Search form

Login - Register | FOLLOW US ON

Logo of Phnom Penh Post newspaper Phnom Penh Post - អាមេរិក៖ រុស្ស៊ី-​​ចិន គឺជា​ការគំរាមកំហែង​សន្តិសុខ​ធំ​បំផុត

ឧត្តម​សេនីយ៍ Martin Dempsey (ស្តាំ) ប្រាប់​សន្និសីទ​កាសែត​ជាមួយ​លោក​ខារធើ​ ពីថ្ងៃ​ពុធ។
ឧត្តម​សេនីយ៍ Martin Dempsey (ស្តាំ) ប្រាប់​សន្និសីទ​កាសែត​ជាមួយ​លោក​ខារធើ​ ពីថ្ងៃ​ពុធ។ AFP

អាមេរិក៖ រុស្ស៊ី-​​ចិន គឺជា​ការគំរាមកំហែង​សន្តិសុខ​ធំ​បំផុត

ក្រុងវ៉ាស៊ីន​តោនៈ យុទ្ធសាស្ត្រ​យោធា​ថ្មី​របស់​អាមេរិក បានធ្វើការ​ជ្រើស​រើសយក​រដ្ឋ ដូចជា​ចិន និង​រុស្ស៊ី​ថា​គឃ្លើន និង​កំពុង​គំរាមកំហែង​ចំពោះ​ផលប្រយោជន៍ ​សន្តិសុខ​អាមេរិក ខណៈ​​កំពុង​ព្រមាន​ពី​បញ្ហា​ប្រឈម​ខាង​បច្ចេកវិទ្យា​ដែល​កំពុង​កើនឡើង និង​ស្ថិរភាព​ពិភពលោក​ដែល​កំពុងតែ​អាក្រក់​ឡើងៗ​។​

របាយការណ៍ ដ៏​ក្រៀម​ស្រពោន​មួយ​ដែល​ប្រមុខ​សេនាធិការ​ចម្រុះ ឧ​ត្ត​ម​សេនីយ៍ Martin Dempsey បានចេញ​ពីថ្ងៃ​ព្រហស្បតិ៍ បាន​ព្រមាន​ពី​ភាពជឿ​បាន​ដ៏​ទាប​និង​កំពុង​កើនឡើង​របស់​អាមេរិក​ដែល​កំពុងតែ​ប្រយុទ្ធ​នឹង​សង្គ្រាម មួយ​ជាមួយ​មហាអំណាច​មួយ ខណៈ​មាន​ផលវិបាក​«​ដ៏​មហិមា​» ជាច្រើន​។​

​យុទ្ធសាស្ត្រ​យោធា​ជាតិ ២០១៥ និយាយថា រុស្ស៊ី​បានបង្ហាញ​ជាច្រើនលើក​ច្រើនសា ហើយ​ថា ខ្លួន​មិន​គោរព​អធិបតេយ្យភាព​នៃ​រដ្ឋ​ជិតខាង​ខ្លួន​ទេ ហើយ​ខ្លួន​មាន​ចេតនា​ប្រើប្រាស់​កម្លាំង​ដើម្បី​សម្រេច​គោលដៅ​ខ្លួន​។

យុទ្ធសាស្ត្រ​យោធា​នោះ ក៏បាន​គូសបញ្ជាក់ថា​៖«​វិធានការ​យោ​​ធា​រុស្ស៊ី កំពុង​ធ្វើ​ឲ្យ​សន្តិសុខ​ក្នុង​តំបន់​អន្តរាយ​ដោយផ្ទាល់ និង​តាមរយៈ​កម្លាំង​»​។​

យុទ្ធសាស្ត្រ​យោធា​នោះ កំពុង ចង្អុល​ទៅកាន់​វត្ត​មាននៃ​ទាហាន​រុស្ស៊ី​នៅក្នុង​ជម្លោះ​អ៊ុយ​ក្រែ​ន ថ្វីបើ ក្រុង​ម៉ូស្គូ បដិសេធថា ខ្លួន​ពុំបាន ពង្រាយ​យោធា​ខ្លួន​នៅ​ភាគ​ខាងកើត​អ៊ុយ​ក្រែ​ន​ដើម្បី​គាំទ្រ​ការ​​បះបោរ​ទាមទារ​បំបែក​ខ្លួន​ទេ​។​

​ចំពោះ​របាយការណ៍​នេះ បាន សម្តែង​កង្វល់​អំពី​បណ្តា​រដ្ឋ ដែល​កំពុងតែ​អភិវឌ្ឍ​សមត្ថភាព​បច្ចេកវិទ្យា​ជឿនលឿន​ដែល​កំពុង​ធ្វើ​ឲ្យ​យោធា​អាមេរិក បាត់បង់​បច្ចេក​​វិទ្យា​ខ្លួន​នៅក្នុង​វិស័យ​នោះ​។

