ក្រុងកូបាហ្សារ: យោងតាម​ប្រភព​ព័ត៌មាន​ពីអ្នក​យក​ព័ត៌មាន AFP ម្នាក់ និង​មន្ត្រី​ព្រំដែន​ដែល​នៅ​កន្លែង​កើត​ហេតុ​បាន​ឲ្យដឹង​ថា កងកម្លាំង​សន្តិសុខ​មីយ៉ាន់ម៉ា​បាន​បាញ់​គ្រាប់​ផ្លោង និង​កាំភ្លើងយន្ត​ដាក់​ក្រុម​អ្នកភូមិ​រ៉ូហ៊ីងយ៉ា​ដែល​មានការ​ភ័យរន្ធត់ ព្យាយាម​ភៀសខ្លួន​ចេញ​ពី​រដ្ឋ​រ៉ាក់ឃីន​ទៅ​ជ្រកកោន​នៅ​បង់ក្លាដែស​កាល​ពីថ្ងៃ​សៅរ៍ ខណៈការ​ប៉ះទង្គិច​គ្នា​បាន​សម្លាប់​មនុស្ស​រាប់សិប​នាក់​ឈាន​ដល់​ថ្ងៃទី​ពីរ​ទៀត។