.jpg)
បុរសប៉ាឡេស្ទីនម្នាក់រងរបួសបញ្ជូនមកដល់មន្ទីរពេទ្យនៅក្នុងតំបន់ កាហ្សា ភាគខាងត្បូង កាលពីថ្ងៃទី១៧ ខែ កុម្ភៈ ឆ្នាំ២០១៨។ AFP
ក្រុងកាហ្សា: យន្តហោះប្រតិកម្មអុីស្រាអែលបានវាយប្រហារលើតំបន់កាហ្សា កាលពីថ្ងៃសៅរ៍ បន្ទាប់ពីទាហាន៤នាក់បានរងរបួស ខណៈដែលគ្រាប់បែកបង្កៃមួយគ្រាប់បានផ្ទុះឡើងតាមតំបន់បណ្តោយព្រំដែនជាប់ដែនដីប៉ាឡេស្ទីន។
ឧប្បត្តិហេតុ បំផ្ទុះគ្រាប់បែក កាលពីថ្ងៃសៅរ៍ ដែលបានបណ្តាលឲ្យទាហានអុីស្រាអែល២នាក់រងរបួសធ្ងន់ គឺមួយក្នុងចំណោមឧប្បត្តិហេតុដ៏ធ្ងន់ធ្ងរជាច្រើនដែលបានកើតឡើងនៅតាមបណ្តោយព្រំដែននៃដែនដីគ្រប់គ្រងដោយក្រុមហាម៉ាស ចាប់តាំងពីចលនាអ៊ិស្លាមនិយម និងក្រុមអុីស្រាអែលបានធ្វើសង្គ្រាមនៅក្នុងឆ្នាំ២០១៤។
ជាការឆ្លើយតបទៅនឹងការវាយប្រហារនោះ យោធាអុីស្រអែលបានឲ្យដឹងថា៖ «យន្តហោះចម្បាំងបានវាយប្រហារទៅលើគោលដៅមូលដ្ឋានយោធាចំនួន៦កន្លែងនៅក្នុងតំបន់កាហ្សាដែលគ្រប់គ្រងដោយក្រុមហាម៉ាស រួមទាំង ច្រកភេរវកម្មក្រោមដីមួយនៅក្នុងតំបន់ Zaytun និង មូលដ្ឋានយោធានៅក្បែរទីក្រុង Deir el-Balah និង Khan Yunis»។ បន្ទាប់ពីនោះ យោធាបានរាយការណ៍ឲ្យដឹងថា«ការវាយប្រហារនោះត្រូវបានគេកំណត់ដឹងថាចេញពីតំបន់កាហ្សាមានគោលដៅវាយប្រហារលើដែនដីអុីស្រាអែល»។
នៅឯ សន្និសីទស្តីពីបញ្ហាសន្តិសុខនៅក្នុងទីក្រុងមុយនិច នាយករដ្ឋមន្ត្រីបេនចាមីន នេតាន់ យ៉ាហ៊ូ បានចាត់ទុកឧប្បត្តិហេតុនៅតំបន់ព្រំដែន កាហ្សា «មានភាពធ្ងន់ធ្ងរខ្លាំង»និងបានប្តេជ្ញា«ឆ្លើយតបឲ្យបានសមរម្យជាទីបំផុត»។
ប្រភពព័ត៌មានផ្នែកសន្តិសុខមួយបានឲ្យដឹងថា ការវាយប្រហារផ្លូវអាកាសពីកងទ័ពអុីស្រាអែលបានវាយប្រហារលើមូលដ្ឋានយោធា ៣ កន្លែងត្រួតត្រាដោយក្រុមហាម៉ានៅក្នុងដែនដីតំបន់កាហ្សា ដែលត្រូវបានដែលត្រូវបានដាករបាំងឃាំងមិនឲ្យមនុស្សចរាចរ។
ប្រភពព័ត៌មានសុខាភិបាលប៉ាឡេស្ទីនបានឲ្យដឹងថា ជនប៉ាឡេស្ទីន ២ នាក់បានរងរបួសអំឡុងការវាយប្រហារមួយ។
នៅពេលព្រឹកព្រលឹម យោធាបានឲ្យដឹងថា៖ «ទាហាន ២ រូបបានរងរបួសធ្ងន់ ដែលម្នាក់របួសមធ្យម និងម្នាក់ទៀតរបួសស្រាល» ខណៈគ្រាប់បែកបង្កៃមួយគ្រាប់បានផ្ទុះឡើងនៅតាមដាក់របងតំបន់តាមបណ្តោយព្រំដែនជាប់ដែនដីកាហ្សា។
អ្នកនាំពាក្យម្នាក់បានបញ្ជាក់ថា គ្មានជីវិតទាហានណាម្នាក់ស្ថិតក្នុងស្ថានភាពគ្រោះថ្នាក់ឡើយ។
ជាការឆ្លើយតប កងទ័ពអុីស្រាអែល បានឲ្យដឹងថា រថក្រោះមួយគ្រឿងបានបាញ់ភ្លាមៗទៅលើ «ប៉ុស្ត៍អង្កេត» នៅក្នុងតំបន់ កាហ្សា ភាគខាងត្បូងដោយមិនបណ្តាលឲ្យមានជនណាម្នាក់រងរបួសឡើយនៅខាងភាគីប៉ាឡេស្ទីន។
ប្រភពព័ត៌មានសន្តិសុខប៉ាឡេស្ទីនជាច្រើនបានឲ្យដឹងថា ឧបទ្ទវហេតុបំផ្ទុះគ្រាប់បែកនោះបានកើតឡើងនៅភាគខាងកើតទីក្រុង Khan Yunis។
អ្នកនាំពាក្យ លោកJonathan Conricus បានឲ្យដឹងថា៖«ក្រុមអនាធិបតេយ្យ»មួយក្រុមបានអះអាង ជាអ្នកបង្កឧប្បត្តិហេតុបំផ្ទុះនេះ»៕AFP
