Search form

Login - Register | FOLLOW US ON

Logo of Phnom Penh Post newspaper Phnom Penh Post - អូ​បាម៉ា ជំរុញ​ឲ្យ​ទ្វីប​អឺរ៉ុប​នៅ​តែរួ​មគ្នា​ដើម្បី​ផល​ប្រយោជន៍​ពិភពលោក​

Content image - Phnom Penh Post
លោកអូបាម៉ា (កណ្តាល) ចូល​រួមកិច្ច​ពិភាក្សា​ជាមួយ​មេ​ដឹកនាំ​អឺរ៉ុប​ នៅក្រុង​ហាណូវើរ​ពី​ថ្ងៃ​ចន្ទ។ Afp

អូ​បាម៉ា ជំរុញ​ឲ្យ​ទ្វីប​អឺរ៉ុប​នៅ​តែរួ​មគ្នា​ដើម្បី​ផល​ប្រយោជន៍​ពិភពលោក​

ក្រុងហាណូវើរៈ ប្រធានា​ធិបតី​អាមេរិក លោកបារ៉ាក់ អូ​បាម៉ា ពីថ្ងៃ​អង្គារ បាន​និយាយ​ថា អាមេរិក ចង់បាន​ទ្វីបអឺរ៉ុប​មួយ​រឹងមាំ សាមគ្គីគ្នា​ដើម្បីរក្សា​សណ្តាប់​ធ្នាប់របៀប​ រៀប​រយអន្តរជាតិ ហើយ​លោក​បានជំរុញ​ឲ្យ​ក្រុម​សម្ព័ន្ធ​មិត្តអឺរ៉ុប បង្កើនការ​ចំណាយ​ការ​ពារជាតិ​ ដើម្បីទប់​ទល់​នឹង IS និង​ការគំរាម​កំហែង​សន្តិសុខ​ជា​ច្រើន​ទៀត។

ដោយ​បញ្ចប់​ដំណើ​រទស្សនកិច្ច​មួយ​ទៅអាល្លឺម៉ង់ ដែល​បាន​ផ្តោត​ លើ​ការលើក​ស្ទួយ​ទំនាក់​ទំនង​ពាណិជ្ជកម្ម​ លោក​អូបាម៉ា បាន​ អង្វរ​ឲ្យ​ពលរដ្ឋ​អឺរ៉ុប​ពិនិត្យ​មើល​អតីតកាល​ ដែល​វិបត្តិ​ដ៏ច្រើន​កំពុង​ប្រឈម​នឹង​ប្រទេស​ពួកគេ និង​រក្សាការ​បង្រួបបង្រួម​ ដែល​ធ្លាប់បាន​នាំមក​នូវ​សន្តិភាព​ ដល់​ទ្វីបនេះ។

ប្រសាសន៍ របស់​លោក​ បាន​កើត​មាន​បន្ទាប់ពី​ដំណើរ​ទស្សនកិច្ច​មុននេះ​ទៅក្រុង​ឡុងដ៍​ ជាទី ដែល​ប្រធានាធិបតី​អាមេរិក​រូបនេះ បាន​ជំរុញ​ឲ្យ​អង់គ្លេស​បន្តស្ថិត​នៅ​ក្នុង​សហភាព​អឺរ៉ុប ២៨ ប្រទេស​ ដោយ​លើក​ស្ទួយ​កិច្ច​ប្រឹង​ប្រែង​របស់​នាយក​រដ្ឋមន្ត្រី​ដេវីដ កាមេរ៉ុន ដើម្បីចៀស​វាងការ ចាក​ចេញ​ពីអឺរ៉ុប (Brexit) ដែល​ ក្រុមជំទាស់​ព្រមាន​ថា អាចបង្ក​ឲ្យ​ជួប​ការលំបាក​ខាង​នយោបាយ​និង​សេដ្ឋកិច្ច​ដ៏​ខូចខាត។

ក្នុង​អំឡុង​ពេលទស្សន​កិច្ច​ទៅ កាន់​ពិព័រណ៍​ពាណិជ្ជ​កម្ម​មួយ​ក្នុងក្រុង​ហាណូវើរ របស់​អាល្លឺម៉ង ដែល​ទាក់ទាញ​បាននូវ​ការ​អបអរ​ពីអ្នក​ចូលរួម​ស្តាប់ លោក​អូបាម៉ា បាននិ​យាយឲ្យ​ដឹងថា៖ «ខ្ញុំ​បានមក​ទីនេះថ្ងៃ​នេះ មកកាន់​បេះ​ដូង​អឺរ៉ុប​ដើម្បី​និយាយថា អាមេរិក និង​ពិ​ភពលោក​ទាំងមូល ត្រូវ​ការ​ទ្វីប​អឺរ៉ុប​មួយ​ដែល​រឹងមាំ រុងរឿង​ មាន ប្រជា​ធិបតេយ្យ និង​បង្រួប​បង្រួម»។

