ក្រុងអង់ការ៉ា: នាង Safa al-Hussein បានចូលទៅក្នុងបន្ទប់ពិគ្រោះជំងឺជាមួយកូនស្រីអាយុ ៤ ឆ្នាំរបស់នាងគឺនាងតូច Ahed ដែលមានរបួសត្រង់ជើង ដែលនាងទទួលរងរបួសអំឡុងការវាយប្រហារមួយទៅលើទីក្រុងរ៉ាកានៅស៊ីរីភាគខាងជើង។
នាងត្រូវបានទទួលព្យាបាលដោយវេជ្ជបណ្ឌិតម្នាក់ និងគិលានុបដ្ឋាកម្នាក់ ដែលទាំង ២ នាក់ជាជនជាតិស៊ីរីដូចជារូបនាងដែរ។ ប៉ុន្តែ មណ្ឌលសុខភាពនេះ មានចម្ងាយរាប់រយគីឡូម៉ែត្រ ពីប្រទេសកំណើតរបស់នាង នៅក្នុងចំណុចកណ្តាលរដ្ឋធានីអង់ការ៉ានៅតួកគី។
តួកគី បានទទួលយកក្រុមជនភៀសខ្លួនជាង ៣,៥ លាននាក់មកពីស៊ីរី ចាប់តាំងពីសង្គ្រាមបង្ហូរឈាម បានផ្ទុះឡើងក្នុងខែមីនា ឆ្នាំ ២០១១។
ចាប់តាំងពីពេលនោះមក ពលរដ្ឋរាប់លាននាក់បានរត់ភៀសខ្លួនពីស៊ីរីឬត្រូវបានបង្ខំចិត្តឲ្យទៅរស់នៅក្នុងលំនៅឋានជនចំណាកស្រុក។ ក្រុមវេជ្ជបណ្ឌិតរបស់មណ្ឌលក្រុងអង់ការ៉ា ដែលមួយចំណែកជាក្រុម ជនភៀសខ្លួនស៊ីរី។
បន្ទាប់ពីបានទទួលការហ្វឹកហ្វឺនរយៈពេល ៧ សប្តាហ៍ និងត្រូវបានគ្រប់គ្រងត្រួតត្រា ដោយក្រសួងសុខាភិបាលតួកគី និងអង្គការសុខភាពពិភពលោក (WHO) នោះ ពួកគេត្រូវបានផ្តល់សិទ្ធិ និងអាជ្ញាប័ណ្ណឲ្យបម្រើការនៅក្នុងមណ្ឌលសុខភាពចំណាកស្រុក (MHC) កំពុងវិលត្រឡប់ទៅកាន់អាជីពដូច ដែលពួកគេធ្លាប់មាននៅក្នុងទឹកដីស៊ីរីរបស់ពួកគេវិញ។
ពួកគេជួយថែរក្សាក្រុមជនភៀសខ្លួនដែលនិយាយភាសាអារ៉ាប់នៅក្នុងក្រុងអង់ការ៉ា ដែលភាគច្រើនពួកគេជាជនជាតិស៊ីរី ស្ថិតក្នុងបរិយាកាសមួយដែលមានអារម្មណ៍ច្បាស់លាស់និងធូរស្បើយពីក្តីបារម្ភ ដូចដែលកំពុងដំណើរការល្អ និងមានសុវត្ថិភាព។
លោក Felix Leger ទទួលបន្ទុកផ្នែកកិច្ចការពាក់ព័ន្ធបញ្ហាសុខភាពនៅតួកគីសម្រាប់អង្គការផ្តល់ជំនួយមនុស្សធម៌របស់គណៈកម្មការទ្វីបអឺរ៉ុប (ECHO) បានថ្លែងថា រដ្ឋាភិបាលតួកគី បានបញ្ឈប់ការកំណត់ច្បាប់ច្រើនលើសលប់សម្រាប់ទប់ស្កាត់ក្រុមជនភៀសខ្លួន»។
ECHO បានផ្តល់ថវិកាដោយចំពោះលើការហ្វឹកហ្វឺនផ្តល់ជូនសម្រាប់ក្រុមវេជ្ជបណ្ឌិត និងក្រុមគិលានុបដ្ឋាក ជាជនភៀសខ្លួនស៊ីរី។
លោក Leger បានថ្លែងថា ក្រុមជនភៀសខ្លួន ដែលចុះក្នុងបញ្ជីម្នាក់មានសិទ្ធិដូចគ្នាពាក់ព័ន្ធបញ្ហាការទទួលបានការផ្តល់ជូនការថែរក្សាសុខភាពនិង ការអប់រំ ក៏ដូចជាពលរដ្ឋតួកគីម្នាក់ដែរ។
លោកបានថ្លែងបន្ថែមទៀតថា ប៉ុន្តែ ឧបសគ្គខាងផ្នែកភាសា និងវប្បធម៌អាច ជាឧបសគ្គដ៏ធំមួយ។ ដូច្នេះ គំនិតមួយដែលបានលើកឡើងថា ក្រុមគិលានុបដ្ឋាក និងក្រុមវេជ្ជបណ្ឌិតជាជនភៀសខ្លួនគួរជួយសង្គ្រោះជនរួមជាតិរបស់ពួកគេ ដោយខ្លួនឯងដើម្បីជម្នះរាល់ឧបសគ្គទាំងអស់ដែលពួកគេកំពុងប្រឈម៕