Search form

Login - Register | FOLLOW US ON

Logo of Phnom Penh Post newspaper Phnom Penh Post - លោក​ អាបេ​ និង​ ​អូបាម៉ា លើកស្ទួយ​ការផ្សះផ្សា​ នៅឯ​ដំណើរ​ទស្សនកិច្ច​កំពង់ផែ​គជ់

Content image - Phnom Penh Post
លោកអូបាម៉ា (ឆ្វេង) និង​លោក​អាបេ ថ្លែង​ក្នុង​ទស្សនកិច្ច​នៅ​កំពង់ផែ​គជ់​។ Afp

លោក​ អាបេ​ និង​ ​អូបាម៉ា លើកស្ទួយ​ការផ្សះផ្សា​ នៅឯ​ដំណើរ​ទស្សនកិច្ច​កំពង់ផែ​គជ់

កំពង់ផែគជ់ៈ មេដឹកនាំ​អាមេរិក និង​ជប៉ុន ដែលជា​សត្រូវ​សម័យ​សង្គ្រាម បានធ្វើ​ធម្ម​យាត្រា​រួមដ៏ ចុកសៀត​ក្នុងចិត្ត​មួយ ទៅកាន់​កំពង់ផែ​គជ់​កាលពី​ថ្ងៃអង្គារ ដោយ​ចេញ​សេចក្តី​ថ្លែងការណ៍​ជា​និមិត្តរូប​ជាច្រើន​អំពី​អំណាច​នៃ​ការផ្សះផ្សា និង​ការព្រមាន​ប្រឆាំង​នឹងការ​ទូងស្គរ​បង្កជម្លោះ។

រយៈពេល ៧៥ ឆ្នាំ​បន្ទាប់ពី​ក្រុម​ពីឡុត​យន្តហោះ​ចម្បាំង​ជប៉ុន បាន​នាំយក​ភ្លើងសង្គ្រាម​ទៅកាន់ កាន់​កោះហាវ៉ៃ និងបាន​ទាញ អាមេរិក​ឲ្យ​ចូលទៅក្នុង​សង្គ្រាម​លោកលើក​ទីពីរ នាយករដ្ឋមន្ត្រី​ជប៉ុន លោក ស៊ីនហ្សូ អាបេ បាន ផ្តល់នូវ«ការសម្តែង​សមាន​ទុក្ខដ៏​ស្មោះត្រង់ និង​គ្មាន​ទីបំផុត» អ្នក​ទាំងពីរ បាន​សម្តែង​អភិវន្ទនាការ​ចំពោះ​ពលរដ្ឋ​អាមេរិក​ជាង ២៤០០ នាក់ ដែល​បានស្លាប់​នៅ​ថ្ងៃទី ៧ ធ្នូ ឆ្នាំ ១៩៤១ ដោយ​ដាក់​កម្រងផ្កា​លីលី​សន្តិភាព និងឈរ​ក្នុងភាព​ស្ងៀមស្ងាត់ នៅ​ចំពោះមុខ ទីសក្ការៈ​បូជា​មួយ​នៃអ្នក​ដែលបាន​បាត់​បង់ជីវិត​នៅនាវា USS Arizona ដែល​អ្នក​ទាំងនោះ​ចំ នួន​ប្រមាណ​ជា​ពាក់កណ្តាល បានស្លាប់។

ដំណើរ​ទស្សនកិច្ច​របស់​លោក​អាបេ គឺជា​ការគូសបញ្ជាក់​ពីការ ភ្ញាក់ខ្លួន​ដ៏​ចេញមុខ​មាត់​របស់ មេដឹកនាំ​ម្នាក់ ដែល​សម្រាប់​អតីត កាលសម័យ​សង្គ្រាម​របស់​ជប៉ុន ជារឿយៗ​គឺជា​បញ្ហា​ក្នុងស្រុក​ដ៏ រសើប​មួយ។

លោកបាន​និយាយថា៖ «យើង​ប្រាកដជា​មិន​ធ្វើឲ្យ​មានក្តី រន្ធត់​សង្គ្រាម​ម្តង​ទៀតឡើយ។ អ្វីដែល​បាន​ចងភ្ជាប់​យើង​ជាមួយគ្នា គឺ អំណាច​នៃការ​ផ្សះផ្សា ដែល​អាចធ្វើ​ទៅបាន​តាមរយៈ​ស្មារតី​នៃ​ការអត់ឱន​ឲ្យគ្នា»។

លោក​អូបាម៉ា ដែល​កាលពី​ខែឧសភា ឆ្នាំមុន បានធ្វើ​ធម្មយាត្រា ដ៏​ឱឡារិក​មួយទៅ​កោះ​ហ៊ី​រ៉ូស៊ីម៉ា ជាគោលដៅ​នៃ​ការទម្លាក់​គ្រាម​បែកនុយក្លេអ៊ែរ​អាមេរិក​មួយ ដែល​បានបញ្ចប់​ដោយ​ប្រសិទ្ធភាព​សង្គ្រាម​នោះ បានចេញ​សុន្ទរកថា​ដែល​ឡោមព័ទ្ធ ដោយ​ប្រវត្តិសាស្ត្រ និង​នយោបាយ បច្ចុប្បន្ន​របស់​អាមេរិក។

លោកបាន​ប្រាប់​លោក​អាបេ​ថា៖ «ខ្ញុំ​ស្វាគមន៍​អ្នក​នៅទីនេះ ក្នុងស្មារតី​មិត្តភាព។ ខ្ញុំ​សង្ឃឹមថា ទាំងអស់គ្នា យើង​បញ្ជូន​សារមួយ​ទៅ កាន់​ពិភពលោក​ថា មាន​មានការ​ឈ្នះក្នុង​សន្តិភាព​ច្រើនជាង​ក្នុងសង្គ្រាម​ដែលការ​ផ្សះផ្សារ​ទទួលបាន​រង្វាន់​ច្រើនជាង​កម្មពៀរ»៕

0

Comments

Please, login or register to post a comment

ព័ត៌មានពាក់ព័ន្ធ