ក្រុងវ៉ាស៊ីនតោន: ក្រុមមន្ត្រីអាមេរិក បានឲ្យដឹងកាលពីថ្ងៃអង្គារថា លោក ម៉ៃ ផែនស៍ (Mike Pence) និងក្រុមមន្ត្រីកូរ៉េខាងជើង បានគ្រោងបើកកិច្ចប្រជុំសម្ងាត់អំឡុងការប្រកួតកីឡាអូឡាំពិករដូវរងា ឆ្នាំ ២០១៨ នៅក្នុងក្រុង Pyoengchang ប៉ុន្តែ ក្រុងព្យុងយ៉ាង បានលុបចោលគម្រោងបើកកិច្ចចរចានោះ បន្ទាប់ពី លោកអនុប្រធានាធិបតីអាមេរិក បានប្រកាសថ្កោលទោសចំពោះការរំលោភបំពាននានាពី «របបពិឃាត»។
លោកផែនស៍ មិនបានធ្វើទំនាក់ទំនងជាមួយភាគីកូរ៉េខាងជើង ថ្វីបើ លោកបានអង្គុយនៅក្នុងប្រអប់ជាមួយគ្នាដូចពួកគេដែរ នៅឯពិធីបើកពហុកីឡានាដើមខែនេះ..ហើយលោក ក៏មិនបានចាប់ដៃជាមួយប្រមុខរដ្ឋកិត្តិយសរបស់កូរ៉េខាងជើង លោក គីម ជុងណាម (Kim Yong Nam) អំឡុងកិច្ចទទួលមេដឹកនាំមុននេះ បន្តិច។
លោកអនុប្រធានាធិបតី អាមេរិកដែលបានដឹកនាំគណៈប្រតិភូអាមេរិក ទៅចូលរួមពិធីបើកការប្រកួតកីឡាបានឲ្យដឹងនៅពេលនោះថា លោកបានធ្វើដំណើរជាមួយឪពុករបស់អតីតឈ្មោះ Otto Warmbier ដែលបានស្លាប់ទៅកាន់ទឹកដីកូរ៉េខាងត្បូង ដើម្បី «រំឭកពិភពលោកអំពីភាពសាហាវឃោរឃៅនានា ដែលបាននិងកំពុងកើតមានឡើងនៅក្នុងទឹកដីកូរ៉េខាងជើង»។
នៅក្នុងសេចក្តីថ្លែងការណ៍មួយ អ្នកនាំពាក្យរបស់ក្រសួងការបរទេសអាមេរិកលោកស្រី Heather Nauert ថា៖ «អំឡុងដំណើរទស្សនកិច្ចនាពេលថ្មីៗរបស់អនុប្រធានាធិបតី ទៅកាន់កូរ៉េខាងត្បូង ដើម្បីបង្ហាញអំពីការប្តេជ្ញាចិត្តរួម និងការគាំទ្រចំពោះក្រុមអត្តពលិកអាមេរិក លទ្ធភាពមួយបានកើតឡើងពាក់ព័ន្ធកិច្ចជំនួបដ៏ខ្លីមួយជាមួយក្រុមថ្នាក់ដឹកនាំគណៈប្រតិភូរបស់កូរ៉េខាងជើង»។
លោកអនុប្រធានាធិបតី បានត្រៀមខ្លួនជាស្រេចដើម្បីឆ្លៀតឱកាសនេះនាំយកទៅមាតុប្រទេសវិញនូវភាពចាំបាច់ ដែលកូរ៉េខាងជើងគួរលះបង់ចោលកម្មវិធីផលិតមីស៊ីលបាលីស្ទិក៕