ក្រុងបាងកកៈ ដោយបានផ្សព្វផ្សាយពីគម្រោងរបស់រដ្ឋាភិបាលជួយដល់កសិករលោកនាយករដ្ឋមន្ត្រីប្រាយុធ ចានអូចា បានថ្លែងនៅក្នុងអំឡុងទស្សនកិច្ចទៅកាន់ខេត្ត Nakhon Pathom ថា ពួកគេត្រូវរៀនអភិវឌ្ឍដោយឯករាជ្យ។
លោកឧត្តមសេនីយ៍ប្រាយុធកំពុងធ្វើទស្សនកិច្ចខេត្តជាប់ក្រុងបាងកក ដើម្បីបង្ហាញពីការជំរុញសម្រាប់គម្រោង Niyom Yangyuen របស់រដ្ឋាភិបាលថ្នាក់តំបន់។
យោងតាមរដ្ឋាភិបាលបានឲ្យដឹងថា កាលពីខែមុនរដ្ឋាភិបាលបានប្រកាសគម្រោង Thai Niyom Yangyeun ដែលមានបំណងជំរុញឲ្យបណ្តាទីភ្នាក់ងាររដ្ឋ និងបញ្ញវន្តនៅក្នុងតំបន់ ធ្វើការរួមគ្នាដើម្បីជួយលើកកម្ពស់កម្រិតជីវភាពរបស់ប្រជាជន។
នៅក្នុងចំណោមទីតាំងជាច្រើន លោកបានធ្វើទស្សនកិច្ចការិយាល័យកំណែទម្រង់ដីធ្លីកសិកម្ម Laem Bua ដើម្បីពិភាក្សាអំពីការជោគជ័យរបស់ពួកគេក្នុងការអនុវត្តកសិកម្មប្រកបដោយចីរភាព។
លោកបានថ្លែងថា វាគឺរឿងគួរឲ្យមោទនភាពណាស់ដែលឃើញប្រជាជនខេត្ត Nakhon Pathom ធ្វើការងារឆ្ពោះទៅ រកគម្រោង Thai Niyom Yangyuen។
លោកបានបន្តថា គោលនយោបាយរបស់រដ្ឋាភិបាលបន្តពង្រីកសេវា wifi នៅទូទាំងប្រទេសនោះ មានបំណងភ្ជាប់ពលរដ្ឋក្នុងតំបន់ដូចអ្នកទៅអតិថិជនដោយផ្ទាល់ នៅគ្រប់ទីកន្លែងនៅក្នុងប្រទេសនេះ។
លោកនាយករដ្ឋមន្ត្រី បានបន្ថែមថា៖ «អ្នកត្រូវរៀនលក់ផលិតផលតាមអ៊ីនធឺណិត និងលក់នៅលើទីផ្សារ បើសិនជាអ្នកចង់រកប្រាក់ចំណូលឲ្យបានគ្រប់គ្រាន់នោះ»។
ភាគច្រើនអ្នកចូលរួមជំនួបនោះ បានធ្វើការផ្តល់ការអធិប្បាយវិជ្ជមានអំពីទស្សនកិច្ចរបស់លោកនាយករដ្ឋមន្ត្រីប្រាយុធ ចានអូចា៕