Search form

Login - Register | FOLLOW US ON

Logo of Phnom Penh Post newspaper Phnom Penh Post - Google ដាក់​បង្ហាញ​ប្រព័ន្ធ​ប្រតិបត្តិការ Android ថ្មី

Google ដាក់​បង្ហាញ​ប្រព័ន្ធ​ប្រតិបត្តិការ Android ថ្មី

ក្រុង​វ៉ាស៊ីនតោនៈ កាល​ពី​ថ្ងៃ​ពុធ ក្រុម​ហ៊ុន Google បាន​ដាក់​បង្ហាញ​កម្ម​វិធី Android ម៉ុដែល​ថ្មី​របស់​ខ្លួន ដោយ​ដាក់​ឈ្មោះ​ថា «Lollipop»។

ក្រុម​ហ៊ុន​បច្ចេកវិទ្យា​ធំ​របស់​អាមេរិក​មួយ​នេះ​ក៏​បាន​ប្រកាស​ពី​ការ​ដាក់​ដំណើរ​ការ​ម៉ាស៊ីន​ចាក់​បទ​ភ្លេង ខ្សែ​ភាពយន្ត និង​វីដេអូ ដែល​អាច​ផ្តល់​លទ្ធភាព​ឲ្យ​អ្នក​ប្រើ​ប្រាស់​លេង​ហ្គេម ដោយ​ប្រើ​ប្រាស់​ទូរទស្សន៍ ដែល​ដំណើរការ​ដោយ​កម្មវិធី Android ផង​ដែរ។

លោក Sundar Pichai អនុ​ប្រធាន​ក្រុម​ហ៊ុន Google និង​ជា​ប្រធាន​ផ្នែក​ប្រតិបត្តិការ​កម្មវិធី Android នេះ​បាន​ថ្លែង​ថា៖ «កម្មវិធី​ឈ្មោះ Lollipop ឬ ហៅ​ថា កម្មវិធី Android 5.0 ដែល​ជា​ប្រព័ន្ធ​ប្រតិបត្តិការ​សម្រាប់​គ្រឿង​អេឡិច​ត្រូនិក​ចល័ត​ត្រូវ​បាន​បង្កើត​ឡើង​ឲ្យ​មាន​ភាព​បត់​បែន ដើម្បី​ដំណើរ​ការ​ជាមួយ​នឹង​គ្រឿង​អេឡិច​ត្រូនិក​ទាំង​អស់​របស់​អ្នក និង​ដើម្បី​ប្រើ​ប្រាស់​ឲ្យ​បាន​សម​ស្រប​តាម​គោលដៅ​របស់​អ្នក»។

យោង​តាម​ប្រភព​នៅ​លើ​គេហទំព័រ Android ជាមួយ​នឹង​ប្រព័ន្ធ​ប្រតិបត្តិការ​ថ្មី​នេះ បទ​ចម្រៀង​រូបថត​កម្មវិធី​ផ្សេងៗ រួម​ទាំង​ការ​ស្វែង​រក​ថ្មីៗ​ពី​គ្រឿង​អេឡិច​ត្រូនិក​ណា​មួយ​ដែល​ដំណើរ​ការ​ដោយ​កម្មវិធី Android របស់​អ្នក អាច​ប្រើ​ប្រាស់​បាន​ភ្លាមៗ​ជាមួយ​គ្រឿង​អេឡិច​ត្រូនិក​ដែល​ដំណើរ​ការ​ដោយ​កម្មវិធី Android ទាំង​អស់​របស់​អ្នក»។

ក្នុង​ពេល​នេះ​ដែរ ក្រុម​ហ៊ុន Google ក៏​បាន​ដាក់​បង្ហាញ​ទូរស័ព្ទ Nexus 6 និង​ថេប្ល៊ិត Nexus 9 ដែរ៕

0

Comments

Please, login or register to post a comment