Search form

Login - Register | FOLLOW US ON

Logo of Phnom Penh Post newspaper Phnom Penh Post - កូរ៉េខាងជើង​ជោគជ័យ​ក្នុងការ​ធ្វើ​តេស្ត​ម៉ាស៊ីន​ រ៉ុក្កែត

Content image - Phnom Penh Post
លោក​គីម ជុងអ៊ុន មើល​ក្បួ​នព្យុហយាត្រា​យោធា​នៅក្រុង​ព្យុងយ៉ាង។ AFP

កូរ៉េខាងជើង​ជោគជ័យ​ក្នុងការ​ធ្វើ​តេស្ត​ម៉ាស៊ីន​ រ៉ុក្កែត

ក្រុងសេអ៊ូលៈ ប្រព័ន្ធ​ផ្សព្វផ្សាយ​រដ្ឋ បាន​និយាយ​កាលពី​ថ្ងៃអាទិត្យ​ថា កូរ៉េខាងជើង​បាន​ធ្វើ​តេស្ត​ម៉ាស៊ីន​រ៉ុក្កែត​ថ្មី ដែល​មាន​កម្លាំង​ខ្លាំង ដោយ​មេដឹកនាំ​លោក​គីម ជុងអ៊ុន បាន​ចាត់ទុក​ការធ្វើ​តេស្ត​ប្រកបដោយ​ជោគជ័យ​នោះជា​កំណើត​ថ្មីមួយ​សម្រាប់​ឧស្សាហកម្ម​រ៉ុក្កែត​របស់​ប្រទេស​នេះ។

ជាការ​ច្បាស់​ណាស់​ថា ការធ្វើ​តេស្ត​នោះ​ត្រូវបាន​កំណត់​ពេល​វេលា​ឲ្យកើត​ឡើង​ដំណាលគ្នា​ជាមួយ​នឹង​ទស្សនកិច្ច​របស់​រដ្ឋមន្ត្រី​ការបរទេស​អាមេរិក​លោក Rex Tillerson ទៅកាន់​ក្រុង​ប៉េកាំង​នៅ​ថ្ងៃសៅរ៍ ជាទី​ដែល​លោក​បាន​ព្រមាន​ថា ភាព​តានតឹង​ក្នុង​តំបន់​បាន​ឈាន​ដល់ «កម្រិត​មួយ​គ្រោះថ្នាក់»។

ទីភ្នាក់ងារ​សារព័ត៌មាន​រដ្ឋ បាន​និយាយថា លោក​គីម ជុងអ៊ុន បាន​តាមដាន​កិច្ចប្រតិបត្តិការ​នោះ និងបាន​បញ្ជាក់ថា ពិភពលោក​ទាំងមូល​នឹង​ឃើញ​ដោយ​ផ្ទាល់​ភ្នែក​នាពេល​ឆាប់ៗ​នូវអ្វី​សំខាន់​បំផុត​នៃ​ជ័យជម្នះ​ដ៏ធំ​ដែល​ទទួលបាន​នៅ​ថ្ងៃនេះ។

ម៉ាស៊ីន​រ៉ុក្កែត​ជាច្រើន​គ្រឿង​ត្រូវបាន​ផលិត​ជាថ្មី​សម្រាប់​ប្រើប្រាស់​នៅក្នុង​មីស៊ីល។

ក្រុម​អ្នកសង្កេតការណ៍​ខាងក្រៅ​និយាយថា កម្មវិធី​អវកាស​របស់​ក្រុង​ព្យុងយ៉ាង​បំពាក់​ដោយ​នុយក្លេអ៊ែរ គឺជា​ស្លឹកល្វា​សម្រាប់​ធ្វើតេស្ត​អាវុធ។

KCNA បាន​រាយការណ៍​ថា៖ «ការផលិត និង​ការបញ្ចប់​នៃ​ម៉ាស៊ីន​ប្រភេទ​ថ្មី​ប្រកប​ដោយ​ទំនុក​ចិត្តនឹង​ជួយ​ពង្រឹង​មូលដ្ឋានគ្រឹះ​វិទ្យាសាស្ត្រ និង​បចេ្ចកទេស​ដើម្បី​បង្កើន​សមត្ថភាព​បញ្ជូន​ផ្កាយ​រណប​លំដាប់​ពិភពលោក៕

0

Comments

Please, login or register to post a comment