​កងទ័ព​រុស្ស៊ី ធ្វើ​សមយុទ្ធ​យោធា ពីថ្ងៃ​ទី​២៥ មិថុនា ២០១៥​។
​កងទ័ព​រុស្ស៊ី ធ្វើ​សមយុទ្ធ​យោធា ពីថ្ងៃ​ទី​២៥ មិថុនា ២០១៥​។ GAURDIAN

​របាយការណ៍​នោះ ឲ្យ​ដឹងថា ៖«​នៅពេល​យើង​អនុវត្ត​ទៅក្នុង​ប្រព័ន្ធ​យោធា ការ​សាយភាយ​នៃ បច្ចេកវិទ្យា​នេះ គឺ​កំពុង​ប្រឈម​នឹង​អ្វី​ជាការ​ប្រកួតប្រជែង​ដែល​អាមេរិក​បាន​គ្រប់គ្រង​ជា​យូរ​មកហើយ ដូចជា ការព្រមាន​ពីដំបូង និង​ការវាយប្រហារ​ដោយ​ភាពជាក់លាក់​»​។​

បន្ថែម​ចំពោះ​ចិន​និង​រុស្ស៊ី ឯក​សារ​នេះ ក៏​បញ្ចូល​អ៊ីរ៉ង់ និង​កូរ៉េខាងជើង ដោយ​គូសបញ្ជាក់​ពី​សមត្ថភាព​នុយក្លេអ៊ែរ​និង​មី​ស៊ី​ល ឆ្លង​ទ្វីប​របស់​ពួកគេ នៅក្នុង​បញ្ជី​នៃ ប្រទេស​ដែល​ចោទ​ជា​កង្វល់​សន្តិ​​សុខ​ធ្ងន់ធ្ងរ​ចំពោះ​អាមេរិក និង​សម្ព័ន្ធមិត្ត​ខ្លួន​។​

លោក Dempsey បាន​ប្រាប់​ក្រុម​អ្នកយកព័ត៌មាន​ថា​៖ «​ចាប់តាំងពី​យុទ្ធសាស្ត្រ​យោធា​ជាតិ​ចុង ក្រោយ ត្រូវបាន​ផ្សព្វផ្សាយ​ ៤ ​ឆ្នាំ កន្លងទៅ ភាពច្របូកច្របល់​ពិភពលោក មាន​ទំនោរ​កើនឡើង ខណៈ​គុណសម្បត្តិ​ដែល​អាច​ប្រៀប ធៀប​បាន បានចាប់ផ្តើម​សឹក​រេចរឹល​»​។​

​របាយការណ៍ ឆ្នាំ​ ២០១១ បាន និយាយ​តិចតួច​អំពី​រុស្ស៊ី​។​

​ដោយយោង​ទៅតាម​កិច្ចប្រឹងប្រែង​រាន​ដី​របស់​ចិន​ដើម្បី​សង់ កូន​កោះ​ជាច្រើន​ក្នុង​សមុទ្រ​ចិន​ខាងត្បូង​ដែលមាន​ជម្លោះ ដើម្បី លើកស្ទួយ​វត្តមាន​យោធា និង​ជន​ស៊ីវីល​របស់ខ្លួន ឯកសារ​នោះ បានបញ្ជាក់​ថា៖ «​ទង្វើ​របស់​ចិន​កំពុង​បន្ថែម​ភាព​តានតឹង​ទៅ ក្នុង​តំបន់​អាស៊ីប៉ាស៊ីហ្វិក​»​។​

យោធា​ដ៏​សម្បើម​របស់​អាមេរិក មាន​ថវិកា​ប្រចាំឆ្នាំ​ប្រមាណ​ជា ៦០០​ ពាន់​លាន​ដុល្លារ​ដោយ ច្រើនជាង​បណ្តា​ប្រទេស​នានា​។ ​

ដោយ​ប្រឈមមុខ​នឹង​សត្រូវ​គ្មាន​រដ្ឋ​ដូចជា​ក្រុម​រដ្ឋ​អ៊ិ​ស្លាម​អះអាង​ខ្លួនឯង ដែល​បាន​ដណ្តើម​គ្រប់គ្រង​ទឹកដី មួយផ្នែកធំ​នៅ​ អ៊ីរ៉ា​ក់ និង​ស៊ីរី លោក Dempsey បាន​ព្រមាន​ពី​ការប្រយុទ្ធ​រយៈពេល​វែង​និង​ស្មុគស្មាញ​។​

លោក​បាន​សរសេរ​ក្នុង​របាយ​​ការណ៍​នោះ​ថា​៖«​ជម្លោះ​អនាគត នឹង​កើតមាន​កាន់តែ​រហ័ស កាន់តែ​វែង និង​កើត​ឡើងលើ​សមរភូមិ​ប្រឈមមុខ​ខាង​បច្ចេកទេស​កាន់តែខ្លាំង​ឡើង​»៕

0

Comments

Please, login or register to post a comment

ព័ត៌មាន ពាក់ព័ន្ធ