លោកអូ​បាម៉ា បាននិយាយថា ក្តីបារម្ភ​ជុំវិញ​ការ​បញ្ចូល​ជា​ឧបសម្ព័ន្ធ​របស់​រុស្ស៊ី​នៃតំបន់​គ្រីមា និង​កំណើត​សេដ្ឋកិច្ច​យឺតជា​ពិសេស​នៅ​អឺរ៉ុប​ខាងត្បូង បាន​នាំឲ្យមាន​សំណួរ​ជាច្រើន​អំពី​សមាហរណកម្ម​លើ​ទ្វីបនេះ​ និងបាន​បង្កឲ្យ​មាន​នយោបាយ​កម្ទេច​ជាច្រើន ដែលបាន​បង្កការ​ភ័យខ្លាច​ជាច្រើន​អំពីជន​ចំណាក​ស្រុក​ និង​ក្រុម​មនុស្ស​ដែល​មាន​សាសនា​ផ្សេងៗគ្នា។

ការហូរ​ចូល​នៃ​ន​ចំណាក​ស្រុក​ ដែល​កំពុង​ភៀស​ខ្លួនពីសង្គ្រាម​ស៊ី​វិល​នៅស៊ីរី បាន​បង្កើនភាព​តានតឹង​នៅក្នុ​ង​ប្លុកនេះ និង​បានដាក់​សម្ពាធ​លើ​អធិការបតី​អាល្លឺម៉ង់​លោកស្រី អានជេឡា មឺរកែល ជា​មេដឹកនាំ​នៅ​អឺរ៉ុប​ ដែល​គោល​នយោ​បាយ​បើក​ចំហពី​ដំបូងរបស់​លោក​ស្រី បានធ្វើ​ឲ្យឈឺ​ចាប់​ដល់​ជំហរ​នយោបាយ​ក្នុង​ស្រុករបស់​លោក​ស្រី​។

ទស្សនកិច្ច​ពីរថ្ងៃ​ ដ៏កម្រ​របស់​លោក​អូបាម៉ា ទៅកាន់​ពិព័រណ៍​ពាណិជ្ជកម្ម​នោះ ត្រូវបាន​គេមើល​ឃើញថា​ជាសញ្ញាមួយ​នៃ ការ​គាំទ្រ​ពីមេ​ដឹកនាំ​ម្នាក់​ ដែល​លោក​ បានសង់​ទំនាក់ទំនង​ជិតស្និទ្ធ​ មុនពេល​ការបោះ​ឆ្នោត​អាល្លឺម៉ង់​នៅឆ្នាំ​ក្រោយ។​ វា​ក៏​អនុញ្ញាត​ឲ្យលោក​ផ្តល់ការ​គាំទ្រ​សម្រាប់​លោក​ស្រី មឺរកែល​ និង​លោក​កាមេរ៉ុន ​នៅក្នុង​បរិបទ​ កាន់តែ​ធំ​នៃ​តួនាទី​អឺរ៉ុប នៅក្នុងពិ​ភពលោក។​

លោក​អូបាម៉ា​ បាននិ​យាយពី​ថ្ងៃ​ចន្ទថា៖ «នេះគឺ​ជា​ឱកាស​កំណត់​ន័យមួយ និង​អ្វីដែល​កើត​ឡើង​នៅលើ​ទ្វីបនេះ មាន​ផលលំបាក​ជា​ច្រើន​សម្រាប់​ប្រជាជន​ជុំវិញ​ពិភព​លោក»។

លោក ក៏បាន​គូស​បញ្ជាក់ថា៖ «បើសិន​អឺរ៉ុប​ដែលមាន​ការ​បង្រួប​បង្រួម​ សន្តិវិធី សេរីនិយម​ ពហុនិយម ទីផ្សារ​សេរី​មួយ ចាប់​ផ្តើម​មាន​មន្ទិល​ខ្លួនឯង​ ចាប់​ផ្តើម​សួរ​ ការរីក​ចម្រើន​ដែលត្រូវ​បាន​ធ្វើជា​ច្រើន​ទសវត្សរ៍​កន្លង​ទៅ ដូច្នេះ​យើងពុំ​អាច​រំពឹង​លើ​ការរីក​ចម្រើន​ ដែល​ពេលនេះ​ទើបតែ​ចាប់ផ្តើម​ មាន​សកម្មភាព​នៅ​ក្នុង​កន្លែង​ជាច្រើន​ជុំវិញ​ពិភពលោក នឹងបន្ត​ នោះ​ទេ»។

លោក​អូបាម៉ា ក៏​បាន​និយាយ​អំពី​ទំនោរ​ដូចគ្នា​នោះនៅ​សហរដ្ឋ​អាមេរិក​ដែរ៕

0

Comments

Please, login or register to post a comment

ព័ត៌មានពាក់ព័ន្ធ