.jpg)
ក្រុមយុទ្ធជនពីក្រុមប្រឹក្សាចលនាបំបែករដ្ឋភាគខាងត្បូង STC ឈរត្រង់ច្រកចូលជំរំយោធាក្នុងសង្កាត់ Dar Saad។ AFP
ក្រុងអាដែន: កាលពីថ្ងៃពុធ អង្គការសហប្រជាជាតិ (UN) បានបង្ហាញអំពីក្តីបារម្ភមួយចំពោះក្រុមពលរដ្ឋបាត់បង់លំនៅឋាន ៤ ម៉ឺននាក់ដែលបាននាំគ្នាស្វះស្វែងរកកន្លែងជ្រកកោននៅក្នុងក្រុងទី ២ គឺ ក្រុងអាដែន តែផ្ទុយពីបំណងរបស់ពួកគេនោះ បែរជាធ្វើឲ្យពួកគេជាប់គាំងនៅក្នុងការប្រយុទ្ធគ្នាយ៉ាងសាហាវឃោរឃៅរវាងកងទ័ពរដ្ឋាភិបាល និងក្រុមកងទ័ពឧទ្ទាមចលនាបំបែករដ្ឋ។
ទីភ្នាក់ងារទទួលបន្ទុកជនភៀសខ្លួនរបស់អង្គការសហប្រជាជាតិ (UNHCR) បានឲ្យដឹងថា ខ្លួនមិនមានលទ្ធភាពធ្វើការផ្តល់ជំនួយមនុស្សធម៌ ចាប់តាំងពីក្រុមចលនាបំបែករដ្ឋនៅភាគខាងត្បូងច្បាំងដណ្តើមត្រួតត្រាផ្នែកជាច្រើននៃទីក្រុងនេះនៅចុងសប្តាហ៍មុន ដោយធ្វើការបើកសមរភូមិប្រយុទ្ធថ្មីមួយទៀតនៅក្នុងសង្គ្រាមស៊ីវិលនៅប្រទេសយេម៉ែនដែលអូសបន្លាយរយៈពេល ៣ ឆ្នាំប្រកបដោយវិនាសកម្ម។
ទីភ្នាក់ងារ UNHCR បានឲ្យដឹងនៅលើគេទំព័រធ្វីធើរថា៖ «ការចែកចាយជំនួយសង្គ្រោះបន្ទាន់ និង ការវាយតម្លៃផ្នែកមនុស្សធម៌របស់ទីភ្នាក់ងារនេះ ត្រូវបានគ្រោងធ្វើឡើងនៅ សប្តាហ៍នេះដើម្បីជាប្រយោជន៍ដល់ក្រុមពលរដ្ឋយេម៉ែន ដែលរងគ្រោះ និងបាត់បង់លំនៅឋាន ហើយពេលនេះ ត្រូវបានពន្យារពេល និងស្បៀងជំនួយមនុស្សធម៌របស់ UNHCR នៅ កំពង់ផែក្រុងអាដែន មិនទាន់ ចែកចាយទេ៕
