.jpg)
លោកស្រី ថេរ៉េសា ម៉េ អំឡុងកម្មវិធីចោទសំណួរចំពោះនាយករដ្ឋមន្ត្រីប្រចាំសប្តាហ៍ (PMQs) ក្នុងរដ្ឋសភាថ្ងៃទី ២១ ខែមីនា។ AFP
ក្រុងប្រ៊ុចសែល: កាលពីថ្ងៃព្រហស្បតិ៍ នាយករដ្ឋមន្ត្រីអង់គ្លេស លោកស្រី ថេរ៉េសា ម៉េ បានព្យាយាមស្វះស្វែងរកការគាំទ្រ និងការបង្រួបបង្រួមពីក្រុមថ្នាក់ដឹកនាំរដ្ឋសមាជិក EU ក្នុងស្មារតីធ្វើការថ្កោលទោសចំពោះក្រុងម៉ូស្គូជុំវិញការធ្វើឃាតអតីតចារបុរសរុស្ស៊ីម្នាក់ ប៉ុន្តែ លោកស្រី បានប្រឈមជាមួយការប្រឆាំងជំទាស់ពីក្រុមរដ្ឋសមាជិកទាំងអស់នោះ ដែលមានឆន្ទៈការពារទំនាក់ទំនងរបស់ពួកគេជាមួយវិមានក្រឹមឡាំង។
លោកស្រីម៉េ នឹងធ្វើសេចក្តីថ្លែងការណ៍ដ៏ខ្លីមួយដល់ក្រុមសហការីរបស់លោកស្រីនៅកិច្ចជំនួបកំពូលក្នុងក្រុងប្រ៊ុចសែលស្តីអំពីការរីកលូតលាស់ទៅមុខនៃដំណើរការស៊ើបអង្កេតពាក់ព័ន្ធការវាយប្រហារលើអតីតចារបុរសរុស្ស៊ី លោក Sergei Skripal និងកូនស្រីរបស់លោកនាងយូលៀ នៅក្នុងក្រុង Salisbury នៅអង់គ្លេសដោយប្រើប្រាស់សារធាតុគីមីបំផ្លាញខួរក្បាលដ៏គ្រោះថ្នាក់ដែលផលិតនៅសូវៀត។
ចំណែកខាងអាមេរិក បារាំង និងអាល្លឺម៉ង់វិញ បាននាំគ្នាគាំទ្រគោលជំហររបស់ក្រុងឡុងដ៍ ដោយបានលើកឡើងថា ពួកគេទទួលស្គាល់ការវាយតម្លៃរបស់អង់គ្លេសដែលថា រដ្ឋរុស្ស៊ី គឺជាអ្នកតែមួយគត់ដែលបានប្រព្រឹត្តអំពើឧក្រិដ្ឋកម្មមួយនេះ ហើយថា ក្រុមប្រទេសជាសមាជិក EU ដទៃទៀតមានទំនាក់ទំនងជិតស្និទ្ធជាមួយក្រុងម៉ូស្គូ ដែលគួរឲ្យកត់សម្គាល់ មានដូចជាក្រិក និងអ៊ីតាលីនោះ។
លោកស្រីម៉េ ថ្លែងរំឭកមិត្តថ្នាក់ដឹកនាំទាំង ២៧ ប្រទេសរបស់ខ្លួនអំពីការគំរាមពីប្រទេសនៅបូពា ក្រោយអង់គ្លេសចេញពីប្លុក EU៕
