.jpg)
លោកមូន ជេអ៊ីន (ឆ្វេង) ចាប់ដៃជាមួយប្អូនស្រីរបស់លោកគីម ជុងអ៊ុន គឺលោកស្រីគីម យូជុង។ AFP
ក្រុងសេអ៊ូល: មេដឹកនាំកូរ៉េខាងជើង លោក គីម ជុងអ៊ុន បានសម្តែងការកោតសរសើរចំពោះកូរ៉េខាងត្បូង ចំពោះការទទួលស្វាគមន៍ចំពោះប្អូនស្រីរបស់លោក និងបានថ្លែងថា វាមានសារៈសំខាន់ខ្លាំងណាស់ក្នុងការបង្កើតនូវវប្បធម៌សន្ទនាតាមរយៈការប្រកួតកីឡាអូឡាំពិកនៅលើឧបទ្វីបកូរ៉េ។
ប្អូនស្រីរបស់លោកគីម គឺលោកស្រីគីម យូជុង ម្នាក់ក្នុងចំណោមជនជំនិតដ៏ស្និទ្ធស្នាលបំផុតរបស់លោកគីម ជុងអ៊ុន ជាផ្នែកមួយនៃគណៈប្រតិភូការទូតរបស់កូរ៉េខាងជើង ដែលប្រដាប់ដោយអាវុធនុយក្លេអ៊ែរ ចូលរួមក្នុងការប្រកួតកីឡាអូឡាំពិក បានធ្វើឲ្យមានការល្បីរន្ទឺនៅទូទាំងពិភពលោក។
លោកស្រី បានពាំនាំយកនូវការអញ្ជើញពីសំណាក់ លោក គីម ជុងអ៊ុន ចំពោះប្រធានាធិបតីកូរ៉េខាងត្បូង លោក មូន ជេអុីន ឲ្យអញ្ជើញទៅទស្សនកិច្ចកូរ៉េខាងជើង ដើម្បីចូលរួមក្នុងជំនួបកំពូលក្នុងទីក្រុងព្យុងយ៉ាង ដែលលោកមិនបានទទួលតាមសំណើនេះភ្លាមៗនោះឡើយ ដោយបានថ្លែងថា «រង់ចំាលក្ខខណ្ឌអំណោយផលជាមុនសិន ទើបទទួលយកបាន»។
កូរ៉េខាងជើង ប្រឈមជាមួយការដាក់ទណ្ឌកម្មជាច្រើនពីក្រុមប្រឹក្សាសន្តិសុខរបស់អង្គការសហប្រជាជាតិជុំវិញបញ្ហាកម្មវិធីផលិតអាវុធនុយក្លេអ៊ែរ និងកាំជ្រួចមីស៊ីលបាលីស្ទិក ដែលត្រូវបានUN ដាក់បម្រាម និងបានបាញ់សាកល្បងអាវុធប្រភេទនេះរាប់សិបដងទៀត កាលពីឆ្នាំទៅ។
ប៉ុន្តែ ការប្រកួតកីឡាអូឡាំពិករដូវរងានៅក្នុង ក្រុងPyeongchang បានបណ្តាលឲ្យមានឆាកឈុតខុសប្លែកពីធម្មតា ដោយលោកមូន និងលោកគីមបង្ហាញនូវក្តីរីករាយចំពោះកីឡាវាយកូនហ្គោលលើទឹកកកក្រុមស្ត្រីកូរ៉េបង្រួបបង្រួមជាតិរួមជាមួយប្រមុខរដ្ឋលោកKim Yong Nam៕ SN
