ក្រុង CAPE CANAVERAL: រ៉ុក្កែតដ៏ខ្លាំងក្លា និងធំជាងបំផុតនៅក្នុងពិភពលោកឈ្មោះ SpaceX''s Falcon Heavy ត្រូវបានបាញ់បង្ហោះកាលពីថ្ងៃអង្គារ អំឡុងការបាញ់បង្ហោះសាកល្បងជាលើកដំបូងជាមួយក្តីរំពឹងទុកខ្ពស់ ដោយដឹកបញ្ជូននូវរថយន្តម៉ាក Tesla Roadster ពណ៌ក្រហមរបស់លោកអគ្គនាយក (CEO) Elon Musk ឆ្ពោះទៅកាន់តារាវិថីទៅកាន់ភពព្រះអង្គារ។
សម្លេងស្រែកកញ្ជ្រៀវ និង ស្រែកហ៊ោ បានផ្ទុះឡើងនៅទីស្ថានីយ៍គ្រប់គ្រងបេសកកម្មហោះហើរនៅក្នុងទីក្រុង Cape Canaveral ក្នុងរដ្ឋហ្វ្លរីដា (Florida) ខណៈ រ៉ុក្កែតដ៏ធំមួយត្រូវបានបាញ់បង្ហោះ ដោយប្រើប្រាស់គ្រាប់បង្ហោះទី ២៧ របស់ខ្លួន និង បានហោះលាន់ឮយ៉ាងកងរំពងចូលទៅកាន់ផ្ទៃមេឃពណ៌ខៀវដោយប្រើប្រាស់ស្ថានីយ៍បាញ់បង្ហោះ ដូចគ្នាទៅនឹងអង្គការអវកាស ណាសា (NASA) ដែលត្រូវបានប្រើប្រាស់ជាមូលដ្ឋានសម្រាប់បម្រើបេសកកម្មអាមេរិកទៅកាន់ភពព្រះចន្ទអស់រយៈពេលជាច្រើនទសវត្សរ៍កន្លងទៅ។
លោក Musk ដែលចូលចិត្តភាពអណ្តែតអណ្តូងបានថ្លែងប្រាប់ក្រុម អ្នកសារព័ត៌មានបន្ទាប់ពីការបាញ់បង្ហោះនោះថា៖ «បេសកកម្មនេះបានដំណើរការទៅ ក៏ដូចជាអ្នក ណាម្នាក់មានក្តីសង្ឃឹមអីចឹង» ដោយបានចាត់ទុកការបាញ់បង្ហោះនោះថា «ទំនងជារឿងមួយដែលគួររំភើបចិត្តជាទីបំផុត ដែលខ្ញុំធ្លាប់បានជួបបានឃើញនៅក្នុងអក្សរសិល្ប៍ពីមុនមក»។
លោកបានថ្លែងថា៖ «ខ្ញុំមានរូបនេះនៃការបាញ់បង្ហោះនៃរ៉ុក្កែតដ៏ធំមួយសម្បើមមួយនៅលើកំណល់បង្ហោះដែលមានកង់ដាក់សំដៅទៅខាងផ្លូវ ដោយមានដាក់និមិត្តសញ្ញTesla ទៅកាន់ទីណាមួយ»។ «ជាភ័ព្វល្អដែលនោះមិនមែនជាអ្វីអាក្រក់ដែលបានកើតឡើង»។
ផ្ទុកដោយរថយន្ត Tesla ពណ៌ក្រហមរបស់ លោក Musk និងរូបមនុស្សស (mannequin) ក្នុងឯកសណ្ឋានអវកាស ការចេញដំណើរតាមរយៈការបាញ់បង្ហោះជាប្រវត្តិសាស្ត្រ នៃរ៉ុក្កែតដ៏ធំមួយបានបង្ក ឲ្យមានការ ទាក់ទាញក្តីស្រមើស្រមៃពីពិភពលោក។
ប្រព័ន្ធផ្សព្វផ្សាយរូបនិងវីដេអូ (webcast) របស់រ៉ុក្កែត SpaceX''s បានបង្ហាញឲ្យឃើញថា Tesla Roadster កំពុងហោះ ចូលទៅកាន់តារាវិថី (អវកាស) ខណៈ «បេសកកម្មស្រាវជ្រាវរុករកក្នុងលំហអវកាស» របស់លោក David Bowie ត្រូវបានចាក់បញ្ចាំងនៅផ្នែកខាងក្រោយ ដោយដាក់ពាក្យ «កុំភ័យខ្លាចអី! DON''T PANIC» មានបង្ហាញលើផ្ទាំងព័ត៌មានដែលហាក់ស្របគ្នាជាមួយរឿងភាពយន្តបែបវិទ្យាសាស្ត្រដែលមានឈ្មោះ «Hitchhiker''s Guide to the Galaxy»៕ AFP/ ប្រែសម្រួលដោយ សុឹម សានិត