Search form

Login - Register | FOLLOW US ON

Logo of Phnom Penh Post newspaper Phnom Penh Post - ពលរដ្ឋ​កូរ៉េ​ ជួប​ជុំ​គ្រួសារ​ជាថ្មី​ បន្ទាប់ពី​បែកបាក់​គ្នា​ ៦០ ​ឆ្នាំ

សមាជិក​គ្រួសារ​កូរ៉េ​ខាង​ត្បូង​ (ស្តាំ) និង​គ្រួសារ​កូរ៉េ​ខាង​ជើង​ (ឆ្វេង​)។
សមាជិក​គ្រួសារ​កូរ៉េ​ខាង​ត្បូង​ (ស្តាំ) និង​គ្រួសារ​កូរ៉េ​ខាង​ជើង​ (ឆ្វេង​)។ AFP

ពលរដ្ឋ​កូរ៉េ​ ជួប​ជុំ​គ្រួសារ​ជាថ្មី​ បន្ទាប់ពី​បែកបាក់​គ្នា​ ៦០ ​ឆ្នាំ

ក្រុងសេអ៊ូលៈ ពលរដ្ឋ​កូរ៉េ​ខាង​ត្បូង​​វ័យ​ចំណាស់​ប្រមាណ ៤០០ នាក់​បាន​ជួប​គ្នា​ជា​ឯកជន​ពី​ថ្ងៃ​ពុធ​​ជាមួយ​​សាច់​ញាតិ​កូរ៉េ​ខាង​ជើង​ដែល​ពួកគេ​មិន​ដែល​បាន​ជួប​គ្នា​​អស់​ពេល​ជាង​ ៦០ ​ឆ្នាំ​នៅ​ថ្ងៃ​ទី​ពីរ​នៃ​ការ​ជួបជុំ​គ្រួសារ​ឡើង​វិញ​ដែល​គេ​ចំណាយ​ខ្ពស់​មួយ​សម្រាប់​​ក្រុម​គ្រួសារ​ដែល​បាន​បែក​បាក់​គ្នា​ដោយ​សង្គ្រាម​កូរ៉េ។

ដោយ​ខុស​គ្នា​ទៅ​នឹង​ថ្ងៃ​ទី​មួយ​ដែល​ពួកគេ​ជួប​គ្នា​ដោយ​ទឹក​ភ្នែក​ និង​ឈឺចាប់​នៅ​ចំពោះ​មុខ​ម៉ាស៊ីនថត​ពួកគេ​ត្រូវ​បាន​អនុញ្ញាត​ឲ្យ​ជួប​គ្នា​ពីរ​​ម៉ោង​នៅក្នុង​បន្ទប់​ពួកគេ​ផ្ទាល់​ដើម្បី​ព្យាយាម​ផ្សារ​​ភ្ជាប់​ការ​បែកបាក់​គ្នា​រាប់​ទសវត្សរ៍។

មនុស្ស​​រាប់​លាន​នាក់​ត្រូវ​បាន​ជម្លៀស​ដោយ​ជម្លោះ​កូរ៉េ​ឆ្នាំ​ ១៩៥០-៥៣ ដែល​បាន​មើល​ឃើញ​ខ្សែ​​ត្រៀម​ជួរ​មុខ​ yo-yo ពី​ភាគ​ខាង​ត្បូង​​នៃ​ឧបទ្វីប​កូរ៉េ​ទៅ​​ព្រំដែន​ភាគ​ខាង​ជើង​ជាមួយ​ប្រទេស​ចិន​វិញ។

ភាព​ចលាចល​ និង​ការ​បំផ្លិច​បំផ្លាញ​បាន​ធ្វើ​បង​​បែក​ពី​ប្អូន​ឪពុក​ម្តាយ​បែក​ពី​កូន និង​ប្តី​ព្រាត់​ប្រាស​ពី​​ប្រពន្ធ​។

ការ​ជួបជុំ​គ្នា​វិញ​នៅ​សប្តាហ៍​នេះ​នៅក្នុង​រមណីយដ្ឋាន​ភ្នំ​មួយ​នៅ​កូរ៉េ​ខាង​ជើង​ជា​លើក​ទី ២ ​ហើយ​ដែល​ត្រូវ​បាន​រៀបចំ​ធ្វើ​ឡើង​ក្នុង​រយៈពេល​ ៥ ​ឆ្នាំ និង​ព្រឹត្តិការណ៍​នោះ​ត្រូវ​បាន​គ្រប់គ្រង​យ៉ាង​តឹងរ៉ឹង​ដែល​បាន​ប្រព្រឹត្ត​ទៅ​ពេញ​បី​ថ្ងៃ​បាន​អនុញ្ញាត​ឲ្យ​ពួកគេ​ជួប​មុខ​គ្នា​ ១២ ​ម៉ោង​ហើយ​ព្រឹត្តិការណ៍​នោះ​ក៏​បាន​ចប់​វា​ពិតជា​បាន​ចប់​មែន។

អាយុ​កាល​របស់​ឪពុក​ម្តាយ​ជា​ច្រើន​កាន់តែ​ចាស់​មាន​ន័យ​ថា​ឱកាស​នៃ​ជំនួប​ម្តង​ទៀត​ស្ទើរតែ​គ្មាន​នៅ​លើ​ឧបទ្វីប​ដែល​ត្រូវ​បាន​ខណ្ឌ​ចែក​មួយ​នេះ​មិន​អនុញ្ញាត​ឲ្យ​មាន​ទំនាក់ទំនង​ស៊ីវិល​ឆ្លង​ព្រំដែន​ឡើយ​។

អ្នកស្រី Nam Soon-Ok អាយុ​ ៨០ ​ឆ្នាំ​បាន​និយាយ​ថា​អង្គុយ​ជា​លក្ខណៈ​​ឯកជន​កាលពី​ថ្ងៃ​ពុធ​ជាមួយ​ប្អូន​ស្រី​របស់​គាត់​គឺ​អ្នកនាង​ Nam Chul-Soon មាន​ផា​សុកភាព​ និង​ស្និទ្ធស្នាល​ជាង​ការ​ជួបជុំ​គ្នា​​ច្រើន​ពី​ដំបូង​កាលពី​ថ្ងៃ​មុន​ដែល​នាំ​ឲ្យ​ការ​រំជួល​ចិត្ត​យ៉ាង​ខ្លាំង​​។

អ្នកស្រី Nam បាន​និយាយ​ថា​​វា​មាន​ការ​ពិបាក​បន្តិច​ដោយសារ​វា​លើក​ទី​ ១ ​ប៉ុន្តែ​យើង​អាច​និយាយ​បាន​ច្រើន​ប្រកប​ដោយ​ផា​សុកភាព ​ដោយ​សើច​ និង​ជជែក​លេង​យ៉ាង​សប្បាយ​។

លោក Lee Min-Hee អាយុ​ ៨៥ ​ឆ្នាំ​ជា​ពូ​របស់​អ្នកស្រី​ក៏​បាន​បង្ហាញ​ថា​មាន​បរិយាកាស​យ៉ាង​កក់ក្តៅ​នៅ​ក្នុង​អំឡុង​ជួបជុំ​ជា​លក្ខណៈ​ឯកជន​៕​ PSA

0

Comments

Please, login or register to post a comment

ព័ត៌មានពាក់ព័ន្ធ