ក្រុងយ៉ាំងហ្គោនៈ ប៉ូលិសមីយ៉ាន់ម៉ា បាននិយាយកាលពីថ្ងៃពុធថា ពួកគេបានបើកការបាញ់ប្រហារទៅលើពុទ្ធសាសនិកភាគតិចនៅរដ្ឋរ៉ាក់ឃីន មួយហ្វូង ខណៈពួកគេបានព្យាយាមកាន់កាប់ការិយាល័យរដ្ឋាភិបាល ជាចលាចលមួយដែលបានបណ្តាលឲ្យមនុស្ស ៧ នាក់ស្លាប់នៅក្នុងរដ្ឋមួយដែលសម្បូរដោយអំពើហិង្សា និងការបែកបាក់់នោះ។
ឧប្បត្តិហេតុនោះ បានកើត ឡើង ខណៈ អ្នកកាន់ព្រះពុទ្ធសាសនាប្រហែល ៥ ពាន់នាក់បានជួបជុំគ្នាកាលពីល្ងាចថ្ងៃអង្គារ ដើម្បីចូលរួមពិធីជាតិនិយមមួយនៅក្នុងទីប្រជុំជន Mrauk U ជាទីប្រជុំជនមួយដែលរហូតមកទល់ពេលនេះនៅមិនទាន់មានការប៉ះពាល់ដោយសារការបង្ក្រាបរបស់យោធាទៅលើសហគមន៍មូស្លីមជនភាគតិចរ៉ូហ៊ីងយ៉ានៅក្នុងតំបន់នេះទេ។
ភ្លាមៗនោះ មិនមានការបញ្ជាក់ថា អ្វីដែលបណ្តាលឲ្យការជួបជុំនោះក្លាយទៅជាអំពើហិង្សានោះទេ។ ប៉ុន្តែ រដ្ឋរ៉ាក់ឃីន ភាគច្រើននៃអ្នករស់នៅទីនោះ ក្រីក្រនិងខ្ជិលច្រអូស មានការស្អប់រដ្ឋមីយ៉ាន់ម៉ាដែលគ្របដណ្តប់ដោយក្រុមជនភាគតិចបាម៉ារ (Bamar) យូរមកហើយ។
ការប៉ះទង្គិចនោះ ក៏បានកើតឡើងនៅថ្ងៃជាមួយគ្នានឹងកិច្ចព្រមព្រៀងមាតុភូមិនិវត្តន៍ ត្រូវបានចុះហត្ថលេខារវាងមីយ៉ាន់ម៉ា និងបង់ក្លាដែស ដើម្បីចាប់ផ្តើមបញ្ជូនជនភៀសខ្លួនមូស្លីមរ៉ូហ៊ីងយ៉ា ៦៥៥ ០០០ នាក់នៅជំរំតាមព្រំដែនត្រឡប់ទៅ មីយ៉ាន់ម៉ាវិញ។
រដ្ឋរ៉ាក់ឃីន ចាត់ទុករ៉ូហ៊ីងយ៉ាដែលពួកគេជេរប្រមាថថាជាជនអន្តោប្រវេសន៍បេនហ្គាលីខុសច្បាប់។
អ្នកនាំពាក្យប៉ូលិសម្នាក់ បានស្តីបន្ទោសហ្វូងមនុស្សចំពោះការចាប់ផ្តើមអំពើហិង្សាដោយគប់ដុំថ្ម និងសម្រុកចូលការិយាល័យរដ្ឋបាលស្រុកមួយនិងលើកទង់ជាតិរដ្ឋរ៉ាក់ឃីន។
អ្នកនាំពាក្យ លោកវីរសេនីយ៍ឯក Myo Soe ប្រាប់ AFP ថា៖ «កម្លាំងសន្តិសុខ បានស្នើឲ្យពួកគេបំបែក និងបាញ់ព្រមានដោយគ្រាប់កៅស៊ូ ប៉ុន្តែពួកគេមិនឈប់ ដូច្នេះប៉ូលិសក៏បាញ់ គ្រាប់ពិតតែម្តង»៕