Search form

Login - Register | FOLLOW US ON

Logo of Phnom Penh Post newspaper Phnom Penh Post - ការសិក្សាៈ ដូណាល់ ត្រាំ ​ប្រឈម​នឹង​គ្រោះថ្នាក់​ធំនៃ​ជម្លោះ

Content image - Phnom Penh Post
លោក ត្រាំ (កណ្តាល) ពិភាក្សា​ជាមួយ​ក្រុម​អន្ដរកាល​របស់​លោកអំពី​ដំណើរ​ការរៀប​ចំគណៈ​រដ្ឋមន្ត្រី​។ Afp

ការសិក្សាៈ ដូណាល់ ត្រាំ ​ប្រឈម​នឹង​គ្រោះថ្នាក់​ធំនៃ​ជម្លោះ

ក្រុងវ៉ាស៊ីនតោនៈ របាយការណ៍​ស៊ើបអង្កេត​ថ្មីមួយ​របស់​អាមេរិក​ត្រូវបាន​ចេញផ្សាយ​ពីថ្ងៃ​ចន្ទ ដោយ​និយាយថា​រដ្ឋការ​របស់លោក​ដូណាល់ ត្រាំ នាពេល​អនាគត ប្រឈម​នឹង​ពិភពលោក​មួយ​ដែលមាន​គ្រោះថ្នាក់​ធំនៃ​ជម្លោះ ការរីកចម្រើន​យឺត និងសម្ពាធ​ប្រឆាំង​ប្រជាធិបតេយ្យ​ច្រើនជាង​ធ្លាប់មាន តាំងពី​សង្គ្រាម​ត្រជាក់​នោះ។

យោងតាម​របាយការណ៍​របស់​សហគមន៍ ស៊ើបអង្កេត Global Trends: Paradox of Progress នៃ​ក្រុមប្រឹក្សា​ស៊ើបអង្កេត​ជាតិ​បានឲ្យ​ដឹងថា ភាពជា​អ្នកដឹកនាំ​របស់​អាមេរិក កំពុង​ធ្លាក់ចុះ​ចំពេល​មហាអំណាច​សេដ្ឋកិច្ច​នយោបាយ និង​បចេ្ចកវិទ្យា មានការ​ផ្លាស់ប្តូរ​ដ៏ជ្រៅ​នៅក្នុង​បរិយាកាស​ពិភពលោក ដែល​បង្កភាព​ខ្មៅ​ងងឹត និង​ការលំបាក​នៅពេល​អនាគត​ដ៏ខ្លី​ខាងមុខ។

របាយការណ៍​នោះ បាន​និយាយថា៖ «៥ ឆ្នាំក្រោយ នឹង​ឃើញ​ភាព​តានតឹង​ជាច្រើន​កើនឡើង​នៅក្នុង និង​រវាង​ប្រទេស​ជាច្រើន»។

ចំពោះ​ភាព​អាចល្អ ឬ អាក្រក់​នោះ ស្ថានភាព​ពិភពលោក​ដែល​កំពុង​លេចឡើង​នោះ កំពុង​ទាញឲ្យ​កាន់តែ​កៀក​ទៅនឹង​សម័យ​នៃ​ឥទ្ធិពល​គ្របដណ្តប់​របស់​អាមេរិក​ក្រោយពី​សង្គ្រាមត្រជាក់។

ក្រុមប្រឹក្សា​ស៊ើបអង្កេត​ជាតិ ជាក្រុម​ស្រាវជ្រាវ​នៅក្រោម​ការិយាល័យ​របស់​ប្រមុខ​នៃក្រុម​ស៊ើបអង្កេត​ជាតិ បានចេញ​ការវាយតម្លៃ​កម្រិត​ពិភពលោក​របស់ខ្លួន​រៀងរាល់ ៤ ឆ្នាំម្តង និងរបាយការណ៍​ថ្មីមួយ​នេះ បានចេញ​ត្រឹមតែ ១១ ថ្ងៃមុន​លោកត្រាំ​ត្រូវស្បថ​ឡើងកាន់​តំណែង​ជា​ប្រធានាធិបតី។

