Search form

Login - Register | FOLLOW US ON

Logo of Phnom Penh Post newspaper Phnom Penh Post - លោក​ត្រាំ​បដិសេធ​ថា គ្មាន​ភាព​ច្របូក​ច្របល់, រិះគន់ NewYorkTimes ខ្លាំងៗ

Content image - Phnom Penh Post
ក្រាហ្វិក​បង្ហាញពី​បេក្ខជន​គណៈ​រដ្ឋមន្ត្រី​ និង​តំណែង​ផ្សេងទៀត នៃ​រដ្ឋការថ្មី​របស់​លោកដូណាល់ ត្រាំ​ ខណៈដំណើរ​ការតែងតាំង​យឺតយ៉ាវ​។ Afp

លោក​ត្រាំ​បដិសេធ​ថា គ្មាន​ភាព​ច្របូក​ច្របល់, រិះគន់ NewYorkTimes ខ្លាំងៗ

ក្រុងញូវយ៉កៈ លោក ដូណាល់ ត្រាំ បានទទូច​ពីថ្ងៃ​ព្រហស្បតិ៍​ថា ដំណើរការ​អន្តរកាល​ទៅកាន់​អំណាច​សេតវិមាន​របស់​លោក កំពុង​ដំណើរការ​យ៉ាង​រលូន ថ្វីបើមាន​របាយការណ៍​ជាច្រើន​ថាវឹកវរ និង​ច្របូក​ច្របល់​ក្តី ខណៈ​ក្តីកង្វល់ បាន​កើនឡើង​ជុំវិញ​ទីប្រឹក្សា​ដែល បាន​តែងតាំង​ថ្មីៗ​មួយរូប ដែល​មនុស្ស​ជាច្រើន មើល​ឃើញថា ស្តាំនិយម​ជ្រុល។

ប្រឈម​មុខ​ជាមួយនឹង​បញ្ហា​ប្រឈម​កំពុង​គំរាម​កំហែង ក្នុងការ​រៀបចំ​បុគ្គលិក​រដ្ឋការ​ថ្មីមួយ ដែល​ក្នុងនោះ​មាន​ទាំង​បក្ខពួក​ជិតស្និទ្ធ​នៃ​គណៈ​រដ្ឋមន្ត្រី​របស់​លោក ប្រធានាធិបតី​ទើប​ជាប់ឆ្នោត​រូបនេះ នៅតែ​សម្ងំ​យ៉ាង​សុខសាន្ត​ក្នុង​ប៉មត្រាំ​ក្នុង​សង្កាត់​មាន់ហាតាន់ ដោយ​ទទួល​ការហៅ​ទូរស័ព្ទ​មកពី​ក្រុម​មេដឹកនាំ​បរទេស និងជួប​ក្រុម​បេក្ខជន​តែងតាំង ក្រុម​អ្នកធ្វើច្បាប់​ជាស​ក្តានុពល និងក្រុម​ទីប្រឹក្សា។

ក្រុម​របស់​លោកត្រាំ បាន​ព្យាយាម​រម្ងាប់​រាល់​ពាក្យ​ចចាម​អារ៉ាម​នៃ​ភាពចលាចល ក្នុង​ពិភពត្រាំ ចំពេល​មាន​របាយការណ៍​នៃការ​បោសសម្អាត​ការលួច​វាយប្រហារ​ពីក្រោយ​របស់​ក្រុមអ្នក​ប្រាថ្នា​ចង់បាន​នៃ​បក្ស​សាធារណរដ្ឋ​ដែលមាន​ឥទ្ធិពល។

អតីត​អ្នកចាត់ការ​ការងារ​ឃោសនា លោក Kellyanne Conway បាន​ប្រាប់ក្រុម​អ្នកកាសែត ថា៖ «ការបង្កើត​រដ្ឋាភិបាល​សហព័ន្ធ​មួយ គឺជា​កិច្ចការ​ធំមួយ។ វាមិន​ត្រឹមត្រូវ​ទេ ដែល​និយាយថា វាមិន​ដំណើរ​ការល្អ។ គ្រប់យ៉ាង​នៅទីនោះ គឺរលូន​ណាស់»។

