Search form

Login - Register | FOLLOW US ON

Logo of Phnom Penh Post newspaper Phnom Penh Post - អាមេរិក​ជំរុញ​ឲ្យ​រុស្ស៊ី​ ពង្រឹងការគ្រប់គ្រង​សម្ព័ន្ធ​មិត្ត​ស៊ីរី

Content image - Phnom Penh Post

អាមេរិក​ជំរុញ​ឲ្យ​រុស្ស៊ី​ ពង្រឹងការគ្រប់គ្រង​សម្ព័ន្ធ​មិត្ត​ស៊ីរី

ក្រុងវ៉ាស៊ីនតោនៈ ប្រធានាធិបតី​អាមេរិក​លោក​ដូណាល់ ត្រាំ​បាន​ទាត់​ចោល​កង្វល់​ជុំវិញ​ការបញ្ចុះ​បញ្ចូល​រុស្ស៊ី​កាលពី​ថ្ងៃពុធ​និងបាន​ស្វាគមន៍​អ្នកការទូត​កំពូល​របស់​ក្រុង​ម៉ូស្គូ ដើម្បី​បញ្ចប់​សង្គ្រាម​នៅ​ស៊ីរី។

ខណៈ​ក្រុង​វ៉ាស៊ីនតោន បាន​បណ្តេញ​ប្រធាន FBI លោក James Comey ចេញពី​តំណែង​ដែល​កំពុង​ស៊ើបអង្កេត​លើ​ករណី​ការជ្រៀត​ជ្រែក​របស់​រុស្ស៊ី​នៅ​ក្នុងការ​បោះឆ្នោត​នៅ​អាមេរិក លោក​ត្រាំ បាន​ជួប​រដ្ឋមន្ត្រី​ការបរទេស​រុស្ស៊ី​ស៊ើហ្គេយ៍ ឡាវរ៉ូវ។

សមភាគី​អាមេរិក​របស់​លោក​ឡាវរ៉ូវ​គឺលោក Rex Tillerson បាន​សារភាព​ថា ទំនាក់ទំនង​អាមេរិក-រុស្ស៊ី​ស្ថិត​នៅ​កម្រិត​ទាប​បំផុត​ចាប់តាំង​ពីសង្គ្រាម​ត្រជាក់​មក និងថា ស្ទើរតែ​គ្មាន​ការជឿ​ទុកចិត្ត​នៅ​សេសសល់​នោះទេ។

ក្រុម​អ្នកការទូត​កំពុង​ធ្វើការ​ដើម្បី​ស្តារ​ចំណង​ទំនាក់ទំនង​តាមរយៈ​ការដោះស្រាយ​បញ្ហា​តូចៗ​ដែល​ក្រុម​មន្ត្រី​បាន​ប្រាប់ AFP ថា រួមមាន​ការប្រយុទ្ធ​គ្នា​ពីមួយ​ថ្ងៃ​ទៅមួយ​ថ្ងៃ ខណៈ​អាមេរិក​បាន​អះអាង​ថា ក្រុម​មន្ត្រី​របស់ខ្លួន​ដែល​ត្រូវបាន​បញ្ជូន​ទៅ​រុស្ស៊ី​ត្រូវ​រងការ​ធ្វើបាប​តិចតួច។

ប៉ុន្តែ​អាមេរិក​នៅតែ​សង្ឃឹម​ថា​លោក​ពូទីន​អាច​ត្រូវ​បញ្ចុះបញ្ចូល​ឲ្យជួយ​បញ្ចប់​សង្គ្រាម​ស៊ីវិល​នៅ​ស៊ីរី​តាមរយៈ​ការពង្រឹង​ការ​គ្រប់គ្រង​សម្ព័ន្ធមិត្ត​របស់​រុស្ស៊ី​គឺ​លោក​បាសារ អាល់អាសាដ និង​អ្នកគាំទ្រ​បរទេស​សំខាន់​មួយ​ទៀត​របស់​លោក​គឺ​អ៊ីរ៉ង់។

សេតវិមាន​បាន​និយាយ​ថា លោក​ត្រាំ បាន​បញ្ជាក់​ពី​គោលបំណង​របស់​លោក​ពីការ​ធ្វើឲ្យ​ការទំនាក់ទំនង​មួយ​ល្អ​ប្រសើរ​ឡើង​រវាង​អាមេរិក និង​រុស្ស៊ី។ លោក​ឡាវរ៉ូវ​គឺជា​មន្ត្រី​កំពូល​រុស្ស៊ី​ដែល​ទៅ​បំពេញ​ទស្សនកិច្ច​នៅ​ក្រុង​វ៉ាស៊ីនតោន ចាប់តាំង​ពី លោក​ត្រាំ ឡើង​កាន់តំណែង​នៅ​ក្នុង​ខែមករា​មក។

ទស្សនកិច្ច​របស់​លោក បាន​កើត​ឡើង បន្ទាប់ពី​ទស្សនកិច្ច​ស្រដៀង​គ្នាមួយ​របស់​លោក ​Tillerson ទៅកាន់​ក្រុង​ម៉ូស្គូ​កាល​ពីខែ​មុននេះ៕

0

Comments

Please, login or register to post a comment