របាយការណ៍​នោះ បានបង្ហាញ​រូបភាព​នៃការ​ប្រឈម​ជាច្រើន ដែល​កើតឡើង​នៅក្រោយ​សង្គ្រាម​លោក​លើកទី ២ នៅក្នុង​នោះ​មាន​ប្រាក់ចំណូល​ខុសគ្នា ការផ្លាស់ប្តូរ​នៃ​បច្ចេកវិទ្យា ការផ្លាស់ប្តូរ​ទីកន្លែង​របស់​ប្រជាជន ផលប៉ះពាល់​នៃកម្ដៅ​នៅលើ​ពិភពលោក និងជម្លោះ​ក្នុង​តំបន់​កើនឡើង។

លើស​ពីនេះ​ទៅទៀត​នោះ ប្រទេស​ប្រជាធិបតេយ្យ​លោក​ខាងលិច​នឹង​យល់ថា​ពិបាក​គោរព​តាម​គោលការណ៍​ច្រើន និង​ចៀសវាង​ពីការ​ត្រូវគេ​ធ្វើឲ្យ​បែកបាក់​គ្នានោះ។ របាយការណ៍​នោះ ក៏បាន​និយាយថា វានឹង​ពិបាក​នៅក្នុង​ការសហការ​ជាអន្តរជាតិ និងគ្រប់គ្រង​តាម​មធ្យោបាយ​នានា ដែល​សាធារណជន​រំពឹងទុក។

ប្រទេស​កាន់តែច្រើន នឹង​អាចមាន​អំណាច​បដិសេធ​ចំពោះ​កិច្ច​ប្រឹងប្រែង​រួមនិង​បណ្តាញ​នៃការ​ទំនាក់ទំនង​ជាច្រើន​ទៀត​នឹងធ្វើ​ឲ្យមនុស្ស​ជាច្រើន និង​មនុស្ស​ច្រើន​ក្រុម ទទួលបាន​ព័ត៌មាន​មិន​ត្រឹមត្រូវ និង​បែកបាក់​គ្នា។

ព័ត៌មាន​បាន​បន្ទរថា សមាជិកសភា​នឹង​ធ្វើឲ្យ​ភាពប្រាកដ​និយម​នៃ​ការប្រកួត​ប្រជែង​កាន់តែ​រឹងមាំ។

របាយការណ៍ ដែល​អ្នកនិពន្ធ​បញ្ចូល​ក្រុម​អ្នកវិភាគ​មកពី​ក្រុមប្រឹក្សា​ស៊ើបអង្កេត និងបណ្តា​សហគមន៍​អ្នក​ស្រាវជ្រាវ​ក៏បាន​និយាយថា សេរីនិយម​ដែល​ការពារ​លោក​ខាងលិច និង​ក្រុម​សម្ព័ន្ធមិត្ត​ក្រោយ​សង្គ្រាម​លោកលើកទី ២ កំពុង​ត្រូវបាន​គំរាមកំហែង​ពីប្រជាប្រិយ​និយម​ទាំងស្តាំ​ទាំង​ឆ្វេង ខណៈ​ការគ្រប់គ្រង​ប្រទេស​និងសង្គម​កាន់តែ​ពិបាក​ទៅៗ​នោះ។

សាធារណជន នឹង​តម្រូវឲ្យ​រដ្ឋាភិបាល​ផ្តល់​ឲ្យ​ពួកគេ​ទាំងអស់ នូវ​សន្តិសុខ សុវត្ថិភាព និង​វិបុលភាព ប៉ុន្តែ​មិនមែន​ចំណូល​ទាប ភាពមិន​ជឿទុកចិត្ត​គ្នា និង ការបែក​បាក់​នោះទេ៕

0

Comments

Please, login or register to post a comment