Search form

Login - Register | FOLLOW US ON

Logo of Phnom Penh Post newspaper Phnom Penh Post - អវត្តមាន​មីយ៉ាន់ម៉ា ​នៅ​មហាសន្និបាត​របស់ UN កើត​ឡើង​ ខណៈ​មាន​វិបត្តិ​ក្រុម​ជន​រ៉ូហ៊ីងយ៉ា

Content image - Phnom Penh Post
លោក​វីដូដូ (ទីពីរ​-ស្តាំ) មើល​ទាហាន​រៀបចំ​ស្បៀង​សម្រាប់​បង់ក្លាដែស​។ AFP

អវត្តមាន​មីយ៉ាន់ម៉ា ​នៅ​មហាសន្និបាត​របស់ UN កើត​ឡើង​ ខណៈ​មាន​វិបត្តិ​ក្រុម​ជន​រ៉ូហ៊ីងយ៉ា

ក្រុងយ៉ាំងហ្គោន: មេដឹកនាំ​មីយ៉ាន់ម៉ា​លោកស្រី​អ៊ុងសាន​ស៊ូជី នឹង​មិន​ចូលរួម​មហាសន្និបាត​អង្គការ​សហប្រជាជាតិ​នៅ​ពេល​ក្រោយ​ខែ​នេះ ខណៈ​ជយលាភី​រង្វាន់​ណូបែល​សន្តិភាព​រូបនេះ បាន​ប្រឈម​ជាមួយ​ការរិះគន់​ជាច្រើន​ជុំវិញ​បញ្ហា​នៃការ​ដែល​លោកស្រី មិនបាន​មាន​ចំណាត់ការ ដើម្បី​ការពារ​ក្រុម​ជនជាតិ​ភាគតិច​មូស្លីម​រ៉ូហ៊ីងយ៉ា​ដែល​កំពុង​ភៀស​ខ្លួន ក្នុង​ចំនួន​យ៉ាងច្រើន​លើស​លប់​ចេញ​ពី​រដ្ឋ​រ៉ាក់ឃីន។

ការបង្ក្រាប​ដោយ​យោធា​មីយ៉ាន់ម៉ា​ជាការ​ឆ្លើយតប​ទៅ​នឹងការ​វាយប្រហារ​ពី​ឧទ្ទាម​រ៉ូហ៊ីងយ៉ា​កាលពី​ថ្ងៃ​ទី ២៥ ខែ​សីហា ដោយ​បណ្តាល​ឲ្យ​ក្រុម​ជនភៀសខ្លួន​រ៉ូហ៊ីងយ៉ា​ប្រហែល ៣៧ ម៉ឺននាក់​ភៀសខ្លួន​ឆ្លង​ដែន​ទៅ​បង់ក្លាដែស​ក្នុង​រយៈពេល​ជិត ៣ សប្តាហ៍។

បង់ក្លាដែស កំពុង​ព្យាយាម​ផ្តល់​ជំនួយ​ដល់​ក្រុម​ជនភៀសខ្លួន​ដែល​កំពុង​ហេវហត់ និង​ស្រេកឃ្លាន​អាហារ ដែល​នៅ​ក្នុង​ចំនួន​នោះ ប្រហែល ៦០ ភាគរយ ជា​ក្មេងៗ ខណៈ​ក្រុម​ពុទ្ធសាសនិក​ភាគតិច​ក្នុង​រដ្ឋ​រ៉ាក់ឃីន​ជិត ៣ ម៉ឺន​នាក់ ក៏​ដូចជា​ក្រុម​អ្នក​កាន់​សាសនា​ហិណ្ឌូ បាន​ធ្វើការ​ផ្លាស់ទី​ក្នុង​ប្រទេស​មីយ៉ាន់ម៉ា​នេះ។

ប្រមុខ​សិទ្ធិមនុស្ស​របស់​អ.ស.ប.លោក Zeid Ra'ad AlHussein បាន​ចោទ​មីយ៉ាន់ម៉ា​ថា​បាន​ធ្វើការ «វាយប្រហារ​ជា​ប្រព័ន្ធ» លើ​ក្រុម​ជន​រ៉ូហ៊ីងយ៉ា និង​បាន​ព្រមាន​ថា «ការ​បោស​សម្អាត​ពូជសាសន៍» ហាក់​កំពុង​ដំណើរការ​យ៉ាង​សកម្ម។

លោកស្រី​ស៊ូជី​មេដឹកនាំ​រដ្ឋាភិបាល​ស៊ីវិល​ដំបូង​របស់​មីយ៉ាន់ម៉ា​មិន​បាន​គ្រប់គ្រង​លើ​សកម្មភាព​របស់​យោធា​ទេ៕

0

Comments

Please, login or register to post a comment

ព័ត៌មានពាក់ព័ន្ធ