Search form

Login - Register | FOLLOW US ON

Logo of Phnom Penh Post newspaper Phnom Penh Post - ក្មេងៗ​ជនភៀស​ខ្លួន ៣,៥០ លាន​នាក់​មិន​បាន​ទទួល​ការអប់រំ​នៅ​សាលារៀន

Content image - Phnom Penh Post
ក្រុមជន​ចំណាក​ស្រុក​ទទួល​បាន​អាហារ​និង​ទឹក​បន្ទាប់​ពី​ពួកគេចុះ​ពី​​ទូក។ ​AFP

ក្មេងៗ​ជនភៀស​ខ្លួន ៣,៥០ លាន​នាក់​មិន​បាន​ទទួល​ការអប់រំ​នៅ​សាលារៀន

ក្រុងហ្ស៊ឺណែវ: ទីភ្នាក់ងារ​ជនភៀស​ខ្លួន​របស់​អង្គការ​សហប្រជាជាតិ​បាន​ឲ្យដឹង​កាល​ពី​ថ្ងៃ​អង្គា​រថា ជាង​ពាក់កណ្តាល​នៃ​ក្មេងៗ​ជនភៀស​ខ្លួន​នៅ​ទូទាំង​ពិភពលោក ដែល​រួមទាំង​អស់​មាន​ចំនួន​ប្រហែល ៣,៥០ លាន នាក់ មិន​បាន​ទទួល​ការអប់រំ​នៅ​សាលារៀន ដោយ​បាន​ជំរុញ​ឲ្យ​មាន​ការជួយ​ផ្តល់​ថវិកា​បន្ថែម​ទៀត​សម្រាប់​ឧបត្ថម្ភ​ដល់​ការសិក្សា​របស់​ពួកគេ។

នៅក្នុង​របាយការណ៍​មួយ​ទីភ្នាក់ងារ​នេះ បាន​ឲ្យដឹង​ថា៖ «កាល​ពី​ឆ្នាំមុន ក្មេងៗ​ប្រហែល ៣,៥០ លាន​នាក់» ពី​ក្នុង​ចំណោម​ក្មេង ៦,៤០ លាន​នាក់ ដែល​មាន​អាយុ​រវាង ៥ ដល់ ១៧ ឆ្នាំ ស្ថិត​ក្រោម​ការមើល​ថែរ​បស់​ឧត្តម ក្រុមប្រឹក្សា​ទទួល​បន្ទុក​ជន​ភៀសខ្លួន​អសប.(UNHCR) ពីឆ្នាំមុន «មិន​បាន​ទទួល​ការអប់រំ​នៅ​សាលារៀន​សូម្បី ១ ថ្ងៃ។

របាយការណ៍​ដែល​មាន​ចំណង​ជើង​ថា៖ «យឺតយ៉ាវ: ការអប់រំ​ជនភៀសខ្លួន ស្ថិត​ក្នុង​វិបត្តិ បាន​ឲ្យ​ដឹងថា មាន​ការរីក​ចម្រើន​តែ​បន្តិច​បន្តួច​ប៉ុណ្ណោះ​កាលពី​ឆ្នាំ​ទៅ​នៅ​ខណៈ​តួលេខ ៣,៧ លាន​នាក់។

នៅ​ក្នុង​របាយការណ៍​នោះ​លោក Filippo Grandi ប្រមុខ UNHCR បាន​ឲ្យដឹង​ថា៖ «ការអប់រំ​ចំពោះ​ក្រុម​ក្មេងៗ​ជនភៀស​ខ្លួន​ទាំង​នេះ មាន​សារៈសំខាន់​ខ្លាំង​ណាស់​ចំពោះ​ការអភិវឌ្ឍ​ទីកន្លែង ដែល​បាន​ទទួល​ស្វាគមន៍​ចំពោះ​ពួកគេ​ប្រកប​ដោយ​សន្តិភាព និង​ចីរភាព និង​មាន​សារៈសំខាន់​សម្រាប់​កសាង​វិបុលភាព​នៃ​ប្រទេស​ជាតិ​របស់​ពួកគេ​ផ្ទាល់​ទៅ​ថ្ងៃ​អនាគត»។

ទីភ្នាក់ងារ​នោះ បាន​ជំរុញ​ឲ្យ​ក្រុម​រដ្ឋាភិបាល​ផ្តល់​ជំនួយ​ដើម្បី​បង្កើន​ការធ្វើ​វិនិយោគ​ក្នុង​វិស័យ​អប់រំ​ជនភៀស​ខ្លួន និង​បន្ត​ផ្តល់​ជំនួយ​ថវិកា​ឲ្យ​បាន​ទៀងទាត់​សម្រាប់​ការជួយ​ឧបត្ថម្ភ​ដល់​វិស័យ​មួយ​នេះ។

លោក Filippo Grandi បាន​និយាយ​ថា ជាង​ពាក់កណ្តាល​នៃ​ជនភៀសខ្លួន​ប្រមាណ ១៧,២ លាន​នាក់ កំពុងស្ថិត​នៅ​ក្រោម​ការ​មើល​ខុសត្រូវ​របស់ UNHCR គឺជា​ក្មេង៕

0

Comments

Please, login or register to post a comment

ព័ត៌មានពាក់ព័ន្ធ