Search form

Login - Register | FOLLOW US ON

Logo of Phnom Penh Post newspaper Phnom Penh Post - ប៉ាគីស្ថាន ​សាកល្បង​មីស៊ីល​លើក​ដំបូង

Content image - Phnom Penh Post
មីស៊ីល​ប៉ាគីស្ថាន​​ត្រូវ​បាន​បាញ់​ចេញ​ពី​នាវា​មុជទឹក​នៅ​ទីតាំង​មួយ​៕ AFP

ប៉ាគីស្ថាន ​សាកល្បង​មីស៊ីល​លើក​ដំបូង

ក្រុងអ៊ីស្លាម៉ាបាដៈ យោធា​បាន​និយាយ​ថា​ប៉ាគីស្ថាន​កាលពី​ថ្ងៃ​ចន្ទ​បាន​បាញ់​សាកល្បង​មីស៊ីល​ចេញ​ពី​នាវា​មុជ​ទឹក​មួយ​គ្រឿង​ដែល​មាន​សមត្ថភាព​នាំ​ក្បាល​នុយក្លេអ៊ែរ​ និង​ផ្តល់​ឲ្យ​ប្រទេស​នេះ​នូវ​សមត្ថភាព​វាយប្រហារ​គួរ​ឲ្យ​ទុក​ចិត្ត​បាន​ទី ២​។

នៅ​ក្នុង​សេចក្តី​ថ្លែងការណ៍​មួយ​យោធា​នោះ​បាន​និយាយ​ថា​មីស៊ីល​នោះ​ត្រូវ​បាន​បាញ់​ចេញ​ពី​មូលដ្ឋាន​ចល័ត​នៅ​ក្រោម​ផៃ្ទ​ទឹក​ និង​បាន​ចំ​គោលដៅ​របស់​ខ្លួន​យ៉ាង​ជាក់លាក់។

អ្នក​នាំពាក្យ​យោធា​ម្នាក់​បាន​អះអាង​ប្រាប់​ AFP ​ថា​ជាមួយ​នឹង​រយៈ​ចម្ងាយ​ ៤៥០ ​គ.ម មីស៊ីល​នោះ​អាច​នាំ​ក្បាល​នុយក្លេអ៊ែរ​មួយ​គ្រាប់​ទៅ​ជាមួយ​បាន។

សេចក្តី​ថ្លែងការណ៍​នោះ​បាន​និយាយ​ថា​មីស៊ីល ​Babur-3 ​គឺជា​មីស៊ីល​ប្រភេទ​ថ្មី និង​មីស៊ីល​ Babur-2 ដែល​ត្រូវ​បាញ់​សាកល្បង​ដោយ​ជោគជ័យ​នៅ​ដើម​ខែ​ធ្នូ​ឆ្នាំ​ទៅ។

ប៉ាគីស្ថាន​បាន​មើល​ឃើញ​ការ​រីកចម្រើន​នេះ​ជា​ជំហាន​មួយ​ឆ្ពោះ​ទៅ​រក​ការ​ពង្រឹង​គោល​នយោបាយ​នៃ​ការ​ការពារ​អប្បបរមា​គួរ​ឲ្យ​ទុក​ចិត្ត​បាន។

ប៉ាគីស្ថាន​ និង​អ្នក​ជិត​ខាង​ឥណ្ឌា​ដែល​បាន​ប្រយុទ្ធ​ក្នុង​សង្រ្គាម​ចំនួន​បី​ចាប់​តាំងពី​ទទួល​បាន​ឯករាជ្យ​ពី​អង់គ្លេស​បាន​ធ្វើការ​សាកល្បង​មីស៊ីល​ជា​ប្រចាំ​តាំងពី​​ប្រទេស​ទាំង​ពីរ​នេះ​បាន​បង្ហាញ​សមត្ថភាព​អាវុធ​នុយក្លេអ៊ែរ​មួយ​នៅ​ឆ្នាំ​ ១៩៩៨។

ប្រទេស​ទាំង​ពីរ​អាច​បាញ់​មីស៊ីល​បាលីស្ទិក​ពី​ផ្ទៃ​ដី​រាប​ដែល​មាន​សមត្ថភាព​នាំ​ក្បាល​គ្រាប់​ធម្មតា ​និង​នុយក្លេអ៊ែរ​បាន​រួច​ទៅ​ហើយ​។

ភាព​តានតឹង​រវាង​ប្រទេស​ទាំង​ពីរ​បាន​កើនឡើង​ខ្ពស់​ចាប់​តាំងពី​ការ​វាយប្រហារ​បណ្តាល​ឲ្យ​មនុស្ស​ស្លាប់​ច្រើន​ទៅ​លើ​មូលដ្ឋាន​កងទ័ព​ឥណ្ឌា​នៅ​ក្នុង​តំបន់​កាស្មៀរ​ដែល​មាន​ជម្លោះ​នៅ​ក្នុង​ខែ​កញ្ញា​ដែល​ក្រុង​ញូវដែលី​បាន​ស្តីបន្ទោស​ទៅ​លើ​ក្រុម​អ៊ិស្លាម​និយម​ Jaishe-Mohammed ​មាន​មូលដ្ឋាន​នៅ​ប៉ាគីស្ថាន។

យោធា​នោះ​និយាយ​ថា​មីស៊ីល​​ Babur-3 ​ជា​ប្រភេទ​ថ្មី​វាយប្រហារ​លើ​ដី៕ PSA

0

Comments

Please, login or register to post a comment

ព័ត៌មានពាក់ព័ន្ធ