Search form

Login - Register | FOLLOW US ON

Logo of Phnom Penh Post newspaper Phnom Penh Post - របាយ​ការណ៍​ពុករលួយ​អាហ្រ្វិក​ខាងត្បូង បង្កើន​សម្ពាធ​លើ​លោក​ហ្ស៊ូម៉ា

Content image - Phnom Penh Post
លោក​ហ្ស៊ូម៉ា នៅ​ក្នុង​តុលាការ​ជាន់​ខ្ពស់ North Gauteng។ Afp

របាយ​ការណ៍​ពុករលួយ​អាហ្រ្វិក​ខាងត្បូង បង្កើន​សម្ពាធ​លើ​លោក​ហ្ស៊ូម៉ា

ក្រុងប្រេតូរីយ៉ាៈ ក្រុម​ឃ្លាំមើល​ប្រឆាំង​អំពើពុក​រលួយ​របស់​អាហ្រ្វិក​ខាងត្បូង ពីថ្ងៃ​ព្រហស្បតិ៍ បាន​អំពាវ​នាវ​ឲ្យ​ក្រុម​រដ្ឋអាជ្ញា ធ្វើការ​ស៊ើប​អង្កេត​លើ​សកម្មភាព​ព្រហ្មទណ្ឌ​ដែល​បានចោទ​ប្រកាន់ ខណៈ​ខ្លួន​បានចេញ​របាយការណ៍​មួយ​ចំពោះ​ប្រធានា​ធិបតី លោក ចា​កុប ហ្ស៊ូ​ម៉ា ដែល​បាន​បញ្ឆេះ​ការអំពាវ​នាវ​ថែមទៀត​ឲ្យ​លោក​លាលែង​ពីតំណែង។

លោក​ហ្ស៊ូម៉ា ដែល​តំណែង​ប្រធានា​ធិបតី​របស់​លោក​ត្រូវហ៊ុម​ព័ទ្ធ​ដោយ​រឿងអាស្រូវ​រាប់មិន​អស់ បាន​ប្រយុទ្ធ​ប្រឆាំង​នឹង​ការចេញ​របាយការណ៍រ​បស់​ស្ថាប័ន​អ្នកការពារ​សាធារណៈ ប៉ុន្តែ​មេធាវី​របស់​លោក​បានបត់ ៩០ ដឺក្រេ​និង​លុបចោល​បណ្តឹង​ឧទ្ធរណ៍រ​បស់​ពួកគេ។

របាយការណ៍​នោះ ត្រូវ​បានចេញ​ប៉ុន្មាន​ម៉ោង​ក្រោយ​ដោយបាន​ធ្វើឲ្យ​ប៉ះពាល់​លោក​ហ្ស៊ូ​ម៉ា​ថែម​ទៀត ក្រោយពី​សេចក្តី​សម្រេច​បន្តបន្ទាប់​របស់​តុលា​ការដែល​ធ្វើ​ឲ្យ​លោក​ខាតបង់​ពេលវេលា និង​គណបក្ស ANC ដែល​កំពុង​ដឹកនាំ ដែល​នាំឲ្យ​មានការ​ប្រយុទ្ធ​ប្រឆាំង​ដើម្បី​បញ្ចប់​ការ​គ្រប់គ្រង​បំបែក​ពូជសាសន៍។

ការស៊ើប​អង្កេត បាន​ស្រាវជ្រាវ​ការចោទ​ប្រកាន់​ជាច្រើន​ដែល​លោក​ហ្ស៊ូ​ម៉ា បាន​អនុញ្ញាត​ឲ្យគ្រួសារ​លោក Guptas ជា​គ្រួសារ អ្នកជំនួញ​ឥណ្ឌា​ដែលមាន​ទ្រព្យសម្បត្តិ​ច្រើន​មាន​ឥទ្ធិពល​ជ្រុល ហួស​ហេតុ​លើ​រដ្ឋាភិបាល​នៅក្នុង​នោះ​រួមមាន​ការអនុញ្ញាត​ឲ្យ ពួកគេ​ជ្រើស​រដ្ឋមន្ត្រី​ខ្លះ។

នៅក្នុង​ចំណោម​លទ្ធផល​នៅក្នុង​របាយការណ៍​កម្រាស់ ៣៥៥ ទំព័រ​មាន​ចំណង​ជើងថា «State of Capture និង​ត្រូវបាន​ពន្យល់​នៅ​ទំព័រមុខ គឺ​ភ័ស្តុតាង​តាម​ទូរស័ព្ទ​ដែល​លោក David van Rooyen បាន​ទៅលេង​អ្នកជិត​ខាងនៅ Johannesburg ជាទី​ដែល​គ្រួសារ​លោក Guptas រស់នៅ​មុន​លោក​ត្រូវបាន​តែងតាំង​ជា​រដ្ឋមន្ត្រី​ហិរញ្ញវត្ថុ៕

0

Comments

Please, login or register to post a comment