Search form

Login - Register | FOLLOW US ON

Logo of Phnom Penh Post newspaper Phnom Penh Post - ​ទំនាក់ទំនង​អាមេរិក គុយបា ​ឈាន​ដល់​កិច្ច​ព្រម​ព្រៀង​បើក​ស្ថានទូ​ត​វិញ

​ប្រធានាធិបតី​គុយបា រ៉ា​អ៊ូ​ល កា​ស្ត្រូ​(​ឆ្វេង​) ឆ្លើយតប​សំណួរ​អ្នកកាសែត នៅ​ក្នុងពេល​ជួប​លោក អូបាម៉ា ពីថ្ងៃ​១១ មេសា ២០១៥ នៅ​ប៉ា​ណា​ម៉ា​។
​ប្រធានាធិបតី​គុយបា រ៉ា​អ៊ូ​ល កា​ស្ត្រូ​(​ឆ្វេង​) ឆ្លើយតប​សំណួរ​អ្នកកាសែត នៅ​ក្នុងពេល​ជួប​លោក អូបាម៉ា ពីថ្ងៃ​១១ មេសា ២០១៥ នៅ​ប៉ា​ណា​ម៉ា​។ AFP

​ទំនាក់ទំនង​អាមេរិក គុយបា ​ឈាន​ដល់​កិច្ច​ព្រម​ព្រៀង​បើក​ស្ថានទូ​ត​វិញ

ក្រុង​វ៉ាស៊ីន​តោនៈ ប្រភព​អា​មេរិកមួយ បាន​និយាយ​ពីថ្ងៃ​ពុធ​ថា អាមេរិក និង​គុយបា បាន​ឈានដល់​កិច្ច​ព្រម​ព្រៀង​មួយ​ដើម្បី​បើក ស្ថានទូត​ឡើង​វិញ នៅ​ក្រុង​ឡាហាវ៉ាន និង​ក្រុង​វ៉ា​ស៊ីន​តោន ជា​ជំហាន​ដ៏​ធំ​មួយ​ឆ្ពោះទៅ​បញ្ចប់​ភាពជា​សត្រូវ​សង្គ្រាម​ត្រជាក់​​ជាច្រើន​ទសវត្សរ៍​។​

​ប្រភព​នោះ បាន​និយាយថា​៖ «​យើង​នឹង​ប្រកាស​ជា​ផ្លូវការ​នៅ ថ្ងៃ​ព្រហស្បតិ៍​ថា អាមេរិក និង​គុយបា បាន​ឈានដល់​កិច្ច​ព្រម​​ព្រៀង​ដើម្បី​បង្កើត​ឡើងវិញ​នូវ​ទំ​​នាក់​ទំនង​ការទូត​ផ្លូវការ និង​បើក​ស្ថានទូត​នៅក្នុង​រដ្ឋធានី​គ្នា​ទៅវិញទៅមក​»​។​

ប្រធានាធិបតី​អូបាម៉ា ត្រូវបាន រំពឹងថា​ចេញ​សេចក្តីថ្លែងការណ៍ មួយ​នៅ​ម៉ោង ​១១ ​យប់ នៅក្នុង​សួន​កុលាប​សេត​វិមាន អំពី​កិច្ចព្រមព្រៀង​នោះ ដែល​បង្កើតជា​សមិទ្ធផល​គោលនយោបាយ​ការបរទេស​ធំ​មួយ​នៃ​ភាពជា​ប្រ​ធានា​ ធិបតី​របស់លោក​។ ទំនាក់ទំនង​ការទូត​នោះ ត្រូវបាន​ជាប់គាំង អស់​ពេល​ ៥​ ទសវត្ស​រ៍ហើយ។​

ចាប់តាំងពី​ការ​ឈា្ល​ន​ពាន ឆក ជ្រូក រហូតដល់​វិបត្តិ​មី​ស៊ីល​គុយបា ជា​ភាព​ផ្ទុយគ្នា​ឆ្លងកាត់​ច្រក​សមុទ្រ​ហ្វ្ល​រី​ដា​ដ៏​ចង្អៀត ជារឿយៗ បាន​គំរាមកំហែង​ធ្វើ​ឲ្យ​សង្គ្រាម ត្រជាក់​ក្លាយទៅជា​ក្តៅ​។​​ ប៉ុន្តែ​បន្ទាប់ពី​ការចរចា​សម្ងាត់​ ១៨​ ខែ​របស់​ក្រុមទី​ប្រឹក្សា លោក អូ​បា​ម៉ា និង​ប្រធានាធិបតី​គុយបា លោក ​រ៉ា​អ៊ូ​ល កា​ស្ត្រូ បាន​ឯកភាព គ្នា​ក្នុង​ខែធ្នូ​ស្តារ​ទំនាក់ទំនង​។ ​អ្នក​ទាំងពីរ បានរៀបចំ​ជំនួប​ជា​ប្រវត្តិសាស្ត្រ​ដំបូង​មួយ​នៅក្នុង​ប្រទេស ប៉ា​ណា​ម៉ា ពី​ខែមេសា​។​

