Search form

Login - Register | FOLLOW US ON

Logo of Phnom Penh Post newspaper Phnom Penh Post - លោក​គីមូន​នឹង​បង្ហាញ​របាយការណ៍​ស្តីពី​ការ​វាយប្រហារ​អាវុធគីមី​នៅ​ស៊ីរី

លោក​គីមូន​នឹង​បង្ហាញ​របាយការណ៍​ស្តីពី​ការ​វាយប្រហារ​អាវុធគីមី​នៅ​ស៊ីរី

Content image - Phnom Penh Post

ក្រុងដាម៉ាសៈ អគ្គលេខាធិការ ​អ.ស.ប លោក​បាន​គីមូន នឹង​បង្ហាញ​របាយការណ៍​មួយ​នៅ​ថ្ងៃ​អង្គារ​ស្តីពី​អាវុធគីមី​របស់​ស៊ីរី​ដែល​អាច​ជា​សម្ពាធ​មួយ​ដាក់​លើ​របប​អាសាដ ខណៈ​ការ​គាំទ្រ​កើនឡើង​សម្រាប់​ផែនការ​ដែល​ផ្តួចផ្តើម​ដោយ​អាមេរិក-រុស្ស៊ី​ដើម្បី​បញ្ចៀស​សង្គ្រាម។

130917_18a
ប្រមុខក្រុមអាវុធគីមី សាស្ត្រាចារ្យ Ake Sellsrom (ឆ្វេង) ប្រគល់របាយការណ៍ការសម្លាប់រង្គាលអាល់ហ្គូតា ជូនលោកបាន គីមូន AFP

លោក​គីមូន​នឹង​ប្រកាស​ពី​ការ​រក​ឃើញ​របស់​ក្រុម​ស៊ើបអង្កេត​អ.ស.ប.​ទៅ​ក្រុមប្រឹក្សា​សន្តិសុខ​អ.ស.ប នាទី​ក្រុង​ញូវយ៉ក​នៅ​វេលា​ម៉ោង​១១ និង​១៥​នាទី​ព្រឹក។ លោក​បាន​បង្ហាញ​រួច​ហើយ​ថា លោក​រំពឹង​ថា របាយការណ៍​នោះ នឹង​ផ្តល់ ​«​ការ​បញ្ជាក់​លើសលប់​»​ ថា អាវុធគីមី​ត្រូវ​បាន​ប្រើ​ក្នុង​ការ​វាយប្រហារ​មួយ​ក្បែរ​ក្រុង​ដាម៉ាស​កាលពី​ថ្ងៃ​ទី​២១ សីហា​ដែល មនុស្ស​រាប់រយ​នាក់​បាន​ស្លាប់។

កិច្ចព្រមព្រៀង​រុស្ស៊ី-អាមេរិក​ស្តីពី​ការ​កម្ទេច​ការ​ស្តុក​អាវុធគីមី​របស់​ស៊ីរី​ក៏​នឹង​ពឹងផ្អែក​ទាំង​ស្រុង​លើ​ការ​ពិគ្រោះយោបល់​របស់​ក្រុមប្រឹក្សា​សន្តិសុខ​ដែល​គេ​រំពឹង​ថា នឹង​ត្រូវ​កោះប្រជុំ​នៅ​ថ្ងៃ​អង្គារ។

ការ​គំាទ្រ​ជា​អន្តរជាតិ​សម្រាប់​គំនិត​ផ្តួចផ្តើម​កំពុង​កើនឡើង​ថ្វីបើ​ក្រុង​វ៉ាស៊ីនតោន និង​ប៉ារីស​បាន​ព្រមាន​ថា វិធានការ​យោធា​នៅតែ​ជា​ជម្រើស​មួយ​ក្តី។

រដ្ឋមន្ត្រី​ស៊ីរី​ម្នាក់​បាន​ទទូច​ថា កិច្ចព្រមព្រៀង​អាមេរិក-ស៊ីរី​តំណាង​ឲ្យ​«​ជោគជ័យ​»​មួយ​សម្រាប់​របប​របស់​ប្រធានាធិបតី​បាសារ អាល់អាសាដ។

រដ្ឋមន្ត្រី​ក្រសួង​បង្រួបបង្រួម​ជាតិ​ស៊ីរី​លោក Ali Haidar បាន​ប្រាប់​ទីភ្នាក់ងារ​ព័ត៌មាន​រុស្ស៊ី Ria Novosti អំពី​កិច្ចព្រមព្រៀង​ថា​៖​«​ម្យ៉ាង​វា​ជួយ​ពលរដ្ឋ​ស៊ីរី​ងើប​ចេញ​ពី​វិបត្តិ​ហើយ​ម្យ៉ាង​ទៀត​វា​អនុញ្ញាត​ឲ្យ​បញ្ចៀស​សង្គ្រាម​ប្រឆាំង​ស៊ីរី​»។

លោក​បាន​និយាយ​ថា​៖ «​វា​ជា​ជោគជ័យ​មួយ​សម្រាប់​ស៊ីរី​ដែល​បាន​ជោគជ័យ​ដោយសារ​មិត្តភក្តិ​រុស្ស៊ី របស់​យើង​»។

សម្តី​របស់​គាត់​បាន​កើតឡើង ខណៈ​រដ្ឋមន្ត្រី​ការបរទេស​អាមេរិក​លោក​ចន ឃើរី​បាន​ជួប​លោក​នាយករដ្ឋមន្ត្រី​អ៊ីស្រាអែល​លោក​បេនចាមីន នេតានីញ៉ាហ៊ូ​ដើម្បី​ជម្រាប​ពី​ផែនការ​នោះ៕ CC

0

Comments

Please, login or register to post a comment