក់ ដែល​ផ្ដល់​សេវា​ពង្រីក​ទីផ្សារ​តាម​បញ្ជា​អ្នកទិញ ដូចជា​ការលក់ និង​ការរក​ទីផ្សារ ការចែក​ចាយ និង​ការពិគ្រោះ​យោបល់​បទ​ប្បញ្ញត្តិ​ដើម្បី​ជួយ​ក្រុមហ៊ុន និង​យីហោ​ផ្សេងទៀត ដែល​រីកចម្រើន​នៅក្នុង​ទីផ្សារ​ថ្មី ឬ​ទីផ្សារ​ដែលមាន​ស្រាប់​។ ផ្នែក​ថែរក្សា​សុខភាព​របស់​ក្រុមហ៊ុន​ជួយ​ដល់​ក្រុមហ៊ុន​ជាច្រើន​ជាមួយ​ការសិក្សា​ការចូល​ទីផ្សារ ការលក់ ការចែក​ចាយ និង​ការទូទាត់ ការផ្ដល់​ផលិតផល​ដូចជា​សេវា​ថ្នាំពេទ្យ និង​សេវា​វេជ្ជសាស្ដ្រ​។

ក្រុមហ៊ុន Europ Continents Cambodia ដែល​បង្កើត​ឡើង​កាលពី​ឆ្នាំ​ ១៩៩៣ ចែកចាយ​ផលិតផល​របស់​ក្រុមហ៊ុន​ថែរក្សា​សុខភាព​សំខាន់ៗ និង​ផ្ដល់​សេវា​អាជីវកម្ម​អតិថិជន​របស់​ខ្លួន រួមមាន​ការលក់ ការរក​ទីផ្សារ ការចែក​ចាយ ភ័ស្ដុភារ និង​សេវា​ក្រោយ​ការ​លក់​។​

​លោក ម៉ិ​ញ តិច ប្រធាន​គ្រប់គ្រង​ប្រចាំ​ប្រទេស​សម្រាប់​ក្រុមហ៊ុន DKSH Cambodia បាន​ហៅ​ការទិញ​នេះ​ថា​ជា «​ការ​ស័ក្ដិសម​បំផុត​» ដោយ​សារ​តែ​វា​ពង្រឹង​ទីតាំង​ក្រុមហ៊ុន​របស់​លោក​នៅក្នុង​ទីផ្សារ​កម្ពុជា​ដែល​រីក​ចម្រើន​រហ័ស និង​ជំរុញ​ឆ្ពោះ​ទៅ​រក​ការ​ច្របាច់​បញ្ចូល​គ្នា​នៃ​ឧស្សាហកម្ម​សេវា​ពង្រីក​ទីផ្សារ​ដែល​បែកបាក់​យ៉ាងខ្លាំង​នេះ​។

​លោក​បាន​ប្រាប់​ភ្នំពេញ​ប៉ុស្ដិ៍​ថា​៖ «​បច្ចុប្បន្ន DKSH គឺជា​ក្រុមហ៊ុន​ផ្ដល់​សេវា​ពង្រីក​ទីផ្សារ​ឈានមុខ​គេ​រួចទៅហើយ​សម្រាប់​ផលិតផល​ថែរក្សា​សុខភាព ដែល​មិន​គ្រាន់តែ​នៅក្នុង​ប្រទេស​កម្ពុជា​ប៉ុណ្ណោះ​ទេ​»​។

លោក​បន្ត​ថា​៖ «Europ Continents Cambodia ជា​ក្រុមហ៊ុន​ដ៏​សំខាន់​នៅ​ក្នុង​ការចែក​ចាយ​សេវា​វេជ្ជសាស្ដ្រ និង​ឧបករណ៍​មន្ទីរ​ពិសោធន៍ ដែល​ជា​ផ្នែក​បន្ទាប់​បន្សំ​មួយ​របស់​វិស័យ​សុខាភិបាល​នៅ​ប្រទេស​កម្ពុជា​»​។​

​ការ​ទិញ​ភាគ​ហ៊ុន​នេះ​បាន​នាំ​យក​នូវ​អតិថិជន​លំដាប់​ខ្ពស់​របស់​ក្រុមហ៊ុន Europ ContinentsCambodia ជាច្រើន​មកពី​វិស័យ​ឧបករណ៍​វេជ្ជសាស្ដ្រ និង​សេវា​ឧបករណ៍​មន្ទីរពិសោធន៍ ដែល​បំពេញ​កម្មវិធី​អតិថិជន​បច្ចុប្បន្ន​របស់​ក្រុមហ៊ុន DKSH៕ LA

0

Comments

Please, login or register to post a comment