.jpg)
បុរសបង់ក្លាដែស ជួយក្រុមជនរ៉ូហ៊ីងយ៉ាដែលទើបចុះចេញពីទូក។ AFP
ក្រុងកូបាហ្សារៈ ក្រុមមន្ត្រីបាននិយាយកាលពីថ្ងៃសុក្រថា បង់ក្លាដែស ចង់បញ្ជូនរ៉ូហ៊ីងយ៉ាដល់ទៅ ១០ ម៉ឺននាក់ត្រឡប់ទៅមីយ៉ាន់ម៉ាក្នុងក្រុមទី ១ នៃការធ្វើមាតុភូមិនិវត្តន៍ជនភៀសខ្លួនមូស្លីម ដែលភៀសខ្លួនពីអំពើហិង្សាជនភាគតិចនៅក្នុងឆ្នាំនេះ។
លោកទេសរដ្ឋមន្ត្រី Obaidul Quader បាននិយាយថា បញ្ជីឈ្មោះ ១០ ម៉ឺននាក់ ត្រូវបានបញ្ជូនទៅឲ្យក្រុមអាជ្ញាធរមីយ៉ាន់ម៉ាកាលពីថ្ងៃសុក្រ ដូច្នេះការធ្វើមាតុភូមិនិវត្តន៍អាចចាប់ផ្តើមនៅចុងខែមករានៅក្រោមកិច្ចព្រមព្រៀងមួយរវាងរដ្ឋាភិបាលទាំង ២។
រ៉ូហ៊ីងយ៉ាជាង ៦៥៥,០០០ នាក់មកពីរដ្ឋរ៉ាក់ឃីនមីយ៉ាន់ម៉ា បានស្វះស្វែងរកជម្រកនៅបង់ក្លាដែស ចាប់តាំងពីការបង្ក្រាបនៅចុងខែសីហា ដោយបានភៀសខ្លួនចេញពីអ្វីដែលអាមេរិក និងអង្គការសហប្រជាជាតិពិពណ៌នាថាជាការបោសសម្អាតជនភាគតិច។
ចំនួននោះ បន្ថែមទៅលើរ៉ូហ៊ីងយ៉ាជាង ៣០ ម៉ឺននាក់នៅក្នុងជំរំជាច្រើននៅបង់ក្លាដែសក្រោយពីភៀសខ្លួនចេញពីអំពើហិង្សានៅក្នុងរដ្ឋភាគច្រើនអ្នកកាន់ព្រះពុទ្ធសាសនានោះ។
រដ្ឋាភិបាលទាំង ២ បានចុះហត្ថលេខាកិច្ចព្រមព្រៀងមួយនៅក្នុងខែវិច្ឆិកា ដោយបានធ្វើឲ្យធ្វើមាតុភូមិនិវត្តន៍ ចាប់ពីថ្ងៃទី ២៣ ខែមករា។
ក្រុមផ្តល់ជំនួយជាច្រើន និងក្រុមអ្នកការទូតសង្ស័យថា រ៉ូហ៊ីងយ៉ាដែលមានការភ័យខ្លាចនឹងយល់ព្រមវិលត្រឡប់ទៅវិញ។ រ៉ូហ៊ីងយ៉ាទាំងនោះ គឺជាគោលដៅនៃកម្មវិធីកន្លងមកនៅក្នុងមីយ៉ាន់ម៉ាភាគច្រើនអ្នកកាន់ព្រះពុទ្ធសាសនា ដែលមិនទទួលស្គាល់ក្រុមនេះ ជាជនភាគតិចសុទ្ធសាធនោះ៕
