.jpg)
ការទម្លាក់គ្រាប់បែកលើខេត្តអ៊ីដលីបកើតឡើងអំឡុងមានក្តីបារម្ភយ៉ាងខ្លាំងពីវិបត្តិមនុស្សធម៌នៅក្នុងប្រទេសនេះ។ AFP
ក្រុងអ៊ីស្តង់ប៊ុល: កាលពីថ្ងៃពុធ តួកគីបានព្រមានអ៊ីរ៉ង់និងរុស្ស៊ីឲ្យបញ្ឈប់សម្ព័ន្ធមិត្តរបបស៊ីរីរបស់ពួកគេពីការទម្លាក់់គ្រាប់បែកលើខេត្តអ៊ីដលីបភាគខាងជើង ដែលត្រួតត្រាដោយក្រុមឧទ្ទាម ខណៈភាពតានតឹងបានកើនឡើង នៅមុនកិច្ចចរចាស្វែងរកសន្តិភាពដែលត្រូវបានស្នើឲ្យប្រារព្ធធ្វើនាពេលក្រោយក្នុងខែនេះ។
ក្រុងអង់ការ៉ា បានសហការយ៉ាងជិតស្និទ្ធជាមួយរុស្ស៊ី និងអ៊ីរ៉ង់ ដើម្បីបញ្ចប់ជម្លោះនៅស៊ីរីកាលពីប៉ុន្មានខែកន្លងទៅ ប៉ុន្តែបានបង្កើនការដាក់សម្ពាធលើក្រុងម៉ូស្គូ និងក្រុងតេអេរ៉ង់ខណៈការទម្លាក់គ្រាប់បែកលើខេត្តអ៊ីដលីប បានកើនឡើងស្របពេលមានក្តីបារម្ភជាច្រើនជុំវិញបញ្ហាវិបត្តិមនុស្សធម៌នៅក្នុងប្រទេសនេះ។
រុស្ស៊ីចង់ឲ្យគ្រប់ភាគីទាំងអស់នៅក្នុងជម្លោះនៅស៊ីរីចូលរួមសន្និសីទមួយនៅក្នុងរមណីយដ្ឋានឆ្នេរសមុទ្រខ្មៅរបស់ខ្លួននៅក្នុងទីក្រុងសូជី នាដំណាច់ខែ ប៉ុន្តែ ភាពតានតឹងជាមួយក្រុងអង់ការ៉ាកំពុងក្លាយជាឧបសគ្គមួយយ៉ាងធំ។
រដ្ឋមន្ត្រីការបរទេសលោក Mevlut Cavusoglu បានថ្លែងប្រាប់ទីភ្នាក់ងារសារព័ត៌មានរដ្ឋ Anadolu ថា៖ «អ៊ីរ៉ង់និងរុស្ស៊ី គួរតែបំពេញករណីយកិច្ចទទួលខុសត្រូវរបស់គេ។ប្រសិនបើលោកអ្នក ជាអ្នកធានារ៉ាប់រង.ហើយ លោក (អ៊ីរ៉ង់ និងរុស្ស៊ី) នោះ ពួកគេគួរបញ្ឈប់របបនេះ។
លោក Cavusoglu បានថ្លែងថា ៩៥ ភាគរយនៃការរំលោភនៅក្នុងខេត្ដអ៊ីលីប ត្រូវបានប្រព្រឹត្តឡើងដោយរបបនៅស៊ីរី និងក្រុមនានាដែលគាំទ្ររបបនេះ។
ខេត្តអ៊ីដលីប ស្ទើរតែត្រូវបានត្រួតត្រាទាំងស្រុងដោយក្រុមកងកម្លាំងប្រឆាំងរដ្ឋាភិបាលដែលភាគច្រើនមកពីក្រុមជីហាដ ដែលស្គាល់ថា ក្រុម Hayat Tahrir al-Sham (HTS) ដែលភាគច្រើនជាអតីត ក្រុមយុទ្ធជនមកពីសមរភូមិ Al-Nusra Front ជាសាខាមួយរបស់ក្រុមអាល់កៃដា។
ក្រុងអង់ការ៉ា បានគាំទ្រក្រុមបក្សប្រឆាំងដែលប្រឆាំងលោកអាសាដអំឡុងសង្គ្រាមនៅស៊ីរីរយៈពេលជិត ៧ ឆ្នាំ ខណៈរុស្ស៊ីនិងអ៊ីរ៉ង់ បានគាំទ្រលោកប្រធានាធិបតី បាសារ អាល់ អាសាដ នោះ៕
