Search form

Login - Register | FOLLOW US ON

Logo of Phnom Penh Post newspaper Phnom Penh Post - មាន​សញ្ញា​តស៊ូ​អំណាច​ ខណៈ​លោកត្រាំ និង​ផិន​ជួបគ្នា​ពិភាក្សា​លើ​តំណែង​សំខាន់ៗ

Content image - Phnom Penh Post
លោកត្រាំ (កណ្តាល) និងលោក Rudy Giuliani (ឆ្វេង) និងលោក Chris Christie (ស្តាំ) កាល​គោរពវិញ្ញាណ​ក្ខន្ធជន​រងគ្រោះ ១១ កញ្ញា។ Afp

មាន​សញ្ញា​តស៊ូ​អំណាច​ ខណៈ​លោកត្រាំ និង​ផិន​ជួបគ្នា​ពិភាក្សា​លើ​តំណែង​សំខាន់ៗ

ក្រុងញូវយ៉កៈ ប្រធានា​ធិបតី​ទើប​ជាប់ឆ្នោត លោក ដូណាល់​ត្រាំ បានជំរុញ​ទៅមុខ​ពីថ្ងៃពុធ​ជា មួយ​កិច្ច​ប្រឹងប្រែង ដើម្បី​បង្កើត​គណៈ​រដ្ឋមន្ត្រី​របស់​លោក ដោយ​អតីត​ចៅហ្វាយក្រុង​ញូវយ៉ក លោក Rudy Giuliani ត្រូវបាន​គេ​រំពឹងថា​នឹង​ក្លាយជា​រដ្ឋមន្ត្រី​ការបរទេស ប៉ុន្តែ​របាយការណ៍​ជាច្រើន​និយាយថា ជម្លោះ​លាក់មុខ​ដ៏សាហាវ កំពុង​ធ្វើឲ្យ​ដំណើរការ​ដ៏សំខាន់​នេះ​មានការ​យឺតយ៉ាវ។

មហាសេដ្ឋី​បក្ស​សាធារណរដ្ឋ​រូបនេះ បានធ្វើ​ឲ្យមាន​ការ​រិះគន់ដ៏ ច្រើន ជុំវិញ​ការ​ជ្រើសរើស​ប្រមុខ​យុទ្ធសាស្ត្រ​របស់​លោក ដែលជា​ជន​ដាច់ខាត​ប្រឆាំងនឹង​ស្ថាប័ន​នយោបាយ លោក Steve Bannon ដែល​ធ្លាប់ជា​ប្រមុខ​គេហទំព័រ​បង្ករឿង Breitbart News ដែល​ក្រុមអ្នក​រិះគន់​មើលឃើញថា ជា​ដួងចិត្ត នៃ​ក្រុម​អភិជន​ស្បែកស។

សម្ព័ន្ធ​មិតុ្តកំពូល​របស់​លោក​ត្រាំ លោក Giuliani អតីត​ឯកអគ្គ​រដ្ឋទូត​អ.ស.ប.និយម​សង្គ្រាម លោក John Bolton ឧត្តម​សេនីយ៍​ចូល​និវត្តន៍ លោក Michael Flynn និង​ព្រឹទ្ធ​សមាជិករដ្ឋ Alabama លោក Jeff Sessions សុទ្ធតែ​ត្រូវបាន​រាយការណ៍​ថា ស្ថិតក្នុង​បញ្ជី​ឈ្មោះខ្លី​សម្រាប់​តំណែង​កំពូល​មួយ​របស់​រដ្ឋការ​ថ្មីនេះ។

ប៉ុន្តែ​ដំណើរ​ការដែល​ប្រឈម​ខ្ពស់នៃ​ការបំពេញ​តំណែង​គណៈ​រដ្ឋមន្ត្រី​ជា ១០ នាក់នេះ គឺច្របូក​ច្របល់​ដោយ​រឿងរ៉ាវ​ជាច្រើន។

ប្រភព​មួយ​ដែល​បានស្រង់​ដោយ CNN បាន​ពណ៌នា​ពី​ការបញ្ចុះ​បញ្ចូល​ដ៏ខ្លាំងក្លា​នោះ​ថាជា «ការប្រយុទ្ធ​ដោយ​កាំបិត»។

នៅមុន​ការសម្ពោធ​តំណែង​ថ្ងៃទី ២០ មករា លោក​ត្រាំ មានពេល ៩ សប្តាហ៍ ដើម្បី​បង្កើត​គណៈរដ្ឋមន្ត្រី និង​តំណែង​ជាន់ខ្ពស់​ជា ច្រើនទៀត។

