ក្រុងវ៉ាស៊ីនតោន: រថភ្លើងមួយខ្សែដែលកំពុងដឹកក្រុមសមាជិកសភាអាមេរិកមកពីបក្សសាធារណរដ្ឋរាប់សិបនាក់ រួមទាំង ប្រធានសភាតំណាងរាស្ត្រអាមេរិក លោក Paul Ryan បានបុកគ្នាជាមួយរថយន្តដឹកសំរាមមួយគ្រឿង កាលពីថ្ងៃពុធ ក្នុងរដ្ឋវឺរជីនៀ (Virginia) ដោយបណ្តាលឲ្យមនុស្សម្នាក់ស្លាប់ និងបង្កឲ្យ ៦ នាក់ទៀតរងរបួស រួមទាំងសមាជិកព្រឹទ្ធសភាម្នាក់ផងត្រូវបញ្ជូនទៅមន្ទីរពេទ្យ។
សេតវិមាន បានឲ្យដឹងថា មិនមានសមាជិកព្រឹទ្ធសភា រងរបួសធ្ងន់នោះទេ ហើយថា ប្រធានាធិបតី លោក ដូណាល់ ត្រាំ បានធ្វើសន្និសីទខ្លីមួយអំពីគ្រោះថ្នាក់នោះ។
មនុស្សយ៉ាងតិច ៣០០ នាក់រួមនិងក្រុមសមាជិកសភា ក្រុមគ្រួសាររបស់ពួកគេ និងក្រុមបុគ្គលិកបម្រើការ កំពុងធ្វើដំណើរលើរថភ្លើងចេញពីក្រុងវ៉ាស៊ីនតោន ទៅកាន់កន្លែងសម្រាកលំហែកាយរបស់បក្សសាធារណរដ្ឋទៅកាន់រដ្ឋ វឺរជីនៀនៅភាគខាងលិច។
សមាជិកព្រឹទ្ធសភា លោក Bill Cassidy ជាគ្រូពេទ្យមានកម្រិតវប្បធម៌ និងមានការទទួលស្គាល់ពីរដ្ឋត្រឹមត្រូវដែលជួយត្រួតពិនិត្យអ្នករងរបួសនោះបានថ្លែងលើទំព័រធ្វីធើរថា រថយន្ត ដែលត្រូវបានបុកនោះ ដឹកមនុស្ស ៣ នាក់ ដែលម្នាក់បានស្លាប់នៅនឹងកន្លែងកើតហេតុ និងម្នាក់ទៀតរងរបួសយ៉ាងធ្ងន់ធ្ងរ។
នៅក្នុងសេចក្តីថ្លែងការណ៍មួយ អ្នកនាំពាក្យរដ្ឋាភិបាលអាមេរិក លោកស្រី Sarah Sanders បានថ្លែងថា៖ «មានអ្នកស្លាប់ម្នាក់ ដែលមានការបញ្ជាក់ត្រឹមត្រូវ និងរងរបួសធ្ងន់ម្នាក់។ មិនមានសមាជិក ព្រឹទ្ធសភាណា ឬ បុគ្គលិកបម្រើការណាម្នាក់ បានរងរបួសធ្ងន់នៅក្នុងឧបទ្ទវហេតុ នោះទេ។ «គ្រប់គំនិតឆន្ទៈ និងការសូត្រធម៌បួងសួងរបស់យើងសូមតាមជួយថែរក្សាមនុស្សគ្រប់រូប ដែលបានរងឥទ្ធិពលពីឧបទ្ទវហេតុដ៏កំណាចនេះ»។
ប្រធានប្រតិបត្តិការ ក្រុមហ៊ុនរថភ្លើង Amtrak បានថ្លែងថា សមាជិកបម្រើការងារលើរថភ្លើង ២ នាក់ និងក្រុមអ្នកធ្វើដំណើរ ៣ នាក់ ត្រូវបានដឹកបញ្ជូនទៅកាន់មន្ទីរពេទ្យក្នុងតំបន់មួយ ដែលមានរបួសបន្តិចបន្តួច ហើយថា ក្រុមមន្ត្រីផ្នែកសុវត្ថិភាពដឹកជញ្ជូនកំពុងស៊ើបអង្កេតនៅកន្លែងកើតហេតុនៅតំបន់ Crozet នោះ។
របាយការណ៍បានឲ្យដឹងថាខណៈព្រឹត្តិការណ៍នេះ កំពុងស្ថិតក្រោមការស៊ើបអង្កេតនៅឡើយនោះ «នេះជាឱកាសមួយ ដើម្បីរំឭកគ្រប់គ្នាអំពីសារៈសំខាន់នៃការហាត់ធ្វើការប្រុងប្រយ័ត្ននៅជុំវិញក្បែរផ្លូវរថភ្លើងនោះ»។
យោងតាមប្រភពព័ត៌មានពីក្រុមហ៊ុនរថភ្លើង Amtrak បានឲ្យដឹងថា ម៉ាស៊ីន ដែលយោងតាមប្រភពពីរូបថតរបស់ក្រុម សមាជិកព្រឹទ្ធសភា បានរងការខូចខាតអំឡុងឧបទ្ទវហេតុបុកគ្នានោះ បានធ្លាក់ខ្ទាតចេញពីផ្លូវ ប៉ុន្តែ រថយន្តដទៃទៀត នៅកំពុងស្ថិតលើផ្លូវ បើកបរនៅឡើយ។
ការិយាល័យលោក Jason Lewis បានឲ្យដឹងថា លោកត្រូវបានបញ្ជូនទៅកាន់មន្ទីរពេទ្យមួយ ដើម្បីត្រួតពិនិត្យការប៉ះទង្គិចខ្លាំង៕