ក្រុងណៃពិដោៈ ក្រុមជនជាតិភាគតិចប្រដាប់អាវុធ ២ ក្រុម បានធ្វើការចុះហត្ថលេខាលើបទឈប់បាញ់មួយ កាលពីថ្ងៃអង្គារ នៅក្នុងពិធីមួយដែលរដ្ឋាភិបាលសង្ឃឹមថា នឹងបង្ហាញពីជ័យជម្នះយ៉ាងធំសម្រាប់ដំណើរការសន្តិភាពមួយ ដែលត្រូវក្រុមអ្នករិះគន់ ចាត់ទុកថា បទឈប់បាញ់ បែកបាក់នោះ។
ពិភពលោក ផ្តោតការចាប់អារម្មណ៍ទៅលើជនមូស្លីម រ៉ូហ៊ីងយ៉ា ប្រហែល ៧០ ម៉ឺននាក់ ដែលត្រូវបានបង្ខំចិត្តឆ្លងព្រំដែនចូលទៅក្នុងប្រទេស បង់ក្លាដែស នៅមីយ៉ាន់ម៉ាភាគខាងលិច ដោយយុទ្ធនាការយោធាប្រកបដោយហិង្សាកន្លងមក។
ប៉ុន្តែនេះ គឺជា ជម្លោះមួយនៃជម្លោះជាច្រើន ដែលបានកើតឡើងនៅជុំវិញព្រំដែនដែលមានភាពជ្រួលច្របល់ នៅក្នុងប្រទេសនេះ ជាទីដែលជនភាគតិចជាច្រើន បានជាប់នៅក្នុងការប្រយុទ្ធគ្នាអស់រយៈពេលជាច្រើនទសវត្សរ៍ដើម្បីមានភាពស្វយ័ត។
ប្រធានក្រុមប្រឹក្សារដ្ឋ លោកស្រី អ៊ុង សានស៊ូជី បានប្រកាសថា ការធានាឲ្យមានសន្តិភាព គឺជាអាទិភាពកំពូលរបស់លោកស្រីនៅពេលរដ្ឋការស៊ីវិលរបស់លោកស្រី បានឡើងកាន់តំណែង កាលពីឆ្នាំ ២០១៦ ដោយបានបញ្ចប់ការដឹកនាំដោយយោធារយៈពេល ៥ ទសវត្សរ៍។
ប៉ុន្តែ មានកិច្ចប្រឹងប្រែងតិចតួចសម្រាប់បញ្ហានេះ ដោយតំបន់ព្រំដែនពោរពេញដោយភាពចលាចលជារឿយៗបង្កឡើងដោយគ្រឿងញៀន ដែលបានធ្វើឲ្យមនុស្សរាប់ម៉ឺននាក់ខ្ចាត់ព្រាត់៕