Search form

Login - Register | FOLLOW US ON

Logo of Phnom Penh Post newspaper Phnom Penh Post - អតីត​ប្រធាន FBI រង​សម្ពាធ​ពីត្រាំ​ជុំវិញ ការស៊ើបអង្កេត​ទាក់ទិន​ជាមួយ​រុស្ស៊ី

Content image - Phnom Penh Post
ក្រុមមន្ត្រី​កំពូលៗ​មក​ពីទី​ភ្នាក់ងារ​ស៊ើបអង្កេត​នានា​មាន​វត្ដមាន​នៅ​ចំពោះមុខ​គណៈកម្មាធិការ​ស៊ើបអង្កេត​ព្រឹទ្ធសភា។ AFP

អតីត​ប្រធាន FBI រង​សម្ពាធ​ពីត្រាំ​ជុំវិញ ការស៊ើបអង្កេត​ទាក់ទិន​ជាមួយ​រុស្ស៊ី

ក្រុងវ៉ាស៊ីនតោនៈ ប្រធាន FBI ដែល​ត្រូវបាន​បណ្តេញ​ចេញពី​តំណែង​លោក JamesComey បាន​ថ្លែង​កាល​ពីថ្ងៃ​ពុធ​ថា លោក​ដូណាល់ ត្រាំ បាន​ជំរុញ​ឲ្យ​លោក​ទម្លាក់​ចោល​ការស៊ើបអង្កេត​ក្នុង​ករណី​ពាក់ព័ន្ធ​អតីត​ទីប្រឹក្សា​សន្តិសុខ​ជាតិ​លោក Michael Flynn បង្ក​ឲ្យមាន​ការចោទ​ប្រកាន់​ថ្មីៗ​ជាច្រើន​ទៀត ដែល​ថា​ប្រធានាធិបតី​អាមេរិក បាន​ព្យាយាម​រារាំង​ដល់ការ​ស្វែងរក​យុត្តិធម៌។

នៅ​ក្នុងការ​លាត​ត្រដាង​ភ្លាមៗ​នៅមុន​ពេល​នៃការ​លេចមុខ​របស់​លោក ដែល​ទន្ទឹង​រង់ចាំ​យូរ​នៅ​តំបន់​មួយ​នៃ​សង្កាត់ Capitol Hill លោក Comey បាន​និយាយ​ថា លោក​បាន​លើក​ឡើង​អំពីការ​ស៊ើបអង្កេត​ប្រកប​ដោយ​ភាព​រសើប​ខ្លាំង​ជុំវិញ​បទចោទ​ប្រកាន់​ការពាក់​ព័ន្ធ​ការចូល​ជ្រៀតជ្រែក​របស់​រុស្ស៊ី​ក្នុងការ​បោះ​ឆ្នោត​នៅ​អាមេរិក​នៅក្នុង​ការពិភាក្សា​ចម្រុះ​មួយ ដោយ​បាន​បង្កឲ្យ​លោក​ពិបាក​យ៉ាង​ខ្លាំង​ក្នុងការ​សម្រេចចិត្ត​ជុំវិញ​ការប៉ុនប៉ង​ណាមួយ​របស់​លោក​ប្រធានាធិបតី​ក្នុង​ការចូល​ពាក់ព័ន្ធ​ក្នុង​ករណី​នោះ ឬ យ៉ាងណា។

លោក​បាន​ដកស្រង់​សម្តី​លោក​ត្រាំ ខណៈ​លោក​ប្រធានាធិបតី​ថ្លែង​ប្រាប់​លោក​កាលពី​ថ្ងៃទី ១៤ កុម្ភៈ ខណៈ​លោក​ទាំងពីរ​អង្គុយ​ស្ងាត់ស្ងៀម​រៀងៗ​ខ្លួន​ជាមួយគ្នា​នៅ​ក្នុង​ការិយាល័យ​ពងក្រពើ ជាការ​ត្រៀមខ្លួន​ចូល​ផ្តល់​ភ័ស្តុតាង សម្រាប់​សវនាការ​ព្រឹទ្ធសភា​នៅថ្ងៃ​ព្រហស្បតិ៍​ថា៖ «ខ្ញុំ​សង្ឃឹម​ថា លោក​អ្នក​អាច​មើលឃើញ​យ៉ាងច្បាស់​ថា វាជា​អ្វីមួយ​ដែល​យើង​មិន​ចាំបាច់​ខ្វល់​ច្រើន​ពេក ឈប់​ខ្វល់​ពីរឿង​លោក Flynn។ លោក​Flynn គឺជា​មនុស្ស​ល្អម្នាក់»។

