កុ្រងវ៉ាស៊ីនតោន: ប្រធានាធិបតីអាមេរិក លោក ដូណាល់ ត្រាំ កាលពីថ្ងៃពុធ បានចោទប្រកាន់រុស្ស៊ី ពីបទបំផ្លាញទណ្ឌកម្មរបស់អន្តរជាតិប្រឆាំងនឹង កូរ៉េខាងជើង និងធ្វើឲ្យកិច្ចប្រឹង ដើម្បីទប់ស្កាត់កម្មវិធីអាវុធនុយក្លេអ៊ែររបស់លោកគីម ជុងអ៊ុន ចុះខ្សោយ។
លោក ត្រាំ បានប្រាប់ទីភា្នក់ងារសារព័ត៌មាន Reuters ថា៖ «រុស្ស៊ី មិនជួយអាមេរិក ក្នុងការដោះស្រាយជាមួយកូរ៉េខាងជើងនោះទេ»។ «អ្វីដែលចិនកំពុងជួយពួកយើង រុស្ស៊ីបែរជាបំផ្លាញទៅវិញ»។
កាលពីថ្ងៃមុន លោក ត្រាំ បានរិះគន់រុស្ស៊ីចំពោះការមិនជួយកិច្ចប្រឹងប្រែងពិភពលោកក្នុងការដាក់សម្ពាធទៅលើក្រុង ព្យុងយ៉ាង ឲ្យឈប់ផលិអាវុធនុយក្លេអ៊ែរនិងមីស៊ីលបាលីស្ទិកដែលនាំឲ្យមានភាពតានតឹងជាមួយក្រុងវ៉ាស៊ីនតោននោះ៕ PSA