អនុប្រធានាធិបតី​ទើប​ជាប់ឆ្នោត និងជា​មេដឹកនាំ​ការផ្លាស់ប្តូរ លោក Mike Pence បាន​ចំណាយ​ពេល​ភាគច្រើន​នៅក្នុង​ថ្ងៃនោះ​នៅឯប៉ម​ត្រាំ ដែលជា​សម្បុក នៃ​សកម្មភាព​ចាប់តាំងពី​ការបោះឆ្នោត​ថ្ងៃអង្គារ​សប្តាហ៍មុន ប៉ុន្តែ សម្តី​តែមួយ​របស់លោក​ទៅកាន់ ប្រព័ន្ធ​ផ្សព្វផ្សាយ​ខណៈ​លោក​បាន​ចាកចេញ​គឺ «ថ្ងៃអស្ចារ្យ»។

ក្នុងចំណោម​មនុស្ស​ជាច្រើន​ទៀតនៅ​ឯអគារ​អេះមេឃ​សង្កាត់​ម៉ាន់​ហាតាន់​នោះ​គឺលោក Ted Cruz ជាព្រឹទ្ធ​សមាជិក​រដ្ឋ​តិចសាស់ ដែល​លោក​ត្រាំ ធ្លាប់​វាយប្រហារ​មិន​ឈប់ឈរ នៅក្នុង​អំឡុង​ពេល​បោះឆ្នោត​ស្ទាបស្ទង់​ជំហាន​ដំបូង ដោយ​ហៅ​គាត់ថា លោក Ted ដែល​កុហក។

ទីប្រឹក្សា​ព័ត៌មាន​នៃការ​ផ្លាស់ប្តូរ លោក Jason Miller បាន​ប្រាប់ ក្រុម​អ្នកកាសែត​ថា ត្រាំ និងផិន នឹង​ពិនិត្យ​ឡើងវិញ​នូវ​ឈ្មោះ​មួយ ចំនួន សម្រាប់​តំណែង​គណៈ​រដ្ឋមន្ត្រី។ លោកបាន​ថ្លែងថា៖ «គេនឹង​រំភើប​នៅពេល​ពួកគេ​ឃើញ ប្រភេទ​នៃ​មេដឹកនាំ ដែល​ប្រធានាធិបតី​ទើប​ជាប់ឆ្នោត​នាំមក​កាន់ រដ្ឋការ​របស់លោក»។

ប៉ុន្តែក្រុម​ផ្លាស់ប្តូរ​របស់​លោកត្រាំ បាន​ជួបនូវ​ការដើរ​ថយក្រោយ​ជាច្រើន ខណៈ​ខ្លួន​ដោះស្រាយ​នឹង​ភារកិច្ច​ដែល​កំពុង​គំរាម​កំហែង​ក្នុង​ការកសាង​រដ្ឋការ​មួយ​ដែលមាន​ឥទ្ធិពល ដើម្បី​គាំទ្រ​អ្នកនយោបាយ​ជើងថ្មី​វ័យ ៧០ ឆ្នាំ​រូបនេះ។

ការរុះរើ​ដំបូង បាន​កើតឡើង​ពីថ្ងៃ​សុក្រ នៅពេល​ដែល​លោកត្រាំ បាន​សើរើ​ក្រុម ដោយ​ដាក់លោក​ផិន ឲ្យ​ទទួល​បន្ទុក។ បន្ទាប់មក​នៅ​ថ្ងៃ​អង្គារ ប្រមុខ​សន្តិសុខ​ជាតិ​របស់​ក្រុមនេះ លោក Mike Rogers បាន​លាលែង​ក្នុង​អ្វីដែល​ត្រូវបាន​បកស្រាយ​ថា ជាសញ្ញា​ថ្មីមួយ​នៃភាពច្របូក​ច្របល់។

ដោយ​បន្ថែម​លើ​ចំណាប់​អារម្មណ៍​នៃភាព​តានតឹង កាសែត New York Times បាន​រាយការណ៍​ពីថ្ងៃ​អង្គា​រថា លោក ត្រាំបាន​បណ្តេញ​ពីក្រុម​ផ្លាស់ប្តូរ​នោះនូវ​មន្ត្រី​គោល​នយោបាយ​ការពារ ជាតិ និង​កិច្ចការ​បរទេស​កំពូល​ជា​លើកទីពីរ គឺ​អ្នកពិគ្រោះ​យោបល់ លោក Matthew Freedman៕

0

Comments

Please, login or register to post a comment

ព័ត៌មាន ពាក់ព័ន្ធ