លោក​ត្រាំ បាន​ការពារ​ខ្លួន ដោយ​និយាយ​តាមធ្វី​ធើរ​ជាថ្មី​ម្តងទៀត។ ខណៈ​កាសែត បាន​ពណ៌នា​ថា ការផ្លាស់ប្តូរ​នោះ​មានការ វឹកវរ និង​ច្របូក​ច្របល់ តែ​លោកត្រាំ​បានហៅ​វាថា​ជា «ដំណើរ​ការដែល​មានការ​រៀបចំ​ល្អ»។

Content image - Phnom Penh Post
លោក Giuliani ចេញពី​ជណ្តើរ​យន្ដ នៃប៉ម​ត្រាំ នៅម៉ាន់​ហាតាន់។ Afp

លោកបាន​សរសេរ​ពីថ្ងៃ​ពុធថា៖ «ខ្ញុំ​សម្រេចចិត្ត​លើ​តំណែង​គណៈរដ្ឋមន្ត្រី និង​តំណែង​ជាច្រើន​ទៀត។ ខ្ញុំជាមនុស្ស​តែម្នាក់ ដែល​ដឹងថា​អ្នកណា​ជាអ្នក​ចុងក្រោយ»។

កាសែត New York Times បាន​រាយការណ៍​ថា ក្រុម​សម្ព័ន្ធមិត្ត​អាមេរិក​កំពុងតែ «ប្រវេ​ប្រវា» ឱបដៃ​ជើង​លោក​ត្រាំ ដោយ ចុច​ទូរស័ព្ទ​មកកាន់​ប៉មត្រាំ ក្នុង​ក្រុង​ញូវយ៉ក។

កាសែត​នោះ បានស្រង់​សម្តី​អ្នកការទូត​លោក​ខាងលិច​ម្នាក់ ដែល​សុំមិន​បញ្ចេញ​ឈ្មោះ ដោយ​និយាយ​លម្អិត​រាល់​ការសន្ទនា​ឯកជន។

លោកត្រាំ បាន​វាយបក​ពីព្រលឹម​ថ្ងៃ​ព្រហស្បតិ៍ ដោយហៅ​អត្ថបទ​កាសែត ស្តីពី​ការផ្លាស់ប្តូរ​នោះ​ថា គឺខុស​ទាំងស្រុង។

លោកត្រាំ ក៏បាន​បដិសេធ​រាល់ពាក្យ​ចចាម​អារ៉ាម​អំពីការ​ព្យាយាម​ទទួលបាន​នូវការ​បោស​សម្អាត​សន្តិសុខ សម្រាប់​កូនៗ របស់លោក ដោយ​រិះគន់​ពួកគេធ្ងន់ៗ​ថា ជា «អត្ថបទ​ខុស»។

យោងតាម​កាសែត The Wall Street Journal ឲ្យ​ដឹងថា លោក Pence ត្រូវ​បានគេ​រាយការណ៍​ថា បាន​បណ្ដេញចេញ​នូវក្រុម​អ្នក​បញ្ចុះបញ្ចូល​ទាំង​អស់ពី ក្រុម​អន្តរកាល​នោះ ក្នុងនោះ​ក៏មាន​ទាំង លោក Mike Rogers ដែល​កាន់ផ្នែក​សន្តិសុខ​ជាតិ និង​លោក Matthew Freedman ដែល​បម្រើការ​ផ្នែក​គោលន​យោបាយ​ការពារ​ជាតិ និង​ការបរទេស​ផងដែរ។

លោក Rogers បានប្រាប់​ទូរទស្សន៍ CNN ពីថ្ងៃ​ពុធថា៖ «តើ​មានការ​ច្របូក​ច្របល់​បន្តិចបន្តួច​នៅ​ញូវយ៉ក​ឬ? ខ្ញុំ​គិតថា មាន។ ខ្ញុំគិតថា រឿងនេះ ជាការ​ឈឺចាប់​កំពុង​កើនឡើង»៕

0

Comments

Please, login or register to post a comment

ព័ត៌មាន ពាក់ព័ន្ធ