កាលពី​ខែឧសភា អាមេរិក​បាន ត្រួសត្រាយ​ផ្លូវ​សម្រាប់​ការបន្ត​​ទំនាក់ទំនង​ល្អ ដោយ​ដក​គុយបា​ចេញពី​បញ្ជី​រដ្ឋ​គាំទ្រ​ភេរវកម្ម​។​

ក្រុង​ឡា​ហាវ៉ាន ធ្លាប់បាន​តវ៉ា​ដ៏ ក្លៀវក្លា​នឹង​ការបញ្ចូល​ខ្លួន​ក្នុង​ឆ្នាំ​ ១៩៨២ ទៅក្នុង​បញ្ជីខ្មៅ​នោះ ដែល​បាន​រារាំង​ការចូល​ទៅកាន់​ទីផ្សារ​ពិភពលោក​របស់ខ្លួន​។​

ការស្ទង់មតិ បង្ហាញថា​ ពលរដ្ឋ អាមេរិក​ភាគច្រើន គាំទ្រ​កិច្ច​ប្រឹង​​ប្រែង​របស់លោក​អូ​បា​ម៉ា ​ដើម្បី​កែលម្អ​ទំនាក់ទំនង​នោះ​។​

ប៉ុន្តែ​កោះ​នេះ នៅតែ​ស្ថិតនៅ ក្រោម​ការ​ហ៊ុម​ព័​ត្ធ​សេដ្ឋកិច្ច​អា​​មេ​រិ​ក ដែល​បានដាក់​នៅក្នុង​ឆ្នាំ ​១៩៦២​។​ ​មានការ​ជំទាស់​ដ៏​កាច​សាហាវ​ចំពោះ​ការលើកលែង​ការហ៊ុមព័ទ្ធ​សេដ្ឋកិច្ច​នោះ​ពី​ក្រុម​អ្នកធ្វើច្បាប់​នៃ​បក្ស​សាធារណរដ្ឋ​។​ ក្នុងពេល​ជាមួយគ្នានេះ ស្លាក ស្នាម​នៃ​ការ​ស្អប់ខ្ពើម​ខាង​មនោគម​ន៍​វិជ្ជា​ជាច្រើន​ទៀត​កំពុង ថយចុះ​យ៉ាងខ្លាំង​។​កម្រិត​ព្រំដែន​នៃ​ការ​ដើរហើរ និង​ទំនាក់ទំនង​រវាង​ប្រទេស​ទាំងពីរ ត្រូវបាន​គេ​សម្រួល​ជា​ដុំកំភួន​ហើយ​។​

​ការប្រគំ​តន្ត្រី​អាមេរិក​មួយ បាន ធ្វើ​ទេសចរណ៍​ទៅ​គុយបា​ ជា​លើកទីមួយ​ក្នុងពេល​ជាច្រើន​ទសវត្សរ៍​នេះ ហើយ​គេហទំព័រ Airbnb ថែមទាំង​ត្រូវបាន​បង្កើត​មូលដ្ឋាន របស់ខ្លួន​នៅលើ​កោះ​តំបន់​កា​រ៉ាអ៊ីប ​ដែល​គ្រប់គ្រង​ដោយ​បក្ស​កុម្មុយនីស្ត​នោះ​ហើយ​។​

សេត​វិមាន បាន​និយាយថា ដំណើរ​ទស្សនកិច្ច​រប​ស់​ប្រ​ធា​​នា​ធិបតី​មួយ​គឺអាច​ប្រព្រឹត្តទៅ​បាន មុនពេល​លោក​អូ​បា​ម៉ា ចាក​ចេញពី​តំណែង​នៅ​ឆ្នាំ ​២០១៧ ខាងមុខនេះ​៕

0

Comments

Please, login or register to post a comment

ព័ត៌មានពាក់ព័ន្ធ