ក្រុងបាងកកៈ គណបក្សនយោបាយជាច្រើនបានទាត់ចោលការអំពាវនាវរបស់ក្រុម សកម្មជនឲ្យចូលរួមជាមួយពួកគេដើម្បីទាមទារឲ្យរៀបចំការបោះឆ្នោតឲ្យបានឆាប់ ដោយបានព្រមានថា សកម្មជនទាំងនោះអាចនឹងក្លាយទៅជាឧបករណ៍នយោបាយ ហើយយុទ្ធនាការទាមទារឲ្យមានការបោះឆ្នោតរបស់ពួកគេ អាចនឹងបាត់បង់ភាពស្របច្បាប់នៅពេលអ្នកនយោបាយ ចាប់ផ្ដើមចូលរួមជាមួយពួកគេនោះ។
នៅថ្ងៃសៅរ៍កន្លងទៅ ថ្នាក់ដឹកនាំនៃក្រុមសកម្មជនទាមទារឲ្យមានការបោះឆ្នោតជាច្រើននាក់ បានមកជួបជុំគ្នានៅសាកលវិទ្យាល័យ Thammasat ដើម្បីដាក់សម្ពាធទៅលើរដ្ឋាភិបាលឲ្យរៀបចំការបោះឆ្នោតនៅខែវិច្ឆិកានេះ ហើយធ្វើការកំណត់តារាងពេលវេលាច្បាស់លាស់មួយសម្រាប់ក្រុមសកម្មជន អាចបន្តហែក្បួនរហូតដល់យ៉ាងហោចណាស់ក៏ត្រឹមខែឧសភាដែរ។
ពួកគេ ក៏បានដាក់គំនាបអ្នកនយោបាយឲ្យជ្រើសរើសរវាងប្រជាជន និងយោធា។
លទ្ធភាពនៃការបោះឆ្នោតនៅខែវិច្ឆិកា ដែលសន្យាដោយលោកនាយករដ្ឋមន្ត្រីប្រាយុធ ចានអូចា មើលទៅហាក់ដូចជាមិនអាចកើតឡើងទៅរួចទេដោយសារតែការអនុវត្តច្បាប់បោះឆ្នោត ដែលគ្រប់គ្រងការបោះឆ្នោតតំណាងរាស្ត្រ ហើយវាត្រូវបានពន្យារក្នុងរយៈពេល ៩០ ថ្ងៃទៀត។ ច្បាប់នេះ មាន ប្រសិទ្ធភាពក្នុងការពន្យារពេលការបោះឆ្នោត រហូតដល់ខែកុម្ភៈ ឆ្នាំ ២០១៩។
នៅថ្ងៃសៅរ៍នេះដែរ ក្រុម សកម្មជនបានអំពាវនាវដល់សកម្មជនទាំងអស់ឲ្យចូលរួមយុទ្ធនាការដែលក្នុងនោះរួមទាំងអ្នកនយោបាយដូចជាមេដឹកនាំគណបក្សប្រជាធិបតេយ្យលោកអាប់ពីស៊ីត វេចាជីវ៉ា អនុប្រធានគណបក្សប្រជាធិបតេយ្យលោក Korn Chatikavanij និងអតីតមេដឹកនាំការតវ៉ាលោក SuthepThaugsuban។
ចំណែកអតីតអ្នកតំណាងរាស្ត្របក្ស PheuThai លោក Somkid Chueakhong បានថ្លែងថា អ្នកនយោបាយមិនចូលរួមជាមួយនឹងក្រុមសកម្មជនទេ៕