.jpg)
ទិដ្ឋភាពទូទៅបង្ហាញពីសង្កាត់ Old City នៅក្នុងទីក្រុងម៉ូស៊ុលក្នុងទឹកដីអ៊ីរ៉ាក់នៅថ្ងៃទី ៨ ខែ មករា ឆ្នាំ ២០១៨។ AFP
ក្រុងម៉ូស៊ុល: នៅលើតំបន់ផ្ទៃទឹកទន្លេអឺហ្រ្វាតស៍ (Euphrates) នៅក្នុងទីក្រុងម៉ូស៊ុលដែលការខ្ទេចខ្ទាំដោយសង្គ្រាម បង្កឲ្យធ្លុះធ្លាយជញ្ជាំងសណ្ឋាគារជាច្រើនបានបង្ហាញពីគំនរកម្ទេចកម្ទីបាក់បែកនៃ សំណង់អគារនៅក្នុងក្រុងដ៏ច្រើនលើសលប់នោះ។
រយៈពេល ៦ ខែ ចាប់តាំងពីកងទ័ពអ៊ីរ៉ាក់ បានធ្វើការច្បាំងដណ្តើមត្រួតត្រាក្រុងទី ២ នៅក្នុងប្រទេសនេះ ពីក្រុមជីហាដរដ្ឋអ៊ិស្លាម (IS) មក សំណល់សាកសពមនុស្សជាច្រើននៅពុកផុយរលួយនៅពីមុខវិហារមូស្លីម Al-Nuri។
សំណង់អគារមួយដែលដាច់បាត់កំពូលរបស់វា និងបានបាក់បែកខ្ទេចខ្ទីទៅជាកម្ទេចកម្ទីដោយសារសង្គ្រាមគឺទីតាំងបង្ហាញមុខជាសាធារណៈដែលគេស្គាល់តែមួយគត់របស់មេដឹកនាំក្រុម IS លោក Abu Bakr al-Baghdadi បន្ទាប់ពីការប្រកាសបង្កើត «ទឹកដី» របស់ក្រុមនេះនៅ ២០១៤។
ក្រុមពលរដ្ឋ ដែលបានរស់នៅក្នុងទីក្រុងម៉ូស៊ុល បានចាប់ផ្តើមពីមានអារម្មណ៍រីករាយរំភើបចំពោះ «ការរំដោះ» ទីក្រុងនេះ បន្ទាប់ពីក្រុមជីហាដបានត្រួតត្រា រយៈពេល ៣ ឆ្នាំរហូតដល់ការរស់នៅក្នុងជីវិតដែលគ្មានភាពច្បាស់លាស់។មនុស្សពីរ ឬ បីនាក់នៅតាមច្រកផ្លូវដែលសម្បូរកម្ទេចកម្ទី និយាយថា អនាគតពួកគេគ្មានសុវត្ថិភាពនោះទេ៕