លោក Comey ដែល​ត្រូវបាន​លោក​ត្រាំ​បណ្តេញ​ចេញពី​ការងារ​កាលពី​ដើម​ខែ​ឧសភា​បាន​បន្ថែម​ទៀត​ថា៖ «ខ្ញុំបាន​យល់​ថា លោក​ប្រធានាធិបតី​កំពុង​ចង់​ស្នើសុំ​ថា យក​ល្អ​យើង​គួរតែ​បញ្ឈប់​ការស៊ើបអង្កេត​ណាមួយ​ទាក់ទិន​ករណី​លោក Flynn ដែល​ជាប់​ពាក់ព័ន្ធ​ជាមួយ​សេចក្តី​ថ្លែងការណ៍​បំផ្លើស​អំពី​ការសន្ទនា​របស់​លោក​ជាមួយ​លោក​អគ្គរដ្ឋទូត​រុស្ស៊ី​នៅ​ក្នុង​ខែធ្នូ​កន្លង​ទៅ»។

មេធាវី​ផ្ទាល់​របស់​លោក​ត្រាំ បាន​និយាយ​ថា លោក​ត្រាំ​បាន​ទទួល​អារម្មណ៍​ជ្រះស្រឡះ​ពីទោស​ពៃរ៍ និង​ក្តី​សៅហ្មង​ទាំងស្រុង និង​សព្វបែប​យ៉ាង​តាមរយៈ​ភស្តុតាង​ជាលាយ​លក្ខណ៍​អក្សរ ខណៈ​លោក Comey បាន​បញ្ជាក់ថា លោក​បាន​ថ្លែង​ប្រាប់​លោក​ប្រធានាធិបតី​ដោយ​ផ្ទាល់​ថា​លោក​មិន​ត្រូវបាន​ស៊ើបអង្កេត​ទេ។

Content image - Phnom Penh Post
លោក Comey ថ្លែង​ផ្ដល់​ភ័ស្តុតាង​នៅ​ចំពោះមុខ​គណៈកម្មាធិការ​ព្រឹទ្ធសភា។ AFP

លោក Comey ក៏បាន​ថ្លែង​ដែរ​ថា លោក​ត្រាំ​បាន​ទាមទារ​ឲ្យមាន​ការធានា​នូវ​ភក្តីភាព​នៅ​ក្នុង​កិច្ចប្រជុំ​មួយ​ពី​ថ្ងៃទី ២៧ ខែ​មករា ត្រឹមតែ​រយៈពេល​ប៉ុន្មាន​ថ្ងៃ​បន្ទាប់ពី​មហាសេដ្ឋី​មក​ពីបក្ស​សាធារណរដ្ឋ​បាន​ស្បថ​ចូលកាន់​តំណែង​នៅ​ក្រោម​ព្យុះភ្លៀង​នៃការ​ចោទប្រកាន់​ជាច្រើន ដែលថា​ការចូល​ជ្រៀតជ្រែក​របស់​រុស្ស៊ី បាន​ជួយ​ឲ្យ​រូប​លោក​បាន​ទទួល​ជ័យជម្នះ​ក្នុងការ​បោះឆ្នោត។

លោក Comey បាន​និយាយ​ថា៖ «លោក​ប្រធានាធិបតី​បាន ថ្លែងថា​ខ្ញុំ​ត្រូវការ​ភក្តីភាព​ខ្ញុំ​រំពឹង​ទទួល​បាន​ភក្តីភាព។ ខ្ញុំមិន​ញាប់ញ័រ និយាយ ឬ ផ្លាស់ប្តូរ​ទឹកមុខ​របស់ខ្ញុំ​ក្នុង​លក្ខណៈ​ណាមួយ​ឡើយ​ក្នុង​អំឡុង​ស្ថានភាព​មួយ​ដែល​ប្រកបដោយ​ភាព​អាម៉ាស់ ដែល​បាន​កើត​ឡើង។

ការបកស្រាយ​លម្អិត​របាយការណ៍​សារព័ត៌មាន​មួយ​ចំនួន​អំពី​ទំនាក់ទំនង​របស់​លោក​ជាមួយ​នឹង​លោក​ត្រាំ ត្រូវបាន​បោះពុម្ព​ផ្សព្វផ្សាយ​ក្នុង​រយៈពេល​ជាច្រើន​សប្តាហ៍​នាពេល ថ្មីៗ​កើត​ឡើង មុនពេល​លោក​ចូល​ធ្វើជា​សាក្សី​នៅ​ចំពោះមុខ​គណៈកម្មាធិការ​ចារកិច្ច​ព្រឹទ្ធសភា​អាមេរិក៕

0

Comments

Please, login or register to post a comment

ព័ត៌មានពាក់ព័ន្ធ