.jpg)
លោកប្រាយុធ (ស្តាំ) អំឡុងជួបជាមួយលោកឧត្តមសេនីយ៍ Joseph F Dunford Jr នៅវិមានរដ្ឋាភិបាល កាលពីថ្ងៃពុធ។ AFP
ក្រុងបាងកក: នាយករដ្ឋមន្ត្រីថៃលោក ប្រាយុធ ចានអូចា បានថ្លែងប្រាប់ប្រធានក្រុមប្រឹក្សាភិបាលនៃនាយអគ្គសេនាធិការយោធាចម្រុះអាមេរិកថា រាជរដ្ឋាភិបាល កំពុងត្រៀមខ្លួនរៀបចំការបោះឆ្នោតខាងមុខ ខណៈស្ថាប័ននីតិប្បញ្ញត្តិ កំពុងត្រួតពិនិត្យសើរើអំពីច្បាប់់សម្រាប់ការរៀបចំការបោះឆ្នោត។
អ្នកនាំពាក្យរងរដ្ឋាភិបាល លោក Werachon Sukondhapatipak បានថ្លែងថា នាយករដ្ឋមន្ត្រីថៃបានជួបជាមួយឧត្តមសេនីយ៍ Joseph F Dunford Jr ប្រធានក្រុមប្រឹក្សាភិបាលនៃនាយអគ្គសេនាធិការចម្រុះនៃក្រសួងការពារជាតិអាមេរិក នៅវិមានរដ្ឋាភិបាល កាលពីថ្ងៃពុធ។
ឧត្តមសេនីយ៍ទោ Werachon បានថ្លែងថា៖ «នាយករដ្ឋមន្ត្រី បានស្នើសុំឲ្យធ្វើកំណែថ្នាក់ដែលអាចនាំឲ្យប្រទេសថៃក្លាយជាប្រទេស អនុវត្តលទ្ធិប្រជាធិបតេយ្យមួយដ៏រឹងមាំ និងប្រកបដោយចីរភាព»។
ទន្ទឹមនឹងនោះ លោកឧត្តមសេនីយ៍ Joseph F Dunford ក៏បានថ្លែងថា ខ្ញុំពិតជាត្រូវបាន លើកទឹកចិត្តឲ្យមកទស្សនកិច្ច នៅប្រទេសថៃតាមរយៈការប្តេជ្ញាចិត្តរបស់ថ្នាក់ដឹកនាំចំពោះលទ្ធិប្រជាធិបតេយ្យ ហើយថា ការប្តេជ្ញាចិត្តចំពោះលទ្ធិប្រជាធិបតេយ្យនេះ នឹងនាំឲ្យយើងឈានទៅរកការធ្វើឲ្យទំនាក់ទំនងរបស់យើងកាន់តែស៊ីជម្រៅ៕
