Search form

Login - Register | FOLLOW US ON

Logo of Phnom Penh Post newspaper Phnom Penh Post - ទឹក​ជំនន់​និង​ការ​រអិល​បាក់​ដី​នៅ​ឥណ្ឌូនេស៊ី​សម្លាប់​​​១៣​នាក់

ទឹក​ជំនន់​និង​ការ​រអិល​បាក់​ដី​នៅ​ឥណ្ឌូនេស៊ី​សម្លាប់​​​១៣​នាក់

130219_17b
ក្រុមអ្នកស្រុកឥណ្ឌូនេស៊ី ព្យាយាមសង្គ្រោះទ្រព្យសម្បត្តិខ្លួនពីទឹកជំនន់ AFP

ក្រុង ហ្សាការតាៈ ក្រុម​មន្រ្តី បាន​និយាយ​ពី​ថ្ងៃ​ចន្ទ​ថា យ៉ាង​តិច​មនុស្ស​១៣​នាក់ បាន​ស្លាប់​កាល​ពី​ចុង​សប្តាហ៍​នៅ​ក្នុង​ប្រទេស​ឥណ្ឌូនេស៊ី បន្ទាប់​ពី​ភ្លៀង​ធ្លាក់​ដូច​គេ​ហែក​មេឃ បាន​បង្ក​ឲ្យ​មាន​ទឹក​ជំនន់ និង​ការ​រអិល​បាក់​ដី​។

អ្នក​នាំ​ពាក្យ​ទី​ភ្នាក់​ងារ​គ្រប់​គ្រង​គ្រោះ​មហន្តរាយ​ជាតិ លោក Sutopo Purwo Nugroho បាន​ថ្លែង​ថា ទឹក​ជំនន់ និង​ការ​រអិល​បាក់​ដី​បាន​វាយ​ប្រហារ​ទី​រួម​ខេត្ត​ម៉ាណាដូ​នៃ​ខេត្ត ស៊ូឡាវ៉េ​ស៊ី​ខាង​ជើង កាល​ពី​ព្រឹក​ថ្ងៃ​ចន្ទ ដោយ​សម្លាប់​មនុស្ស​យ៉ាង​តិច​១០​នាក់ និង​បាន​បង្ខំ​ឲ្យ​គេ​ជម្លៀស​មនុស្ស​១២០០​នាក់​។

មន្រ្តី​គ្រោះ​មហន្តរាយ​ក្នុង​ស្រុក​លោក ដាល់​ម៉ាន់​តូ បានប្រាប់ AFP ថា កាល​ពី​ថ្ងៃ​អាទិត្យ មនុស្ស​បី​នាក់​ដែល​ក្នុង​នោះ​មាន​ក្មេង​ប្រុស​វ័យ​១៤​ឆ្នាំ​ពីរ​នាក់​ផង បាន​ស្លាប់​បន្ទាប់​ពី​ពួក​គេ ត្រូវ​បាន​ទឹក​ជំនន់​ហូរ​នាំ​យក​ទៅ​នៅ​ខេត្ត​ចាំប៊ី​លើ​កោះ​ស៊ូម៉ាត្រា ។

លោក​បាន​និយាយ​ថា​៖ «​ភ្លៀង​ដូច​គេ​ហែក​មេឃ​ជា​ច្រើន​ថ្ងៃ បាន​ធ្វើ​ឲ្យ​ទន្លេ​មួយ​បាក់​ច្រាំង​ទាំង​សង​ខាង​ហើយ​ជន់​លិច​ផ្លូវ​ទឹក​ច្រើន​កន្លែង​។ ក្មេង​ប្រុស​ទាំង​នោះ​ត្រូវ​ហូរ​នាំ​យក​ទៅ​ដោយ​ចរន្ត​ទឹក​ខ្លាំង ខណៈ​ពួក​គេ កំពុង​ងូត​ក្នុង​ផ្លូវ​ទឹក​មួយ​។ នៅ​ថ្ងៃ​នេះ (​ថ្ងៃ​ចន្ទ) យើង បាន​រក​ឃើញ​សាក​សព​បុរស​ម្នាក់​ដែល​ទៅ​ស្ទូច​ត្រី​នៅ​ក្នុង​ព្រែក​ជីក​មួយ​»​។

ឥណ្ឌូនេស៊ី បាន​រង​គ្រោះ​ម្តង​ហើយ​ម្តង​ទៀត​ដោយ​សារ​ទឹក​ជំនន់ និង​ការ​រអិល​បាក់​ដី​ដែល​បណ្តាល​ឲ្យ​មាន​មនុស្ស​ស្លាប់​ក្នុង​ប៉ុន្មាន​ឆ្នាំ​ថ្មីៗ​នេះ ក្នុង​អំឡុង​ពេល​រដូវ​វស្សា​ដែល​មាន​រយៈ​ពេល​ប្រមាណ​៦​ខែ​។

ក្រុម​អ្នក​បរិស្ថាន បាន​បន្ទោស​លើ​ការ​កាប់​បំផ្លាញ​ព្រៃ​ឈើ និង​ការ​បរាជ័យ​មិន​បាន​ដាំ​ឈើ​ជា​ថ្មី​លើ​ដី​ទំនេរ​ក្នុង​រដ្ឋ​ដែល​មាន​ប្រជា​ពលរដ្ឋ​ច្រើន​ជាង​គេ​បំផុត​ទី​៤​ក្នុង​ពិភពលោក​ដែល​បង្ក​ឲ្យ​ទឹក​ជន់​លិច​ញឹក​ញាប់​៕ NR

0

Comments

Please, login or register to post a comment

ព័ត៌មានពាក់ព័ន្ធ