.jpg)
ប្រធានាធិបតី ឥណ្ឌូនេស៊ី លោក Joko Widodo កំពុងត្រួតពិនិត្យការសំអាតរុក្ខជាតិពុល និងជាតិពុលដែលព័ន្ធព័ទ្ធដោយអគ្គិភ័យ។ ភ្លើងឆេះព្រៃបានផ្ទុះឡើងម្តងទៀត។ AFP
ក្រុងប៉េកាន់បារូ: ប្រទេសឥណ្ឌូនេស៊ីប្រយុទ្ធប្រឆាំងដើម្បីពន្លត់អគ្គិភ័យដ៏ធំមួយកាលពីថ្ងៃពុធខណៈប្រទេសនេះបានប្រកាសអាសន្នជុំវិញបញ្ហាអគ្គីភ័យដែលបានកើតឡើងរៀងរាល់ឆ្នាំនិងបានបង្កជាដុំផ្សែងដែលអាចគ្របលើប្រទេសជិតខាងគឺសិង្ហបុរីនិងម៉ាឡេស៊ី។
បាតុភូតអគ្គីភ័យនេះបានផ្ទុះឡើងនៅក្នុងខេត្តទាំង៤មានដូចជាស៊ូម៉ាត្រាខាងត្បូង ខេត្ត Riau ខេត្ត Kalimantan ខាងលិច និងខេត្ត Kalimantan កណ្តាលដោយបានបង្កខេត្តទាំងនេះប្រកាសស្ថានភាពនៃភាពអាសន្នដែលខេត្តមួយស្ថិតក្នុងស្ថានភាពធ្ងន់ធ្ងរបំផុត។
ផ្ទៃដីរាប់រយហិកតារត្រូវបានបំផ្លាញកាលពីសប្តាហ៍មុនហើយដែលរដ្ឋាភិបាលកំពុងបង្កើនកិច្ចខិតខំដើម្បីពន្លត់អគ្គីភ័យនេះ។ អគ្គិភ័យនេះជាញឹកញាប់ត្រូវបានបង្កឡើង ដោយក្រុមកសិករដែលប្រើប្រាស់ភ្លើងដើម្បីសំអាតផ្ទៃដីសម្រាប់ការធ្វើកសិកម្ម។
មន្ត្រីមកពីទីភ្នាក់ងារគ្រប់គ្រងគ្រោះមហន្តរាយលោក Sutopo Purwo Nugroho បានថ្លែងថា៖«ពេលនេះយើងកំពុងត្រៀមយន្តហោះសម្រាប់បាញ់សារធាតុគីមី និង ឧទ្ធម្ភាគចក្រសម្រាប់បាញ់ទឹកពន្លត់អគ្គិភ័យ។
ក្រុមមន្ត្រីបានឲ្យដឹងថា ទីភ្នាក់ងារនឹងដាក់ពង្រាយទាហានប៉ូលិស និងក្រុមពន្លត់អគ្គិភ័យព្រមទាំងអ្នកស្ម័គ្រចិត្តដើម្បីជួយពន្លត់អគ្គិភ័យ។ បាតុអគ្គិភ័យដែលបានកើតឡើងប្រចាំនៅលើកោះស៊ូម៉ាត្រានិងផ្នែកមួយនៃដែនកោះ Borneo នៅឥណ្ឌូនេស៊ី តែងកើតអំឡុងរដូវប្រាំងដែលមានរយៈពេលជាច្រើនខែដែលជាធម្មតាចាប់ផ្តើមកើតឡើងក្នុងខែមករា។
អំឡុងបាតុភូតអគ្គីភ័យដ៏ធំមួយក្នុងឆ្នាំ ២០១៥ នៅក្នុងឥណ្ឌូនេស៊ី បានឆេះកម្ទេចផ្ទៃដីប្រហែល ២ លានហិកតារនិងបានបង្កជាផ្សែងអ័ព្ទដ៏ធំមួយដកល់សិង្ហបុរីនិងម៉ាឡេស៊ីដែលបណ្តាលឲ្យប៉ះពាល់ខ្លាំងដល់ទំនាក់ទំនងការទូត។
ការសិក្សានៅសាកលវិទ្យាល័យមួយរបស់អាមេរិកបានធ្វើការប៉ាន់ប្រមាណថា វិបត្តិនេះបាននាំឲ្យមានអត្រាអ្នកស្លាប់មុនកំណត់ជាង ១០ ម៉ឺនករណី៕
