ក្រុងសេអ៊ូលៈ សម្តេច​ប៉ាប ហ្វ្រង់ស៊ីស បាន​ជំរុញ​ឲ្យ​កូរ៉េ​ទាំង​ពីរ​ដែល​បែកបាក់​គ្នា បង្រួបបង្រួម​គ្នា​ជា​គ្រួសារ​តែមួយ ប្រជាជន​តែ មួយ ក្នុង​ស្មារតី​នៃ​ការ​អត់ឱន​ឲ្យ​គ្នា​ទៅវិញ​ទៅមក​នៅឯ​ពិធី​ជួបជុំ​មហាជន​មួយ​កាលពី​ថ្ងៃ​ចន្ទ​ដែល​ជួន​ពេល​គ្នា​នឹង​សមយុទ្ធ​យោធា កូរ៉េ​ខាង​ត្បូង-អាមេរិក​មួយ ដែល​កូរ៉េ​ខាង​ជើង បាន​ថ្កោលទោស​ថា​ជា​ការ​ចាប់ផ្តើម​ហ្វឹកហ្វឺន​ឆ្ពោះ​ទៅ រក​សង្គ្រាម​មួយ។