ភ្នំពេញៈ ក្រុមហ៊ុន TGG Takara Gaming Group មានមូលដ្ឋាននៅទីក្រុងហុងកុង បានប្រកាសកាលពីថ្ងៃសុក្រសប្តាហ៍មុនពីការចាប់ផ្តើមដំណើរការសេវាល្បែងតាមអនឡាញនៅកម្ពុជា ដោយចាប់ដៃគូជាមួយកាស៊ីណូធំៗ២គឺ Golden Crown នៅប៉ោយប៉ែត និង Superrich the Best Casino នៅក្រុងព្រះសីហនុ។
លោក Raymond Chan ស្ថាបនិក និងនាយកប្រតិបត្តិក្រុមហ៊ុន TGG បានលើកឡើងថា TGG សម្លឹងឃើញសក្តានុពល នៅទីផ្សារនៅតាមប្រទេសក្នុងតំបន់អាស៊ីអាគ្នេយ៍ ដែលទីផ្សារទំាងនេះកំពុងរីកចម្រើនខាងផ្នែកចំនួនភ្ញៀវទេសចរចិន។
លោកបន្តថា ការជោគជ័យនៅទីផ្សារកម្ពុជា នឹងបើកផ្លូវឲ្យមានការពង្រីកទៅតាមទីផ្សារប្រទេសផ្សេងៗទៀត នៅក្នុងតំបន់នាពេលឆាប់ៗខាងមុខ៕